مبتعث جديد New Member
غير معرف
ريم الرياض
, تخصصى stu
, بجامعة Ksa
- rya, Rya
- غير معرف
- Feb 2008
المزيدl February 27th, 2008, 02:23 AM
February 27th, 2008, 02:23 AM
السلام عليكم و رحمة الله و بركاته
عندي إستفسار و أتمنى ألقى إجابه
أنا طالبة تربيه خاصه خلصت تقريبا 100 ساعه
و ودي أقدم على بعثه
سؤالي هو
هل أقدر أقدم على بعثه و أنا على قيد الدراسه و يحتسبون لي ساعاتي ؟!
أو لو قدمت بيحسبون لي من شهادة الثانويه العامه؟
علما بأن نسبتي بالثانويه و معدلي بالجامعه كلاهما عاليين
و بماذا تنصحوني ؟!
سؤالي الثاني
كم يشترط أقل عمر لمحرم المبتعثه ؟!
لو كنت خريجة بكالوريوس كم أقل المعدل المقبول للبعثه ؟!
ومره ثانيه أدعي لكم يارب وفق اللي بيدر على استفساري
السؤال اللي فوق ماقدر افيدك فيه امي
لكن عمر المحرم , اعتقد 18 سنه اوكي , ولو كان اقل بقليل مو مشكله بس الاهم ان يكون بالغ
بالنسبه لخريجين البكالريوس
لازم يكون المعدل 3.5 من 5 , او مايعادلها
تمنياتي للجميع بالتوفيق
أعقلها وتوكل February 27th, 2008, 02:40 AM
7 " اها يعني لو المحرم في أولى ثانوي مرفوض؟؟
طيب شكرا كثير لك اخوي أعقلها الله يسعدك و يوفقك إن شاء الله
أتمنى أحد يفيدني أكثر ؟!
ريم الرياض February 27th, 2008, 03:02 AM
7 " أخـتـي ريـم الـريـاض !!!
أول شي شيـلـي من بالك فكرة التقديم على البعثات بـشـهادة الـثانوية العامـة لـسببين :-
1 - أن شهادتك الثانوية أكيد مـر عـلـيها اكـثر من 3 سـنوات , وبالتالي فالشروط ما تنطبق عليك , لأن من الشروط التقديم على البـعـثـات أن لا يمر على تخرج الطالـب أكـثر من 3 سـنوات وهذا بالنسبة للطلبة الثانوية العامة الراغبين في إكمال درجـة الـبكـالوريوس .
2 - حــرام ثـم حــرام تقـدمين بالـثانوية وتضـيعين 100 ساعة درستيها .. إنتي من جــدك ؟؟؟ يعني خلاص almost done وتجين تبين تضيـعـين 100 سـاعة ؟؟؟ والله لـو البـعـثة لسـطـح الـقـمـر ضيـعـت هـالسنين التي درستها لو ما أدري وش يـصـيـر . . .
وحــتى لو وافقت الوزارة على شهادة الثانوية وإنتي فـكرتـي تـعـادلين ساعاتك يوم تراسلين الجامعات الأجنبية , فـهذا الإجراء مو سهل أبد والغالبية من الجامعات العالمية لا تـعـادل الساعات الا بشق الأنفس , فمثلا الولايات الـمـتـحدة والله العظيم عشرات , بل مـئات الطلبة معاهم 70 - 110 ساعة , ما بين دبلومات وساعات جامعية , تدرين يصفون على كم بعد مطابقة المواد ومعادلتها ... 80 % من الطلاب ما يعادلهم أكثر من 15 - 25 سـاعة فـقـط !!!
بالنسبة للمعدل المطلوب , ففي برنامج الإبتعاث الأول كان المعدل المطلوب هو 3 من 5 ,, والبرنامج الثاني كان 3.75 من 5 ,, والبرنامج الثالث كان 3 من 5 .. وما تدرين عاد الوزارة الموقرة في البرنامج اللي راح يبدأ في رجب بحول الله وش بــتـكون شروطها . لأنها تصانيف الدعوة والله اعلم .
وأمـا الــمـحرم , فلا علم لي صراحة , وأنا قرات لوائح الإبتعاث مـا مـر علي الـعـمر الصحيح للمرافق المحرم ولكن يظهر أن 15 سنة " قـياسا " ,, وانا وحدة من قريباتي مقدمة ومحرمها طالب في اولى ثانوي وعمره 16 سنـة.
هـذا اللي قدرت افيدك فيه حاليا , وبيني وبينك يا وخية , أشوف تصبرين الين تتخرجين إن شاء الله وبمعدل طيب , وبحول الله ما تروح عليك الفرصـة , والوزارة خطتها في السنتين الجاية هي إبتعاث طلاب الدراسات العليا , فما عـلـيك خـوف إن شاء الله ,,
وفي طريقة ثانية وهي إذا كان يـمـديك تـخـلصي ساعات تخرجـك قبل لا يبدأ البرنامج الجاي واللي باقي له حول 6 أشـهر , فإبمكانك تقدمين على الوزارة بوثيقة مؤقتة وتقبلين تحت شـرط إحضار الوثيقة الأصل بعدين .
وبالــتــوفـــيـــق أخـــتـــي @@@@@@@@@@@@
** MaMdOuH ** February 27th, 2008, 10:48 AM
7 " 
LinkBack URL
About LinkBacks
February 27th, 2008, 02:23 AM
السلام عليكم و رحمة الله و بركاتهعندي إستفسار و أتمنى ألقى إجابه
أنا طالبة تربيه خاصه خلصت تقريبا 100 ساعه
و ودي أقدم على بعثه
سؤالي هو
هل أقدر أقدم على بعثه و أنا على قيد الدراسه و يحتسبون لي ساعاتي ؟!
أو لو قدمت بيحسبون لي من شهادة الثانويه العامه؟
علما بأن نسبتي بالثانويه و معدلي بالجامعه كلاهما عاليين
و بماذا تنصحوني ؟!
سؤالي الثاني
كم يشترط أقل عمر لمحرم المبتعثه ؟!
لو كنت خريجة بكالوريوس كم أقل المعدل المقبول للبعثه ؟!
ومره ثانيه أدعي لكم يارب وفق اللي بيدر على استفساري