احتاج المساعدة!! الله لا يحرمني منكم …

بالنسبه لسؤالك الاول :
نعم ترفق لهم خطاب من المعهد بأنك لازلت في المعهد تدرس حتى يعملون لك إعادة صرف ...

اما بالنسبة لسؤالك الثاني :
راجع هذا الموضوع وراح تلاقي جواب استفسارك :
http://www.mbt3th.us/vb/forum127/thread435228.html

الله ييسر لك امرك يارب … يعطيك الف عافيه .

بس يعلم الله اني بعد ما قريت الموضوع اتضحت الصوره بس حسيت اني ادرس فيزياء ومعادلات لول

هو لازم الواحد يقرأ ويبحث حتى يتعلم

والله صادق

معليش اخوي في عندي سؤال ثاني *ـ* ؟

زي ما تدري انا دوبي انضميت للبعثة لسا طازج، وماعندي فكرة ابدا عن نظام الملحقية، فسؤالي كالاتي :

متى اطلب ضمان مالي ؟ لان اول ما انضميت المشرفه رفعت لي طلب ضمان مالي وتم الرفض وكاتبين لي كذا (( Student is attending Southern State univ. needs change of ESL school request ))

على العموم : انا رفعت طلب اعادة صرف، والطلب موجود في الملحقية حاليا،وارفقت فيه خطاب اني مستمر في مرحلة اللغة وموضح فيه الليفل حقي وكشف درجاتي . فهل راح يقبلونه ؟

او لا زم يجيني الضمان المالي اول عشان يوافقون لي على اعادة الصرف ؟ ولا ماله علاقة ؟

وفي عندي استفسار اخر ادري والله مزعجك ….

الحين انا جاني القرار يوم ٢٠ نوفمبر والمكافئات نزلت اليوم على حد علمي. هل لو جاني اعادة الصرف ورفعت طلب صرف فروقات هل ينزلون لي مكافئة الشهر او لا ؟

وياريت اعرف كيف يتم التعويض عن المبالغ اللي دفعتها اذا احد يعرف ؟؟؟؟

معليش على التثقيل

ماعرف وضعك بالضبط .. لكن اذا لازلت في مرحلة اللغه فمن المفترض انه يقبل ..
انا ماعرف ايش انت ارفقت حتى تفتح الملف .. هل هو قبول جامعه او قبول معهد !

لان الواضح من رد المشرفه عليك ان انت فاتح الملف عندهم بمعهد غير المعهد الحالي ... فلذلك لابد ترفع طلب "طلب تغيير معهد" ..
وترفق القبول الحالي من المعهد الحالي اللي انت تدرس فيه ومع بقية الاوراق المطلوبه منك ..

بعد مايقبلون الطلب ... ترفع طلب إعادة صرف وترفق الاوراق المطلوبه .. وراح يتم إعادة الصرف عليك ...
بعدها تقدر تطلب ضمان مالي ..

الضمان المالي ماتقدر تطلبه الا لما تعدل بيانات المعهد اللي موجوده بالملحقيه بالمعهد الحالي ..

اما بالنسبه لصرف الفروقات .. فراح يعطونك الايام اللي مانحسبت لك من تاريخ 20 الى تاريخ رفع الطلب ..
لكن ماراح تكون مكافأه كامله ..

المكافأه الكامله راح تجيك مو الجايه لا اللي عقبها .. الجايه راح يكون مخصوم منها المبلغ اللي طلبته في صرف الفروقات ..
والباقي راح ينزلك في المكافه الجايه .. بعدها راح ينزلك المكافأه كامله بالمرات الجايه ..


بالنسبه للتعويض ... فما ادري عن ايش تبي تعوض .. لكن اذا كان على المعهد .. فراح يعوضونك عن هذا الفصل فقط ..
راح يجيك الشيك من المعهد أول ماتعطيهم الضمان المالي راح يحولون الفلوس على الملحقيه بعدها راح يرسلون لك شيك بالمبلغ اللي دفعته لهذا الفصل ..
وتروح تودعه بحسابك ..

اهم شي حاول تخلص امورك قبل انتهاء الفصل حتى تقدر تعوض الفصل الحالي .. لان اذا انتهى الفصل راح تطول السالفه وتحتاج انك تجيب اوراق من المعهد وفواتير وزحمه حتى يعوضونك الملحقيه ..
فخلص امورك من بدري قبل انتهاء السميستر حتى يعوضك المعهد بدون ماتعب عمرك ..

يعطيك العافيه اخوي والله ما قصرت
بالنسبه للمعهد زي ما قلت هم حاطين اسم الجامعه بالغلط وانا سويت طلب تحويل معهد لغة وبنتظر الرد
اما بالنسبه للتعويض ما فهمت اول ما اعطي المعهد الضمان المالي ، المعهد يعطيني شيك ؟ وهل يحتاج ارفع طلب تعويض او هم تلقائيا بيعوضوني ؟ طيب هل في تعويض على رسوم الفيزا والابلكيشن حقة المعهد وكذا او لا ؟

وجزاك الله الف الف خير

Sent from my SCH-I545 using مبتعث mobile app

اذا عطيت المعهد الضمان المالي .. راح يرسلون لك الشيك عبر البريد خلال شهر تقريبا حسب سرعة المعهد في مثل هذه الاجراءات ..
اذا ماوصلك شيك خلال هالفصل من المعهد .. تراجع المعهد وتشوف اذا هم سحبوا المبلغ من الملحقيه والا باقي ..
او تقدر تشيك عليها من حساب المعهد اذا تدفع لهم عن طريق موقعهم .. تشوف كشف الحساب عندهم .. وراح تتبين لك الامور ..

اما رسوم الفيزا والابلكيشن فعلى حد علمي لا ..