الأعضاء الإشتراك و التسجيل

الملتقيات
ADs

اختبار التوفل

اختبار التوفل


NOTICE

تنبيه: هذا الموضوع قديم. تم طرحه قبل 2626 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية أسيرة الأمل
    أسيرة الأمل

    مبتعث جديد New Member

    أسيرة الأمل أستراليا

    أسيرة الأمل , أنثى. مبتعث جديد New Member. من السعودية , مبتعث فى أستراليا , تخصصى رياضيات , بجامعة خريجة كلية
    • خريجة كلية
    • رياضيات
    • أنثى
    • الدمام, الشرقية
    • السعودية
    • Jun 2008
    المزيدl

    June 19th, 2008, 09:14 AM

    إذا سمحتم يا أعضاء عندي سؤال.. أنا لي فترة ودي أدرس لغة انجليزية بأحد المعاهد الممتازة بالدمام بس أموري ماتيسرت.. المهم أنا الحين أفكر في الدراسة الذاتية كم شهر إلى أن أتقنها وبعدين أختبر توفل.. وسؤالي هو: هل ألقى امتحن عبر النت بواسطة أحد المعاهد الأمريكية وهل يتطلب ذلك أي رسوم مالية وإذا كان الجواب بنعم فكم المبلغ تقريبا؟
    لأني بصراحة تأزمت من ناس أعرفهم يدرسون دبلومات هنا ويدفعون مبالغ بس أشوفهم مو متقنينها وبعدين سمعت أن اختبارات التوفل هنا مو الكل يقدمها يعني بالنسبة لنا هنا بالدمام فيه بس في المعهد البريطاني ويقدم امتحان الايلتز أما المعاهد الثانية فهي فقط تقدم دورات إعداد لامتحان التوفل يعني الامتحان أو الشهادة هنا ماهي المعتمدة من المركز الرئيسي بأمريكا ( بالنيسبة للتوفل ) أو بريطانيا ( بالنسبة للايلتز).
  2. حددي موقفك ,, تبين معهد كويس ؟ ولا تبين مكان تختبرين فيه التوفل ؟؟

    عموما ً بجاوبك بالي اعرفه ,,
    فيه اماكن كثيره في السعودية تختبرين فيها التوفل ٍ ,, بس طبعا التوفل بالنت مش التوفل الورقي ,, تروحين في وقت معين بعد الحجز وتختبرين عندهم على الجهاز ,, والاختبار سعرة الحالي في السعودية 185 دولار !! تحجزين من بدري ,, وتروحين تختبرين في المكان الي يحدده لك بعد ماتختارين المدينه الي تحبين تختبرين فيها ,, والدفع طبعا يكون اون لاين وقت الحجز ٍ
    وهذا الموقع الي تحجزين منه ,, تختارين الدولة وتطلع لك المواعيد والمدن ٍ
    http://www.ets.org/bin/getprogram.cgi?test=toefl

    اشياء كثيره مافهمتها ٍ في اسئلتك ,, لكن التوفل اختبار امريكي ,, والايلتس اختبار بريطاني ,, والرائج ان التوفل افضل من الايلس ومعترف به في جهات تعليميه اكثر ,,

    بالتوفيق ٍ
    7 "
  3. أخي العزيز.. أنا سؤالي هنا على حسب الكلام اللي سمعته.. قالوا لي: إن المعاهد اللي تقدم الامتحان ( وليس الإعداد للامتحان ) في المملكة ثلاثة فقط وبالنسبة للدمام فيه بس المعهد البقريط\اني وهذا يقدم امتحان الايلتز وليس التوفل والمعهد معهد بريطاني وليس أمريكي وبالنسبة للمبلغ اللي ذكرته كم يطلع بالريال االسعودي وبعدين سؤالي الثاني: هو لو بغيت أمتحن على النت مباشر يعني امتحان ليس ورقي فما المتطلبات اللزمة لذلك وهل يلزم ذلك أي رسوم مالية وكم تبلغ وكيف آلية الدفع؟؟ أتمنى يكون السؤال وااضح كذا
    7 "
  4. اختي انا اللحين قاعد احضر لامتحان التوفل عن طريق دورة بمعهد اي ال اس بالدمام ورسوم الدورة 3000 ريال


    الاختبار الاساسي نفسه تقدرين تختبرينه بالدمام او الظهران عن طريق اماكن محدده ومعينة للاختبار

    بعد ما تشوفين نفسك جاهزة للاختبار وتاخذين دورات وكل شي

    تدخلين على الصفحة حقت التوفل وتحطين موقعك وبيطلع لك الاماكن الي فيها الاختبار

    بعد هذا تسددين الرسوم وهي تقريبا 700 ريال عن طريق نفس الصفحة بالانترنت وخلاص تطبعين الورقة الي مكتوب عليها مكان وتاريخ الاختبار

    تروحين هناك وبتحصلين اجهزة كمبيتور وعليها الاختبار وفي مراقبين موجودين .. تختبرين عندهم وخلاص هم يرسلون اختبارك

    بعد شهر تجيك النتيجة عن طريق الايميل



    انصحك تدربين جيد على الاختبار لانه مو سهل ولا صعب بس يبغاله تدريب لان فيه طريقة معينة من الاسئلة

    بتحصلين بجرير كتب كثيرة عن هذا الاختبار او تقدرين تدخلين دورة تدريبية

    بالتوفيق
    7 "
  5. شكرا.. فهمت بس كيف آلية تسديد الرسوم هل لهم حساب معين وهل الإيداع قبل دخول الامتحان أم بعد.. ولو صار إني مااجتزت الامتحان وبغيت أعيده هل أدفع مرة ثانية ونفس المبلغ ولا يختلف السعر.. أنا ماخذة ببالي مسألة التدريب بس حابة أني أكون على نور من الأمر بكامله عشان بعدين مايضيع وقتي بالاسئلة
    7 "
  6. التسديد عن طريق نفس الموقع الي بتسجلين فيه الي هو موقع التوفل الرسمي

    لازم يكون معاك بطاقة فيزا او ماستركارد وتدخلين الارقام الي عليها بالموقع وهم يخصمون مباشرة من حساب البطاقة وبعدها يعطونك المكان والوقت

    يعني دفع الرسوم يكون عند التسجيل الرسمي للاختبار عن طريق الموقع (( يعني قبل الاختبار ))

    الاختبار تدفعين رسومة كل مرة تختبرين فيها .. يعني كل مرة تدفعين 700 ريال تقريبا

    في عدد معين للمرات الي تقدرين تختبرين فيها (( يعني ما تقدرين كل شهر تختبرين وهكذا )) وماني متاكد من عدد المرات ولكن اعتقد 4 مرات بالسنة كحد اقصى (( ادخلي على موقعهم وتاكدي ))


    ومافي شي اسمه ما اجتزت الامتحان ,, الامتحان من درجات واقصى درجة 120 يعني لو اخذتي 120 هذا معناه انك جاوبتي كل الاسئلة صحيحة

    وراح تجيك النتيجة بعد شهر عن طريق الايميل وبيرسلون لك شهاده

    الشاهد من الكلام ان كل جامعة بالخارج تبي نسبة معينة بالاختبار يعني بعض الجامعات تقول ابي 80 وهذا معناه انها تبي 80 من 120

    فرضا انتي جبتي 60 من 120

    هذا معناه انك اجتزتي الاختبار وجبتي 60 وعندك شهاده بالشي هذا بس ما راح يفيدك بشي لان الجامعات تبي نسبة اكبر من الي جبتيها

    هذا معناه انك تدخلين على مواقع الجامعات الي تبينها وتشوفين كم يطلبون بالتوفل

    تقريبا معظم جامعات امريكا يبون 80 من 120

    وطبعا هذه مو سهلة ولا صعبة بس تحتاج تدريب ودورات

    اتمنى وصلت لك الفكرة كاملة
    7 "
  7. مرحبا

    أخوي عزيز لو سمحت ممكن تدلنا على معاهد في الشرقيه تدرب زيين لتوفل ؟

    أنا سمعت أن في شهر 7 او 9 في دورة في جامعه البترول عندك اي معلومه عن هالشي

    ارجو افادتي اذا ممكن

    تحياتي لك ولللأخت أسيرة الأمل

    أختكم هشووم
    7 "
  8. والله اختي المعاهد الي تقدم هالدورة ماهي كثيرة

    انا سجلت بمعهد اي ال اس بالدمام قدام بنده الي جنب الواحة والدورة 20 ساعة ب 3000 ريال

    ما بديت معاهم للحين ولا عطيتهم اي مبلغ بس افكر جديا عاليومين فيها

    بس تنويهك ان جامعتنا تقدم الدورة بشهر 7 او 9 خلاني انردد لانهم بالتاكيد افضل بكثير

    انا الي عرفته ان الدورة في جامعة البترول كانت بشهر 2 الماضي

    عشان كذا عطيني فرصة اروح الجامعة واتاكد بنفسي وانشالله يكون بينا تواصل واخبرك بالموضوع

    مشكورة عالتنوية
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.