أبغى اروح الابتعاث بس المشكلة عندي قرض بالبنك اقدر اروح او لا ارجووووكم جاوبوني !!!

لا ابداً القرض ماله دخل في البعثه ولا احد راح يكلمك. انا علي قرض وطلعت بعثه. بس الله يعينك على السداد بعد ما ترجع

يالغالي معليش ارجوك فهمني يعني الان انا معلم واخذت قرض من بك الجزيرة ومااقدر اسدده كله

وباغى اروح البعثة وقدمت

انا لما اروح وقتها ماراح يكون معاي الا فلوس المكافأة فقط
فالبنك من فين ياخذ القسط الشهري ؟


هل البنك يوقف القرض حتى اجي من السفر ؟؟
وكيف البنك يوقف القرض ، يعني اجي البنك واقول له انبروح بعثة وخلاص بس كذا


يعطيك العافية يالغالي

انتظر ردك باحر من الجمر

الله يووفقك

ان شاء الله

ويوفق الجميع يارب

السلام عليكم وآسف على لاتأخير

مشكلة القرض واجهتني قبل سنه ونص يوم قدمت على البعثه وكنت راح الغي البعثه لهذا السبب. لكني استخر الله وطلعت. والله يعين على التسديد بعد ما اخلص بعثه

حبيبي . . . . .
بالنسبه للبنك هو ما عليه منك سواء طلعت بعثة او جلست في السعودية. البنك همه الاول والاخير انه يوصله مبلغ السداد في الوقت المحدد. يعني انسى انه فيه بنك راح يسوي لك تأجيل للاقساط الين تخلص البعثه وتجي وبعدين تكمل., NO WAY

وكل الاقساط الي تمر عليك وانته في البعثه وما تسددت راح تحسب عليك متأخرات. وبعد فتره من عدم السداد ( على حسب البنك ) راح يرفع اسمك لمؤسسة النقد وتوضع في البلاك لست الييييييييييين تسدد كامل المبلغ.


اذا فيه شي مو واضح او تبغى توضيح زياده او عندك اي استفسار انا في الخدمه

اخي انا زوجي مرافق ليه ان شاء الله
لكن عنده قرض من البنك العربي
وشكرا على توضيحك ..بس بسالك لاني سمعت انه لازم يروح للبنك يسوي تاجيل قرض.......
بس اتوقع بفوائد
طيب لما ترجع راح ترجع عادي زي اول يعني اقساط ولا مطالب بتسديد كامل المبلغ
ومافي مشاكل في البلاك لست
وشكر موصول لك

دمتم بوووووود

يعطيكم العاااااافية والله ماقصــــرت

الله يوفقكم يارب والله ماقصرتوووووا



تحياتي لكم

السلام عليكم

اكيد راح ياطلبون زوجك بتسديد المبلغ كامل. لكن ما عليه منهم يسدد على كيفه اذا رجع . . . والبنك اكيييييييييييييد ما يقدر يقول لا.

انا المشكله الي واجهتني والي راح تواجهونها اتوقع انه يوم اخذت القرض . . البنك يطلب منك عناوين اتصال لشخصين من اقاربك او اصحابك . اكيد انتوا ياراعين القروض تعرفون هالشي.
والله من اول شهر ما نزل القسط فيه استلموا . . .اخوي. . . . وصاحبي. . . . انواع الاتصالات والوعيد والتهديد. . . . . . . البنك البريطاني الي اخذت منه القرض تقريباً عنده اكثر من 100 موظف عشان يزعجون الناس. لا ويتصلون في اوقات متفرقه ومن ارقام كثيره حتى من جوالات ! ! ! !

صاحبي غير رقم جواله من كثر الازعاج. واخوي يقول من كثر التهديدات الي وصلته ترى بسدد عنك . . . خااااااااااااااااايف علي اخوي انسجن او اقتل

اكثروا يا اخوان من دعاء
( اللهم لا تدع لنا ذنباً الا غفرته ولا هماً الا فرجته ولا كرباً الا نفسته ولا ديناً الا قضيته )