استسفار للاهمية ارجو ممن الذين سبقو الذهاب بزوجاتهم افادتي ...

أهلين أخوي

أنا في فيلادلفيا بأمريكا وعندنا نسولن أمريكيات الأصل

والله ما تشوف منهم شي

ولا أحد يقول لهم شي


وكذلك العربيات

لكن باقي الولايات والمدن ما أدري عنها

يا خي الحجاب في كل مكان
اما من ناحية المطار ما اعرف بالشـي هذا
والرجل المسلم سيبقى مسلم بدينه وعاداته وتقاليده ومن ينصر الله ينصره

الله يوفقكم وربي اجابتكم لي سعدتني ...

ارجو من البقيه المشاركه بما لديهم ولكي يستفيد الاخرون مثلي ..

والله ياخوي
أنا أشوف إن المنقبات هنا ما ياخذون راحتهن .. يعني محد يكلمهن لكن تحس الناس يناظرون للمنقبة بشكل غريب
فمثلاً لو رحت مطعم وإلا مكان عام وإلا مكان سياحي بيكون صعب شوي عليك إن الناس تطالعكم وين ماتمشون كأنكم جايين من المريخ
نعم في بنات الله يجزاهن خير منقبات وفيه ملثمات وفي محجبات وفيه مادون ذلك
لكن إنت إترك من العادات والتقاليد في حال تخالف نصوص شرعية بمعنى آخر ... شف وش أقول العلماء الأجلاء في مثل هالمواضيع وعلى أساسها تصرف
طبعاً تغطيتة الوجه فيها من الدين والفضيلة والتمسك بالدين الكثير
لكن أنا أقولك أولاً وأخيراً ما عليك من أي شي يخالف الشريعة
يعني شف أقوال العلماء الأجلاء وعلى أساسها تصرف إن كان عطوك الرخصة في شي معين .. كان بها .. وإن كان قالوا كلام غير هذا .. فإتبع أهل العلم
لكن أنا وبدون إفتاء شخصي مني أقول أنها صعبة وبالنسبة للمطار ماعندي أي خلفية أبداً

لكن أولاً وأخيراً شف الشرع وأقوال العلماء وعلى أساسها تصرف وعلى حد علمي إن كبار العلماء أختلفوا في المسألة .. لكن في حال إحترت وما حصلت الجواب الشافي وسألت كثير من العلماء وأختلفت آرائهم معناها مالك إلا أن.. تستفتي قلبك

الله يسهلكم

اخوي حط في بالك قول الله تعالى ((ومن يتق الله يجعل له مخرجا ))
والله متى ما جعلت دينك والتزام زوجتك بحجاب الطهر والعفاف هو الاولى لك والله ان الله حيعوضك خيراً
اخوي اعرف ناااااااس يقولون لي عن حالهم فيقولون لي ان المرأة التي تعتز بدينها تحترم في بلاد الغرب
وحط في باااااااالك انك إذا طلبت رضا الله فإن الله حيسخر لك عباااااااده
اخوي انت طلبت رضاااااا الله تعرف ايش طلبت ...طلبت رضا جبار السموات والارض ....يعني كن مع الله ولا تبااااااالي

انا فاهمه وضعك وهو وضع الكثير مننا الكل يفكر كثير بماسئله الحجاب والغطا والنقاب والاختلاط اصلا لاني ابي ادرس صراحه انا محتاره مثلك ومدري وش اجاوبك بس صراحه انا استخرت كثير واذا السفر فيه خير لي ربي يسهل واذا شر ربي يصرفه عني ان شاء الله
نصيحتي استخير في كل خطوه بالنسبه للنقاب ترا عادي سالت بنات هناك قالو فيه منقبات كثير مومشكله لان زوجتك ما تدرس هناك
المشكله بالي بيدرس وشلون يتعامل معهم وهو منقب ؟؟؟ بالتوفيق اخوي ادري ما استفدت من شي بس الله يسهل امري وامرك بالتوفيق

انا اذكر انو وحده قالت لي .. انها كانت منقبه.. وفي لوس انجلوس...وماتعرضت لاي مضايقات هناك بسببه..

وانا مثل سارا ما اعتقد انو اللي مايدرسو عندهم مشكله...

بس هل فيه مشكله مع المنقبات اللي يدرسو؟؟

عادي اخوي لا تخاف
في المطار اذا زوجتك منقبة اطلب يطابق عليها موظفه مو موظف وهما عادي بيراعونك
في التمشيات والروحات والجيات وسع صدرك اساسا الامريكايات اللي يدخلون للاسلام فيه نسبة منهم منقبات
وانا اعرف واحدة امريكية محجبة تروح ترهول الصبح بعبايتها
وبالعكس اعتز بدينك ولا يهمك
مو عشان شي سخيف تلغي البعثة
المفروض عشان زوجتك منقبة تصر على انك تبتعث لعل الله يهدي على ايديكم
بس ملاحظة
لازم على كل مبتعث ومبتعثة قبل ما يروح يقرأ عن الحجاب والاسلام ويشوف اجوبة الدعاة من قبل لأنه اكيييييد راح يستفسرون منكم الناس ونبغى نجاوبهم بجواب محكم

والله يوفقك

جبتها على الجرح ؟؟؟