أنا محاضرة في جامعة سعودية وارغب في الإبتعاث لكني أجهل نقطة البداية

اهلين اختي...
اولا الله يوفقك وتكملي دراستك وترجعي بروفيسوره مو بس دكتوره
ثانيا مكاتب معتمده تقدر توفر لك القبول الجامعي او قبول اللغه وتراسل الجامعات بالنيابه عنك
او اذا مو حابه في مواقع للجامعات تمكنك من مراسلتهم ويكونوا معاكي عن طريق الايميل من اول خطوه
ثالثا..بالنسبه للعسكري على حد علمي مو مقبول كمرافق بس اكيد فيه كم طريقه تقدري تتصرفي فيها يعني موضوع المرافق مو محتاج تفكير وربي يوفقك ونشوفك اكبر دكتوره

تحياتي...

سووري نسيت موضوع الوالده الله يطول بعمرها ويحفظها لكم


الوالده تقدري تقدميلها على فيزا سياحيه وتاخذيها معاك وتاخذي جنتك معاك بدون اي مشاكل بس الموضوع محتاج شوية وقت وطولة بال

اتمنى اكون افدتك ولو بشي بسيط

وبالتوفيق للجميـــــــــــــــــــــــــــــــــــــــــــــ ـــــــــــــــــــــــــــع

هلا اختي و ان شاءالله ربنا يوفقك للحصول على مبتغاك في العلم ...

ذكرتيني في اول ايامي لمن كنت محتار زيك و سالت و استشرت كثير و الحمدالله ربنا انعم علي بالابتعاث و حاليا موجود في كندا ..

اول شي انصحك تطالعي فيه هوا معدلك في الماجستير و التخصص المطلوب دراسته في الدكتوراه و على اساسه تتحدد الجامعة و من ثم البلد !

ادخلي على هادا الرابط من وزارة التعليم للجامعات المعترفة من التعليم العالي كشرط اساسي في دراستك في الخارج ..
http://www.mohe.gov.sa/Arabic/recomm...s/default.aspx

و اختاري اقرب بلد محببه ليكي و حطي التخصص المطلوب و راح تطلعلك الجامعات المعترفه للتخصص و عليها ادخلي على الجامعات الموجوده على النت و حاولي تدوري شروط القبول و طريقة الدراسة ....

على اساس الجامعة الي تشوفي انسب لحالتك راح تتحدد البلد !!..

عن نفسي اشوف كل البلدان متوفر فيها التعليم !.. لكن الي اقصده زي مثلا انا حاليا موجود في كندا و ماني قادر اجيب قبول مشروط للجامعة لدراسة الماجستير !!.. لان كل الجامعات الكندية تطلب معدلات جدا عاليه بجانب شروط غريبه زي عدد سنوات خبرة و توصيات من دكاترة و غيرها !

و صرت ادور في امريكا لان قبولاتها اسهل ( بالنسبة لحالتي ) .. و معروف افضل البلدان كندا و امريكا و استراليا و نيوزيلندا و بريطانيا و غيرها !.. و لو سالتي اي احد عن احسن شي فراح كل واحد يفتي من عنده على حسب وجهة نظره !

و ربنا يوفقك ان شاءالله

وفقك الله اختي ..

قبل فترة كنت تماما أجهل عالم الابتعاث وخفاياه ، ولكني ولله الحمد تعرفت على هذا المنتدى الذي يعد من المنتديات المتميزة في هذا المجال ، تصفحت العديد من المواضيع واستفدت ولله الحمد بعد أن شعرت بحالة من الحيرة والتشتت بين الدول والجامعات ..

وحقيقة أن فرصة الإبتعاث لأكمال الدراسة تشكل نقطة مميزة في حياة الشخص ، وتمثل تغيير جذري في حياته ، أتمنى ان توفقي فيها بأذن الله.

أولاً أختي وقبل ان تبدئي في رحلة البحث عن الجامعة اتمنى ان تقرأي موقع وزارة التعليم العالي
الرئيسية >> الابتعاث >> لوائح الابتعاث

ودليل الابتعاث من موقع وزارة الخدمة المدنية (باب أبتعاث منسوبي الجامعات)
فيوجد به الكثير من الاجابات لأستفساراتك

ثم أذا تم تحديد التخصص الدقيق فأبحثي عن الجامعات المتميزة في هذا التخصص وفي أي الدول وان كنت حريصة على تعلم اللغة الانجليزية وجودة التعليم فبريطانيا وأمريكا وكندا من أفضل الدول في هذا المجال وأن كانت تكلفتها المعيشية أكبر من بعض دول شرق أسيا وأستراليا ونيوزلاند.

وبالنسبة لطلب القبول من الجامعة فيوجد مكاتب خدمات تقوم باللازم من تقديم في معهد لغة أو قبول جامعي وتختلف الرسوم من مكتب لآخر .

أو اذا رغبتي في التقديم بنفسك فلايوجد صعوبة والعادة أن يكون هناك روابط للتقديم في الجامعات Online من خلال نموذج يتم تعبئة بياناتك كاملة وارساله ثم أرسال الأوراق المطلوبة بالبريد وتختلف الطريقة والأوراق والشروط من جامعة الى أخرى.

لكن عموماً يوجد الكثير من المعلومات في هذا المنتدى لطرق التقديم ، ويوجد الكثير من الأخوان هنا يقدموا المساعدة في حال واجهتك صعوبات.

وبالتوفيق أن شاء الله

احضري قبووول من جامعه معترف بها(( بواسطة مكتب او شخص تعرفيه هناك او من خلال الموقع)) ..
قدميه لمجلس القسم ثم مجلس الكلية ثم مجلس الجامعه. بعد ذلك يرفع للتعليم العالي للاعتماد. ثم رجع يصدر لك قرار الابتعاث وتسافر .... حاولي تتصلي بعميد شؤون الاساتذه بجامعتك....

بالنسبة للوالدة مادري بس اتوقع لازم تجيبي صك من المحكمة انك العائل الوحيد لها ...