استفسار بسيط لكن موهم جدا

اعتقد من خلال ماقرأته في المنتدى وغيره من المنتديات إن القبول لازم يكون فيه ضمان مالي
والضمان المالي هو خطاب الوزارة للسفارة
بس ماأدري إذا فيه طريقة ثانية للقبول اعتقد عليهم(الوزارة)
ياليت أحد يفيدنا في هذا الموضوع عشان نتحرك

سؤالك بمحله


ننتظر احد يفيدنا

كيف حالكم يا جماعه .ان شاء الله انكم بخير

عموما بالنسبه لسؤالك جوابه :
في الأونه الأخيره اصبحة الوزارة تجيب قبولات لمعضم المبتعثين وذلك عن طريق مؤسسه متصله مع الوزارة ترتب المبتعثين في الولايات على حسب التخصص وعدم تكدس السعوديين في منطقه ما. ويكون هذا القبولات إما قبولات من معهد فقط او جامعه او معهد مع الجامعه يعني انت ونصيبك لكن هذا لا يعني إذا جاك قبول من جامعه تقول خلاص انا انقبلت وبعد المعهد راح ادرس في الجامعه طوالي لا يا عزيزي فيه شيء اسمه اختبار توفل وجيمات إلخ علىحسب كل جامعه وفيه كمان معهاد متصله بجامعات يعني بعد ما تخل من المعهد وبدون توفل تدخل على الجامعه .

عموما/ يحق لك شخص يرفض القبول الي تجيبه الوزارة بس تكتب عندهم تعهد بإنك راح تجيب قبول في اسرع وقت لكن هذه مشكله ثانيه لو جبت قبول بنفسك يطلب المعهد او الجامعه الي تبغى تدرس فيها ظمان مالي والظمان المالي يبغالك تروح الوزارة علشان تأخذه يعني شحططه شويه.

واي استفسار عن هذا الموضوع لا يردك إلا لسان وربنا يوفقكم

شكرا لك اخي الكريم على توضيحك ولكن ياريت تقول ايهما الافضل قبول عن طريقي او طريق الوزارة . تحياتي....

ياحبيبي كل جهه لها سلبيات ولها ايجابيات

من ناحيه قبول الوزاره انت ماراح تتعب نفسك وتسدد رسوم الابليكشين وغيره وتدور على معهد ومن هالكلام راح تجي تلاقي قبوولك جاهز ومن ناحيه اخرى يمكن يجيبون لك قبول في مدينه او ولايه انت ماتحبها او الناس مايمدحونا وزي كذا

اما القبول اللى انت تجيبه الله لايهينك تتعب وتدور معهد وتجيب قبوول لازم يكون معهد حلو وقوي وله سمعه وبعدين براحتك تختار المكان اللى انت تبي لو تحب مدينه او ولايه معينه لكن قبل لازم تاخذ الضمان المالي من الوزاره على اساس تراسل فيه المعهد ومتى يعطونك الوزاره الضمان ماراح يعطونك اياه بسررررررعه لازم شوي شحططه

بالنسبه لي انا شخصيا انا افضل الوزاره تجيب قبول ولو طوولت شوي انا باخذ الضمان المالي وبراسل بنفسي


اتمنى اكون افدتك الله يوفقنا يااارب

عرفت الفرق

السلام عليكم يعني الوزارة بتجيب القبول ويرغموني على الموافقة على المعهد والجامعة لا والله ما ابي انا , ابي اختار جامعتي ومعهدي بنفسي وكذلك مدينتي , وخصوصا المدينة لأن اقاربي في مدينة معينة , افيدنا لو تكرمت وكذلك اذا احضروا لي قبول هل استطيع رفضه . وشكرا

بالنسبه لللوزاره تجيبك القبول وهي لا ترغمك بقبوله او لا لكن تقولك شيءواحد وهو إذا قبلت فيه لازم تبدأ بإجراءات التأشيره في اقرب وقت . اما إذا ماتبغى قبول الوزاره فتوقع إنك ما تبغى القبول وتتعهد في فتره محدده تجيب القبولفي اقرب وقت .

اما إذا ما تبغى الوزاره وبعدين راسلت وما جاك رد وفكرت إنك تأخذ قبول الوزاره مره ثانيه راح يقولوا لك انت وقعت انك تجيب قبول علشان كذا راح يحذفون منك المحه الدراسيه .

وربنا يوفقكم و يوفقنا .

السلام عليكم



يعني افهم من كلامكم انه مو مطلوب مننا نسوي اي شي الين تطلع اسماء المقبولين ؟



طيب بعد ما تطلع اسماء المقبولين وش المطلوب اننا نسوي ؟؟ بالتفصيل الله يخليكم



و على فرض اني خليت الوزاره تختار لي المعهد والجامعه ..وسافرت الدوله اللي ابيها ودرست فتره وما عجبني الوضع ..ممكن اغيرهم هناك ؟ اقصد المعهد او الجامعه ولا لا ؟


وشكرا لكم

ليه محد رد على اسئلتي ؟