استفسار حول الحصول علي البعثة

اول شي تفكر فيه
وين تبغى تروح اول
حدد المكان
ودور معلومات عن المكان والمدينه من كل النواحي وشوفها تناسبك والا لا

وبعد ماتحدد المدينه ابدأ دور الجامعات اللي فيها تخصصك وطبعا لاتنسى تشيك انها معترف فيها والا لا في وزارتنا الموقره

وهالشي تلاقيه في الموقع اللي للوزاره

وبعد ماتختار الجامعه تجيب لك منها قبول
و طبعا شيل من بالك فكرة انك تروح مكتب تجيب منه قبول
وعن تجارب شخصيه <<<<بتبدأ سلسلة النصائح الذهبيه
اول شي البعثه فيها عقبات واول عقبه هي انك تجيب قبول
لو قلت مااعرف واستسلمت يعني اللي جاي مابتتحمله

لاتستسلم مهما صاار
وبعد القبول اللي للجامعه لو كنت تحتاج معهد
فيه عندك خيارين يا تسجل في نفس معهد الجامعه والا تدور لك معهد وتسجل فيه

وانت حر في النهايه لازم يجي الاي توني فيه مدة الدراسه كامله للمعهد والجامعه

اذا وصلك الاي توني سجل يجي دور الفيزا

بعد ماتطلع الفيزا
تحجز لك طيران على مكان الدراسه
ولو تبغى تاخذ امر اركاب مادري ركوب
لاتحجز طيران روح الرياض للوزاره و خذ منهم وحط في بالك انه مو اكيد يعطوك
من كلام الاعضاء

الشي اللي بعدو
لو عطوك امر اركاب اللي هو التذاكر خلاص
كل اللي عليك تسويه تسافر

ولو ماعطوك احجز لك واتكل على الله وسافر

ومر الملحقيه في البلد اللي اخترته وافتح لك ملف طالب دارس على حسابه
وملف طلب الحاق بالبعثه وشوف ويش الشروط حسب كل بلد

وتوته توته خلصت الحدوته

وان شاء الله استفدت منها

لاتنساني من الدعوات

يعطيك العافيه اخوي والله يسهل للك امووورك انشا الله
بس سؤال ثاني
هل ممكن اقدم اوراقي علي وزارة التعليم العالي با الرياض