مستشفى ترانساد؟؟ الفحص الطبي

الله يلاقيك باللي يدلك والله انا من مكة ومااعرف في الرياض شي..
الله ييسر امرك..

يا شباب تكفون يا شباب بكره موعدي

الله يجزاك خير ويرفع من مقدارك

خذ الوصف اخوي

الحين لادخلت شارع التحليه من عند شارع الضباب امش على طول الين تجيك ثاني اشارة

بعدها لف يمين وامش على طول وبعدين تلف مع ثالث لفة او الرابعة يمين وتحصله بالحارة هذي

والوصف الثاني لادخلت على شارع التحلية من عند شارع العليا العام

تلف مع اول اشارة يسار وثالث لفه يمين داخل الحارة

طبعا الشارع هذا الي عليه محلات الستلايت

أخوي الله يجزاك خير انا ماني من اهل الرياض

لو تدلني حبه حبه والله يعطيك العافية

ويطول بعمرك يا الغالي

زين اخوي انت من وين راح تجي يعني من وين راح تدخل للرياض

وبعدين انت تقدر توصل الى وين

انا ساكن بالنسيم الغربي بشارع ثلاثين حجاب عند البنك البلاد

فانت دلني على ما تقدر يا الغلا

زين الان راح تطلع على طريق خريص

وراح تتجه غرب باتجاه العليا طبعا انت راح تمشي على طول وراح تطلع مع كبري الخليج

وبعد ماينزل الطريق راح تحصل مخرج يمين خله وامش على طول وبعدها راح

يجيك مخرج ثاني الي هو عند مدينه الملك فهد الطبية ادخل معاه يمين وراح تحصل اشارة لف معها

يمين طبعا الشارع هذا اسمه شارع الضباب وبعدها امش على طول وتعدى اول اشارة واتعدى

الثانية ولف يسار مع الاشارة الثالثة يسار طبعا هذا شارع التحلية واسمه شارع الامير محمد بن عبدالعزيز
بعد ماتدخل مع الشارع امش على طول واتعدى اول اشارة وادخل مع الثانية يمين وبعدين ثالث او رابع لفة يمين داخل الحارة واسأل عنه وراح تحصلة على طول

اتمنى يكون وصفي واضح لك