ياليت بــ الحقيقة القاطعه عن المرافق ؟؟!! يالله يا كريم

انا نفس حالتك اخوي .. واليوم بروح الملتقى وبسأل وبرد عليك ان شاء الله

يعطيك العافية اخوي اسأله مهمه ياليت احد يجاوبنا عليها

المرافق او المرافقه .. اذا بدء يدرس بكالوريوس ومافوق ماعاد يصير مرافق يصير مبتعث وله وعليه كل الي على ولل المبتعث
نفس راتب المبتعث .. لازم يجتهد بدراسته ومايجيب اقل من الدرجات الي محددينها الخ الخ الخ يعني زي ماذكرت له وعليه زي ما لي وعلى المبتعث الاساسي ويكمل لحد مايخلص دراسته هو لانهم خلاص يصيرون ملفين بالملحقيه
والي يخلص منهم اول يصير مرافق للثاني .. يعني مثلا اذا زوج مبتعث وطالعه معاه زوجته مرافق وقدمت على الجامعه بكالوريوس وانقبلت يرسلون القبول للملحقيه والملحقيه تفتح لها ملف وترسل طلب الابتعاث للزوجه للسعوديه ولما تجي الموافقه (تاخذ تقريبا شهر ) تصير الزوجه مبتعثه وليست مرافقه
ولما يخلص الزوج دراسه وزوجته لساتها تدرس يتحول الزوج من مبتعث الى مرافق(لانه خلص دراسته) والزوجه تكمل عادي واذا كان الزوج مرتبط بعمل بالسعوديه ولازم يرجع وكثير ناس صارلهم هالشي يرجع الزوج ويجي احد من قرايب الزوجه ويصير مرافق لها
اما اذا كان المرافق يدرس دبلوم او انجليزي يستمر مرافق ومايكون مبتعث الا من البكالوريوس وطالع .. ولما تخلص فتره ابتعاث المبتعث الاساسي المرافق لازم يرجع مع المبتعث
يعني اذا الزوج كان مبتعث والزوجه مرافق.. وكانت الزوجه تدرس انجليزي او دبلوم او بمعهد سيرتفكيت والزوج خلص دراسته لازم ترجع مع زوجها

بس في نقطه مهمه .. يمكن لما الملحقيه تقدم طلب ابتعاث للمرافق التعليم العالي بالسعوديه مايوافق.. يعني المرافق مايضمن انه يصير مبتعث وهنا تقدر تدرس جامعه بس بالفتره الي المبتعث الاساسي موجود فيها كمرافق ولما يخلص المبتعث المرافق لازم يرجع معاه او يمكل على حسابه الخاص.. لازم نحط هالاحتمال بالبال صح هو شي نادر انهم مايوافقون على ابتعاث المرافق بس ماحد يدري ايش الظروف وقتها بتصير

ان شاءالله تكون الاجابه وضحت ولاتحرمونا من الدعاء

طيب يا أخ You and I انا زوجتي مبتعثه ماستر وانا خريج ثانوي وشهادتي صار لها 7 سنوات ودرجاتي في الثانوي مشي حالك جيد جداً يعني هل وأحتاج للغه اقل من زوجتي يمكن 6 شهور بالكثير , هل بإمكاني اني اخش الجامعه وادرس بكالوريوس ولا مافيه أمل لأني سمعت ان البكالوريوس موقف في الملحقيات , واذا ممكن وفيه شروط معينه قول لي عليها , وماهي الخطوات للتقديم على هذي الخطوه , والله يجزاك خير ولا يحرمك الجنه .

جيد جدا ماهي درجه شينه وكثير جامعات تقبل الجيد جدا
وممكن تاخذ موعد تقابل مسؤل التسجيل بالجامعه المختاره اذا ماكانت تقبل درجات الثنوي ويقولك كيف تقدر تحسن هالدرجات يا بدراسه دبلوم او دراسه مواد بالجامعه كطالب مستقل وبعدها تقدم على القسم المرغوب
لاتحرمونا الدعاء بالبعثه والتوفيق بالدراسه بعد البعثه

أشهد انو ما قصر أخوي You and I و باقي الشباب

الله يوفق الجميع و يسهل اموركم


و أخوي عبدالعزيز اليوسف اذا حصلت الاجابة لا تبخل علينا عزيزي


ودام انو نفس الحالة خلينا نتواصل اذا حاب

هلا اخوي _HABIB انا وانت نفس الحاله بس انا في سنغافوره وانت بنيوزلندا

اول شي اسف اني ما رديت عليك لاني وربي انشغلت ونسيت اني قلت برجع ارد عليك بعد الملتقى
عموما

اول شي يا طويل العمر في الملتقى ما خلونا ندخل احنا المرافقين ولا عطونا وجه خيرشر >>> لنا الله

بس بالنسبه للمرافق هم قالوا في الملتقى انهم حريصين على انضمام المرافق للبعثه حتى لو اختلفت درجات الدراسه >> يعني لو انت تبي تدرس بكالوريوس واختك تبي تدرس ماستر عادي يضمونك للبعثه ان شاء الله وما فيه اي مشاكل ..

واللي فهمته ان اغلب الاجرائات للمرافق تتم بعد ما يروح للبلد اللي فيه الدراسه عن طريق الملحقيه الثقافيه في نفس البلد يعني بعد ما توصل هناك تروح للملحقيه وتقولهم انك مرافق وتبي تدرس وهم بدورهم راح يوفرون لك القبول بمعهد اللغه وبرضوا راح يسعون انهم يوفرون لك قبول في الجامعه >> هذي المعلومه قالها واحد من الطلبه في سنغافوره لانه يعرف الاجرائات اللي تتم عن طريق الملحقيه

سنغافوره واستراليا ونيوزلندا اظن انهم نفس الملحقيه >>> مو متأكد من هالشي

بس باذن الله ان المرافق انضمامه للبعثه شبه مضمون والله كريم خيو لا تعتل هم ..

والله يوفقك واستخير قبل كل شي ..

اكيد خيو اتشرف انو نتواصل مع بعض بس مادري الايميلات ممنوع نحطها ..

ياجماعه انضمام المرافق للبعثة اكيد ان شا الله,, بس موضوع انو يكمل دراسة بعد ماينتهي المبتعث الاصلي دا مره مكلكع,, يعني الملحقيه هنا قالو لو خلص المبتعث الاصلي والمرافق ماكمل 75 % يرجع مع المبتعث الاصلي,, هما يضمو المرافق للبعثة دا شي منتهين منو,, بس 75 % دي هيا العقده,,

طيب المرافق إلي يبي يطلع فيزا سائح ويبغي يقعد مع المبتعثة ثلاث أسابيع يزبط لها الأوضاع وبعدين يرجع السعودية على حسابة ويرجع لها كل شهرين ... هل ممكن إن الوزارة تعرف عنه وتلغي البعثة على المبتعثة .. حتي لو أفترضنا إن أخوها يدرس على حسابة في منطقة قريبة ويبغي يقدم على الإلحاق؟؟؟؟