تقرير المبتعث المعاق لا يصرف له اي مبلغ ويعامل معاملة المبتعث العادي

خبرنا عن الدراسه برى اذا ممكن ووش تنصحنى فيه قبل السفره وبعده اذا ممكن بالتفصيل

الدراسه برى ممتعه

لكن في شغلات بسيطه ممكن تتظايق منها الغربه والاصدقاء طبعا افضل انك تسكن في قريه صغيره وتكون جنبك مدينة كبيره او انك تسكن في مدينة كبيره واهم شي يكون السكن جنب الجامعة مهم جدا
طبعا انا لو رجعت بالزمن وراء كان اخترت امريكا لانها اسهل بالدراسه ولان مستواي عادي
الشعب الكندي شعب مررره ممتاز ويخدمك من عيونه
الدراسه ضروري تكون بمعهد الجامعة وابتعد نهائيا عن المعاهد الخاصه لانها تظيع وقت ففقط
بالتوفيق اخوي

اخوي الي اعرفه انو فيه زياده في مكافاة المبتعث من ذوي الاحتياجات الخاصه - المعاق هذا الكلام مكتوب في موقع وزارة التعليم العالي
اخي الكريم لا تسكت عن حق لك من حقوقك كلم الملحق او حاول ترفع شكوى الى الوزير

وعليكم السلام .. كيف امورك وخبرنا عن تقديمك ومن متى وانت تنتظر لانه انا من 5 شعبان وإلى الآن ؟؟؟؟
والخبر صحيح لانه قالوا لي لم اتصلت عليهم قالوا نفس البعثة العاديه ماتستلم راتب زياده
وانا ابغى كندا وويش رايك توافقني الراي لانه مستواي عادي بعد
والله يوفقك الجميع هاانت

اخي الكريم انا قدمت على البعثه سنة 2008 شهر 1 وجتني البعثه نهاية 2010 يعني تقريبا انتظرت 3 سنوات
طبعا انا نسيت موضوع البعثه من اول 6 شهور وسبحان الله دقو علي بعد هالفتره وقالو لي مبورك تم قبولك وقلت اطلع

كندا حلوه من كل النواحي الشعب والامان بس المشكله ان المدن الكبيره القبول فيها صعب والدراسه اصعب احسن شي تسكن في قريه صغيره وجنبك مدينة كبيره

الدراسه بكندا اصعب بالجامعة
انا عن نفسي لي الحين شهر ونص بكندا معهد جامعي ومطلوب مني اخلص اللغه في سنه و 6 شهور (اهم شي الحضور والواجبات ) المشكله بالمعهد الجامعة اللي انا فيه المستوى 1 و 2 كله سعوديين اللهم 2 اجانب او 4 يعني قليل الاجانب بس ممكن بعد 10 شهور تقريبا يعني تنهي مستويين او 3 تختبر ايلتس وتجيب درجة فوق 5 وتحول امريكا لان زي ماقلت مستواي انا عادي وامريكا اسهل بالاختبارات وفيه مساعدات بس امريكا اهم تختار الولاية المناسبه وبعدين مكافاة امريكا اقل من كندا

صحيح المعاق يعامل معاملة المبتعث العادي ولايوجد زياده بالراتب

بالتوفيق اخي واي استفسار انا حاضر

نصيحتي لكا اخ معاق مبتعث الفرص مهيئة لكم للحصول على شهادات عليا تخدم فيها دينك اولا ووطنك والاموره مهيئه من مكافات وغيرها ولكن المهم ان تجد وتجتهد بالدراسة ..... ووكل امرك لله عز وجل

الله يجزاك خير ويوفقك