متى يكون بإمكان المعيدة تروح تكمل ماستر برا؟

وعليكم السلام و الرحمة:
أذكر مكتوب بورقة المباشرة اللي وقعوا عليها "سنة تحت تجربة" و كذلك قسمي ما يطلعون إلا بعد سنة من الخدمة...والله العالم.
موفقين بإذن الله.

الله يعافيك أخوي و يسعدك..

تيب كل الجامعات كذا ؟

بالنسبة لجامعة الملك سعود اول ماتتعينين تقدرين تكملين دراسة برا

مررره متحمسين للابتعاث

تحياتي

الملك سعود يبتعثون المعيدين , مباشرة ,
لكن هناك اجراءات ادارية كثيره على المعيد ان يتبعها ,

ولعل قرار الابتعاث الذي يصدر من مكتب معالي وزير التعليم العالي
" غير عن موافقه مدير الجامعه "
هو الاهم من ناحية طول فترة صدوره التي تصل الى ثلاث اشهر ,
والذي يجهله اكثر المعيدين والمعيدات , فيفاجأون به عند السفر ,
مما يتسبب لهم بتأجيل الدراسه لانه لا يمكن السفر من دونه ,
لذا ياليت الجميع يبادر في اول ايام التعيين , بالذهاب الى العماده وطلب رفع خطاب قرار ابتعاث الى معالي الوزير , مما يوفر الوقت والجهد ,

هذا بالنسبة لنا في جامعة الملك سعود

اختي بعض الجامعات تطلب منك الexperiance و هذا اضمن لك علشان تلاقي قبول جميل و ميسر...
فتحسب لك السنة اللي اشتغلتي فيها كخبرة.
وفقكم الله.

غالبا ياختي وكل جامعة تختلف عن الاخرى
تقدري بعد سنة وهذا اكيد ومفروغ منه

جيبي لك قبول دراسة او لغة وبرضه كل جامعة تختلف عن الاخرى من هذي الناحية

وقدميها لهم وممكن تطلبي مساعدة دكتورة عندك تكون الاهم تحب الخير وتساعدك في الخطوات وموفقة

حسب الجامعة أختي الفاضلة وتفريغك من القسم يعني ماعندك ساعات محاضرات تقدرين تطلعين بعد أول فصل دراسي أهم شي إجراءات القبول وإجراءات الجامعة ومجالسها ولجانها ماتخلص الله يعينك وبالتوفيق يارب

مشكوره حبيبتي ..