:: تجمـع معيدي ومعيـدات جامعة أم القرى ::

وعليكم السلام غريب بدريتي انا طالعة على قبول لغة فقط والمعهد تابع لجامعة هذا كان شرطهم الوحيد بس انا قلت للدكتور الغامدي اني ماراح ادرس في نفس الجامعة وماقال حاجه غير انه لازم يكون المعهد مو تجاري يكون تابع لجامعة وانا معك التخصصات التربوية حوسه إن شاء الله تلاقي اللي يساعدك يارب

السلام عليكم

اخواني و اخواتي حبيت اسالكم
دحين الجامعة قبلتني معيدة في الجامعة ولله الحمد
واليوم والدي راح وقع على الاوراق بس قالوا مايحتاج ادوام سنة عندهم على طول يبغوني ادور قبول جامعة للابتعاث
وفي اختبار للانقلش بعد صدور قرار التعين
سوالي هل هوا منطقي وطبيعي ادخل جامعة على طول بعدون معهد للغة ولا عادي لاني قولت لوالدي وقالي هما قالوا جامعة مو معهد
لاني صراحة اتوترت و ضاق خلقي صح لغتي كويسة بس ما تاهلني لدخول جامعة على طول
اتمنى تفيدوني برايكم
واكون شاكرة

اختي كينار
هل انتي من ضمن ال11 بنت اللي عملوا مقابله الشهر الماضي؟؟
ولما راح والدك هو سألهم ولا هم قالولو هالكلام؟؟
لأني انا كمان دقوا عليا وطلبوا حضور ولي امري يوقع اوراق بس مرررره ماقالوا اي شي قالوا بس انتظروا اتصالنا بعد شهر او شهرين!!!!!!!!!!!!
والاوراق كانت بخصوص البعثه اعتقد تعهد او شي زي كذا؟؟

بلييييييز اذا عندك اي معلومات ياليت تفيديني لأني مررررره قلقت

ايوة انا كنت وحده منهم

لا والله ما قالولوا غير كدا واعطوا رقم وظيفي وطلبوا نبدا ندور على قبول في جامعة
ولما يصدر قرار التعين باذن الله نطلع للابتعاث على طول

والله يسهل ويعين
بس على اي اساس ادور قبول والتخصص في اسئلة واستفسارت كتير تحتاج احد يوجهنا كيف تعملها ومن فين نبدا

لااعتقد ان الجامعه تلزمك بالذهاب فورا الى جامعه لأكمال الدراسه..مرورك بمرحله اللغه شي الزامي حتى لو كان مستواك ممتاز لان لمن تروح تحصل قبول في شرط في الجامعه بالخارج مثلا تجيب توفل 550فتدخل الاختبار اذا حققت الدرجه يحق لك الدخول بدون لغه..اما عن موضوع جامعه ام القرى تلزمك بالدخول في الجامعه بدون لغه هذا غير صحيح..

بالنسبه للذهاب بدون ماتباشرين عندهم..فاعتقادي لمن يصدر قرار تعيينك وبعد توقيعك لتعهد اكمال الدراسه يذهب المحضر لمدير الجامعه ويعتمد التعيين النهائي وتباشرين عادي وتداومين في الجامعه وانتي تبحثين وقتها عن قبول وترفعين اوراق ومسائله الموافقه على البعثه تاخذ فتره مابين 3الى 4شهور الى يصدر امر الابتعاث وامر الاركاب لذلك سوف تباشرين عملك اذا هناك جدول مواد سوف تقومين بتدريس المواد او تكلفين بعمل اداري الى ان يتم اكتمال اوراق الابتعاث...

ونصيحه اخ ولاتغلطين غلطتي حاول خلال هالفتره تحصلين جامعه فيها تخصصك واول ماتباشرين افتحي ملف في اداره الابتعاث واذا قدرتي في اسرع وقت تطلعين بعثه..لان في الجامعه استغلال غير طبيعي للمعيدين والمعيدات..يعاملوك معامله التطبيق في المدارس يعني بتشتغلين شغلك وشغل غيرك..رتبي امورك وتوكلي على الله..ومساله البحث عن القبول متعب ان باشرت بشهر 10للان لم اجد جامعه ولم احصل على قبول..

وش تخصصك؟.وبأي كليه اذا اردتي معلومات اخرى..

بالتوفيق..مااريد دعوه صادقه بظهر الغيب اتمنى اني قدرت افيدك

رقم وظيفي ؟؟؟؟؟؟؟؟؟؟؟!!!!!!!!!!
اي رقم انا ما اعطوني شي زي كذا!!!!
على فكره انتي متى اتصلوا عليك؟؟
انا اتصلوا عليا الاسبوع الماضي يوم الاحد بالتحديد وولي امري رحلهم الاثنين
بس مررره ماقالوا لا على الرقم الوظيفي ولا على قبول الجامعه !!!!!!

بصراحه مرررره قلقت

اخوي غريب انا عندي قبول في نفس التخصص من جامعة هنا بالسعوديه تتوقع لو اوديه لهم يرضون ولا يجبروني ع البعثه

بالنسبه للابتعاث الداخلي لاعلم مؤكد عندي..لكن اعتقد يعتمد على تخصصك وعلى القسم يوافق او لا...

اخوي غريب الله يعطيك العافية ويوفقك
انا تخصصي ادارة اعمال واعتقد دحين بدري ادور قبول لانه قرار التعين لسى ما صدر و لكن اهم شي انك ريحتني بخصوص اللغة
والله يسهلك امور بعثتك
وشاكرة لك تعاونك

يارب وفقني لاتخافي ترى الكلام للجميع بس والدي كان بيسال عن الخطوة القادمة وما بعد التوقيع على التعهد
لا تقلقلي ولا تخافي وان شاء الله سهالة

امين ويوفقك الجميع..