استسلمت ارجوكم ساعدوني

ياستي الله يسهل امورك وامور باقي المبتعثين
لا تتشرطي لا تتشرطي لا تتشرطي لانك ما تروحي هناك ما تعرفي ايش اللي ممكن يناسبك الكلام شي والتجربة شي تاني
قبل اي شي لازم تستخيري
واذا قبلتك اكتر من جامعة ساعتها نقي واختاري زي ما تبغي
لكن اذا ما جاكي قبول غير من جامعة وحده ايش حتعملي
عموما برأي مافي شي اسمو احسن ولاية لان الولايات نفسها تجيكي كبيره ومن مدينة لمدينة تفرق
انا جربت مدينة صغيرة وطلعت روحي وغيري كان مبسوط فيها انا افضل المدينة الكبيرة
وعلي فكرة تكساس اغلب مدنها زي هيوستن وسان انتونيو و دالاس مرة حلوين ويمدحو فيهم والجو في تكساس مو حار في كل المدن
ابدأي من دحين دوري علي جامعات بدون جيمات او حتي تعملك وايف waive لان معدلك عالي وتكوني شلتي هم الجيمات من راسك واذا كنتي ناوية علي الدكتوراة ان شاءالله
فدوره علي جامعة يكون فيها دكتوراه كمان او انها تكون من الجامعات العريقة اللي لها سمعة طيبة عشان تكون شي في صالحك لما تقدمي علي الدكتوراه
الله يوفقك