استفسار لو ماقدرت اكمل دكتوراه؟؟

اختي لا تحطين في بالك هذا الافكار السودويه
صدقيني بتنجحين و بتقدرين تجيبين الدكتوراه بسهوله
تدرين ليش ؟ لكن قلقانه و خايفه << و القلق و الخوف بعض الاحيان يعطيك دافع للنجاح
انتي توكل على الله و صدقيني بتجيبنها
الدكتوراه سهله لا تتوقعين صعبه مثل ما احنا متخيلينها
go aheed and don't turn face to any thning like this

مشكور أخي الفاضل على تشجيعك
لكن انا فقط حبيت أسأل من باب الاطمئنان...يعني اذا كان فيه عواقب لو الشخص فشل..ففي هذي الحالة ماراح اخاطر بوظيفتي و مستقبلي..يعني ابي اشوف وضعي في كلا الحالتين..النجاح والفشل..طبعا الاولى اكيد معروف راح تعلى مرتبتي لكن لاقدر الله حصل العكس الواحد مايدري عن ظروفه؟؟وش راح يصير في هالحالة؟؟

للمعلومية ,,, اذا طلعتي بعثه وماستطعتي تكملي ... مايحق لك ترجعي للسعوديه الا اذا وافقت عليك الجامعه انك ترجعي .. انتبهي من هالنقطه

واذا رجعتي راح يكون قدامك خيرات

اما تعطيك الجامعه مهله بعدها ترجعي تكملي
اما تحولك لوظيفه ثانيه
اما طوي قيد

فانتبهي المساله ماهي سهله

.اللي اعرفه ان الله معه بكالوريس لازم ياخذ الماستر عشان يظل معيد وان فشل يحول اداري
لكن اللي معه ماجستير ..خلاص ليش مايظل محاضر؟؟
فيه ناس معهم ماجستير عندنا بالجامعه ومااجبروا على اكمال الدراسة ..طيب اذا انا بكمل.. المسأله فيه مخاطرة...يعني كأنهم مايبون يشجعونا و لا كيف...
الواحد مايضمن نفسه..ومايضمن الظروف..

نسعد بالتفاؤل

اللي خذوها ماهم بأحسن منا

اسعدي بالتفاؤل ولتكن نظرتك متفائله ومستقبلك مشرق باذن الله

1) ثقه بالنفس
2) حسن نية بالله والتوكل عليه
3)الجد والمثابره

بالتوفيق

بصراااحه ما دخلت راسي
انتي تقولي انا معيده ومعي ماستر كيف ؟؟؟؟؟
ليش ما تطلبين ترقيه بالماستر وتتغير الى محاضره..

اما بالنسبه للسوالك الرئيسي الاجابه الشافيه تحصلها عند عميد الكليه..
وبعدين خلك مثل لقبك نسعد بالتفاؤل .. دايما خلك متقال وان شاء الله تحصل على الدكتوراه..
بالتوفيق

نعم انا معي ماجستير لكن الجامعة العزيزة ماتوظف على مرتبة محاضر من البداية....عينوني على رتبة معيد
انا صار لي اسبوعين فقط متعينه وبالطبع اخي راح اطلب ترقيه بعد مااداوم ان شاء الله

هذي الحركه تسويها الجامعات

تعينك معيد حتى لو معك ماستر عشان تضغط عليك تكمل دكتوراه

لان المحاضر مايقدرون يجبروونه زي المعيد

فعلا تسائل في محلة ماذا سوف يحصل لو ما كملتي الدكتوراة