مشورتكم يا اخوان معيد ام باحث في مدينة الملك عبدالعزيز للعلوم والتقنية

وعليكم السلام ورحمة الله وبركاته

أولاً : مبروك الوظيفة تستاهل ولو انها جت متأخره .

ثانياً : استفساراتك كانت بـ 2 ابريل الماضي واكيد الحين لقيت لها اجابات لكن أنا بجيب عليها للمنفعة العامه :

الابتعاث وما أدراك ما الابتعاث لاني عانيت الامرين من تخبط ادراة التطوير الادراري (الادارة المسؤولة عن الابتعاث في المدينه)

وهي من أتعب الادارات على مستوى المدينة طبعاً الابتعاث في المدينة متاح للدرجتين ماجستير أو دكتوراة أو كلاهما

للاكاديميين فقط .

1- لازم تكمل سنة حسب النظام ومن الممكن ان الادراة تتجاوز عن هذا الشرط تقدر تقول على كيفهم (على حسب الزحمه)؟؟!

2- قبول جامعي , وفيه الحين نظام جديد يشترط أن تكون الجامعة مصنفة وهو مطبق اقصد التصنيف على 3 دول فقط
( أمريكا - بريطانيا - استراليا ) أمريكا لازم تكون الجامعة مصنفة حسب التخصص اللي بتطلع عليه طبقاً لأخر اصدار من U.S.NEWS , واستراليا جامعات مجموعة الثمان GO8 , أما بريطانيا الجامعات الحاصلة على مجموع 65 نقطة
في الفئتين 4* و 3* على مستوى التخصص وفقاً لاحدث اصدار لـ (RAE) (Research Assessment Exercise).
أما الدول الثانيه ما لها تصنيف ولا ادري وش وضعه بالضبط.

3- تقييم الموظف للسنة الماضية لازم يكون جيد جداً على الاقل.

اممممم وش بعد بس هذا كل شي ايه نسيت كان فيه شرط قديم اللي هو لازم تجيب TOEFL 550 و GRE

بس هذا تغاضو عنه الحين مقابل شرط التصنيف ؟؟!

* طبعاً القبول انت أو انتي لازم تجيبه بنفسك أو عن طريق مكتب المهم أن التطوير الاداري مرح يجيب لك شي.

* بالنسبة للقبول في الجامعات كما هو معروف اذا جبت درجة اللغة اللي شارطته الجامعه و GRE اذا هو مطلوب ممكن يعطونك قبول غير مشروط , أما اذا ما اكتملت شروطك ممكن يعطونك قبول مشروط بتوفل أو اختبارات أخرى.

* في حالة ابتعاثك خدمتك وعلاوتك السنوية تمشي وهذا ما يميز الجهات الحكومية او القطاع الخاص اللي عندهم ابتعاث.

* بالنسبة للمرافقين نعم تقدر تضيف زوجتك كمرافق بكل سهولة حتى بعد السفر بس انتبه اذا اتزوجت ثانيه تخير بينهن !!!

* وبالنسبه لراتبك بعد الابتعاث رح يصرف لك نصف الاساسي فقط بعد خصم جميع البدلات وحسم التقاعد 9 % طبعاً رح يسري عليك ما يسري على المبتعثين في الخارج تصرف لك مكافئة بالاضافة لمكافئة المرافق يعني سوا واللي أنا أعرفه مكافئة المبتعث في أمريكا 1850 دولار أمريكي تقريباً طبعاً بتزود للمرافق بس مرح تكون دبل.

************************

أتمنى أن أكون اصبت بايضاح الصورة بشكل عام وجاء دور ما يسمى وراء الكواليس ,
الان يا جماعه الابتعاث في KACST موقف من شهر 12/1431هـ يعني من نهاية العام الماضي بسبب عجز في بند الابتعاث (الميزانية) أنا وغيري كثير مقدمين ومستوفي الشروط من 12/1431هـ وذقنا الويل ولحد الحين ما طلعنا
ولا صدنا علم اكييد كل الكلام اللي نسمعه اصبرو ارسلنا خطاب لوزارة الماليه....طيب ما جاء رد يقولك لا تعال بكرا... بعده...طيب وبعدين...يقولك لك بيطول الخطاب حق الماليه وارسالنا خطاب فزعه لوزير التعليم العالي...طيب حنا مرتبطين بمواعيد بدء الدراسه وش نسوي يقولك أجل...وأجلنا...هههههههه والله العظيم طفشونا وياليتهم يعطونك العلم الوكاد...مثلاً ما فيه ابتعاث الا بـ 2012
أو منتصف 2012 أو نهاية 2011...لا يخليك تتعلق وتأمل

أنا حاس ان جامعتي بتقولي ضف وجهك انت ومدينك ؟؟!!

ولا ينلامون اقصد الجامعات عندهم خطط وارتباطات وترتيبات مو حنا عايشين على البركة طقه والحقه.

وللمعلوميه حسب ما وصلني أن عدد طالبي الابتعاث وصل الان قرابة الـ 65 بين مبتعث ومبتعثه اقصد اللي اجتازو لجنة الابتعاث وأمورهم متوقفه على الفلوس؟؟!

******

تحياتي لك أخوي Maroo87 أتمنى أن لا أكون بثيت الاحباط في قلبك

بس الشفافيه زينه لك ولي وللي عنده عرض من المدينة ومن جامعه أخرى.

بالتوفيق للجميع