مبتعث جديد New Member
المملكة المتحدة
سكون الفجر , أنثى. مبتعث جديد New Member. من السعودية
, مبتعث فى المملكة المتحدة
, تخصصى حآسب آلي/ نظم معلومآت
, بجامعة الإمام محمد بن سعود الاسلامية
- الإمام محمد بن سعود الاسلامية
- حآسب آلي/ نظم معلومآت
- أنثى
- الريآض, الريآض
- السعودية
- Jul 2010
المزيدl September 11th, 2010, 12:26 PM
September 11th, 2010, 12:26 PM
السلام عليكم ورحمة الله وبركآته
بداية "كل عآم وأنتم بخير"،، وعيد سعيد ينعاد بالخير والبركة ع الجميع أعزّائي أنا بحاجة إلى مساعدتكم، فأنا قدّمت ع الإعادة بجامعة الملك سعود وجامعة الامام في كلية الحآسب الآلي، حيث أن تخصصي نظم معلومات، وتقديري والحمدلله كويس والمعدّل عآلي بتوفيق رب العالمين. سؤالي شقّين فأمّا الأول: كيف هو اختبار الإعادة التحريري في جامعة الملك سعود، وهل كل تخصص لهم اختبارات مختلفة مثلا نظم المعلومات يختلف عن علوم الحاسب أو كلهم رح يختبرون مع بعض؟ وياليت اللي عنده فكرة بسيطة عن الأسئلة يطرحها هنا للفائدة. الشق الثاني يتعلّق بالمقابلة، المقابلة بأي لغة؟ وياريت اللي عنده تجربه يطرحها للفائدة. ولو فرضاً جآني سؤال عن البعثة وش يُفترض يكون ردّي؟ يعني هم يبوّني أسافر أو لاء؟ بالنسبة لجامعة الملك سعود وجامعة الامام. لأن معيداتنا في الامام ما شفت أحد دز برّا ياخذ الماستر. وأبي آخذ رايكم لو قبلت للإعادة في الجامعتين وش أختار منهم وش الأفضل مع العلم إنّي خرّيجة جامعة الامام. وشكراً مقدماً دعواتكم لي بالتوفيق. تشكّرات كثيرات اخواني
"يارب ارحمني" وَ "يارب يسّر بعثتي" الله لا يخلينا منكم ويوفّقكم يا رب يا كريم
وبصراحه سالفة الابتعاث هذي لا كآنت ع البال ولا ع الخآطر،، ما توقّعته كذا على طول توقّعت يمديني آخذ نَفَس شوي
بس ياريت لو أحد عنده إضآفة لأني حقيقةً ما زلت في حيرة،،
سكون الفجر September 12th, 2010, 10:15 AM
7 " الله يسهل دربك اختي
انا اتفق مع اخوي يارب ارحمني كلام صحيح
واضيفي الي هذا شي واحد
اذا كان معدلك عالي تبي تكون المقابله عن قولة ما سوينا مقابله يعني مجرد اخذ موعد للمقابله او الاختبار فانتي مقبوله 100%
اتذكر واحد من شباب قبلوه معيد وهو بالترم سابع يعني باقي له فصل ويتخرج
كانت المقابله وش تتوقع بعد اربع سنوات وش يبي يكون حالك
منهو اشهر عالم في علم النفس ( طبعا هذا بتخصصنا )
يعني اشياء اي واحد يعرفها بالتخصص
بالتوفيق يارب
عبدالكريم صبر September 13th, 2010, 08:07 PM
7 " ^^^
الله يسمع منّك ويسعدك يآآآرب
سكون الفجر September 13th, 2010, 08:42 PM
7 " الله يكتب لك التوفيق ويحقق لك اللي فيه خيرك وصلاحك
جامعة الإمام لا يلزمون بالتدريس حالياً فبإمكانك طلب الابتعاث مباشرة.. قد تتغير الأمور مستقبلاً .. كل شيء وارد ..
وميزة الامام عن سعود انهم ما يلزمونك تجيبين القبول الخارجي قبل تتعينين مثل سعود .. بل متى ما جبتي قبولك مشيتي .. وبنفس الوقت يبي يضغطون عليك حتى تمشين بسرعة ( يختلف من كلية لأخرى)
حزيران September 18th, 2010, 03:38 AM
7 " ..... الملك سعود... أرى انها أفضل
والفرد يخدم بلده سواء بالامام او الملك سعود
ولو اني اشجع الملك سعود
وبالتوفيق
وديع September 18th, 2010, 07:59 AM
7 " انا قدمت للاعادة في الامام وسعود وعملت مقابلة في كل جامعة و في الاخير الحمد لله اتقبلت في سعود كمعيد . .
بخصوص المقابلة كانت شفوية ماكانت تحريرية علماً ان تخصصي نظري وليس علمي مثل تخصصك الحاسب . . لذلك مااقدر افيدك بخصوص الاختبار التحريري . .
بالنسبة للمقابلة راح يسألونك عن تخصصك حاولي توصلين لهم انك فاهمة في التخصص ومو شرط تجاوبين على كل اسئلتهم بس اهم شي حاولي تتواصلين معهم في الكلام وماترتبكين . . خلك واثقة من نفسك و وبيني لهم انك مرتاحة مو ومرتبكة . .
ايضاً راح يسالونك عن الابتعاث هل لك رغبة في مواصلة الدراسة في الخارج او لا . . وهالنقطة مهمة جداً في سعود . . لان النظام الجديد في سعود ما يعين احد على وظيفة معيد الا اذا احضر قبول لغة من الخارج . . و قبل المباشرة توقعين على تعهد بالسفر خلا 6 الى 9 اشهر او للجامعة الحق في اتخاذ مايناسبها . .هذا بالنسبة لجامعة سعود . .
بالنسبة للامام ما عندي معلومات موسعة عن الابتعاث عندهم لكن الي اعرفه انهم اقل حرص وتشدد في هذي المسالة من جامعة سعود . .
بالنسبة للمقارنة بين الجامعتين اتوقع على حسب رغبتك و اهدافك يعني جامعة سعود حريصة على الابتعاث كثير وماراح تسمح ببقاء المعيد اكثر من سنة بدون ابتعاث . . عكس الامام , لذلك انتي اختاري على حسب ظروفك وامكانية سفرك
وبالتوفيق ان شاء الله
sultan_85 September 18th, 2010, 08:17 PM
7 "
September 11th, 2010, 12:26 PM
بداية "كل عآم وأنتم بخير"،، وعيد سعيد ينعاد بالخير والبركة ع الجميع
أعزّائي أنا بحاجة إلى مساعدتكم، فأنا قدّمت ع الإعادة بجامعة الملك سعود وجامعة الامام في كلية الحآسب الآلي، حيث أن تخصصي نظم معلومات، وتقديري والحمدلله كويس والمعدّل عآلي بتوفيق رب العالمين.
سؤالي شقّين فأمّا الأول: كيف هو اختبار الإعادة التحريري في جامعة الملك سعود، وهل كل تخصص لهم اختبارات مختلفة مثلا نظم المعلومات يختلف عن علوم الحاسب أو كلهم رح يختبرون مع بعض؟ وياليت اللي عنده فكرة بسيطة عن الأسئلة يطرحها هنا للفائدة.
الشق الثاني يتعلّق بالمقابلة، المقابلة بأي لغة؟ وياريت اللي عنده تجربه يطرحها للفائدة.
ولو فرضاً جآني سؤال عن البعثة وش يُفترض يكون ردّي؟ يعني هم يبوّني أسافر أو لاء؟ بالنسبة لجامعة الملك سعود وجامعة الامام. لأن معيداتنا في الامام ما شفت أحد دز برّا ياخذ الماستر.
وأبي آخذ رايكم لو قبلت للإعادة في الجامعتين وش أختار منهم وش الأفضل مع العلم إنّي خرّيجة جامعة الامام.
وشكراً مقدماً
دعواتكم لي بالتوفيق.