استفسار مضطر لتأجيل الدراسة فهل تطلب الجامعة إحضار قبول بتاريخ جديد؟

السلام اخوية :
روح موعد السفارة وتوكل على الله بالاي توني الاولى وقدم ورقك للقسم والكلية والجامعة وحتى يصدر الموافقة بالابتعاث حقك بعد ما تجي الموافق على شهر 12 جيب التاجيل وقدمه لعميد الكلية انو تبي تاجل وهو راح يرفعها للابتعاث والابتعاث يعدلون فيه بس بالتاريخ حق بداية دراستك ما ياخذ منهم وقت
انا سويت كدا وما كنت ادري انو راح ااجل موعد الدراسة اجلت موعد الدراسة عادي ورفعته للكلية فاكس لاني كنت مسافرة لازم من العميد حق كليتك ينرفع ولا كلمت السفارة بالتاجيل واصلا الفيزا ما يجي مكتوب فيها بداية دراستك على اي ايتوني هذا بالتوفيق دعواتكم واللله اعلم

الحين قدم أوراقك بالقبول اللي معك..

وبعد ما تخلص إجراءاتك قدم طلب التأجيل..

وتكون جبت قبلها القبول الجديد..

بالنسبة للفيزا قدم عليها الآن، ولما تطلب القبول الجديد اطلبه بنفس رقم السيفيس..

وبإذن الله ما عندك مشكلة.. بالتوفيق..

أخاف أنو المعهد يرفض يرسل لك القبول الجديد بنفس رقم السيفس

فتكون كأنك يا غازي ماغزيت وتظطر تحجز موعد مع السفارة من جديد

أو تدري عاد , قدم قبولك الأول واطلب من المعهد ان رقم السيفس يكون نفس الرقم القديم واذا وافقو خيراً يكون واذا رفضو الله يعينك على موعد السفاره

يعطيكم ألف عافية ..

على كذا ممتاز يعني التأشيرة مالها علاقة بالآي تويني .. وممكن الواحد يتوكل على الله ولو حصل أي ظروف بالإمكان تأجيل الدراسة ..


الله يجزاك خير ويسهل دربك ..

يعطيك العافية.. وماذا لو تغير رقم السيفس؟ وهل هو نفس رقم الآي تويني أو رقم ثاني؟

وشاكر لك جوابك .. الله يلهمك التوفيق ويبارك بعمرك.

الله يعطيك ألف عافية .. وشاكر لك تفاعلك أيضاً ..


طيب أرى آراءكم اجتمعت على هذا الرأي ..
لكن ما تتوقعون أن موظف الهجرة في مطار واشنطن سيشدد في الإجراءات أو يعقد الأمور بسبب تأخري عن موعد القدوم وإحضار آيتويني جديد غير المغلف في ظرف السفارة ؟

استفسار آخر .. حينما جددت جوازي سحبو الجوازات جوازي القديم ولا أعرف ما السبب، يمكن لأنه باقي فيه مدة وأنا تلقفت وجددته عشان ما ينتهي قبل الفيزا بفترة طويلة .. وحاولت أقنعهم بحاجتي له في السفارة الأمريكية وما اقتنعوا قالو تعال نعطيك برنت.

هل راح يسبب لي هالأمر مشكلة أو ما يدققون بالجواز القديم ؟