مهمومة , يالله يارب افرجها
السلام عليكم ورحمة الله وبركاته,
أنا صار لي سنة معيدة , يعني هذي السنة الثانية لي, عندي استفسارات احتمال مكررة..لكن أحتاج اجابة من اللي عنده خبره يا ريت المحاضرين والدكاترة أو حتى المعيدين اللي عندهم خبره يفيدوني في :
1. سمعت انه المعيدة آخر فرصة لها بالإبتعاث على عمر 28 سنة للماستر...فهل هذا صحيح؟ ؟؟:dry:
حتى لو كان ماكملت سنتين في تعيينها ..ولو بدأت الإجراءات على 28 وما لقت قبول الا بعد سنة مثلا يعني على 29 أو 30 يعني جامعات أمريكا مو على كيفي أنا راح أرسل لكن في الغالب الجامعات الكويس مستواها تاخذ فترة بالقبول معقولة هنا ماراح يحطوا هالإعتبارات في بالهم؟
2. متى يطوى قيد المعيدة ؟
فيه معيدات أشوف انه لهم سنوات يعني 3 وأكثر لكن سمعت انه على 2010 الأنظمة تغيرت من ناحية حابين انه المعيدات يدرسوا بسرعة..
أنا مهمومة جدا عشان قصة العمر هذي مو معقولة يعني أعيش بضغط نفسي كبير عشان شئ موبايدي يعني ماعندي آلة زمن ولا عندي جامعات قبولها فوري....يعني لازم أمتحن جي أر اي وهذا صعب ولازم له وقت عشان أمتحن وعشان أرسل أوراقي وكل هالأمور.. يعني أشوف محاضرات عندنا ماعندهم ضغط كبير بالعكس يكون عمرها بنهاية الثلاثينات لما تحب تقدم على الدكتوراه .
أنا ما أقدر أكلم قسمي لأنهم ماراح يفيدوني بشئ عشان كذا ماعندي غيركم أستفيد من خبرتكم.
يالله انك تعيني يااااااارب :(
رد: مهمومة , يالله يارب افرجها
اقتباس:
سمعت انه المعيدة آخر فرصة لها بالإبتعاث على عمر 28 سنة للماستر...فهل هذا صحيح؟ ؟؟
اول مرة اسمع بهالكلام , واعرف معيدات مبتعثات اعمارهن 30 سنة
اقتباس:
حتى لو كان ماكملت سنتين في تعيينها ..ولو بدأت الإجراءات على 28 وما لقت قبول الا بعد سنة مثلا يعني على 29 أو 30 يعني جامعات أمريكا مو على كيفي أنا راح أرسل لكن في الغالب الجامعات الكويس مستواها تاخذ فترة بالقبول معقولة هنا ماراح يحطوا هالإعتبارات في بالهم؟
تاخذ فترة بالقبول لكن مو لدرجة سنة سنتين , بالغالب 6 اشهر
رد: مهمومة , يالله يارب افرجها
اقتباس:
المشاركة الأصلية كتبت بواسطة breaker
اول مرة اسمع بهالكلام , واعرف معيدات مبتعثات اعمارهن 30 سنة
الله يطمنك ويجزاك خير , لكن هذا الكلام سمعته من وكيلة سابقة للقسم وكررت هالكلام السكرتيرة..والمشكلة انه في جامعتي العزيزة اذا انت ماتعرف حقوقك, عليك السلام ! واكتشفت انه ماعندهم مصداقية عشان كذا نادر جدا ما أسألهم فوضعي صعب لا عندي مسؤول ذو مصداقية يعطي معلومات صح ولا أقدر أعرف أي مصدر ثاني ممكن أستفسر منه الا هالمنتدى.
تاخذ فترة بالقبول لكن مو لدرجة سنة سنتين , بالغالب 6 اشهر
عشان أحضر للجي أر اي لازم لي كم شهر , فترة 6 شهور هذي قالوا لي الفترة عشان يصدر قبول جامعتي في السعودية انهم وافقوا وماعندهم مانع لإبتعاثي, لكن التقديم على الجامعات الأمريكية للأجانب في الغالب في الخريف يعني على أوغست يعني هذا كله ياخذ وقت.
الله يجزاك خير breaker
رد: مهمومة , يالله يارب افرجها
اقتباس:
المشاركة الأصلية كتبت بواسطة اشراقة
عشان أحضر للجي أر اي لازم لي كم شهر , فترة 6 شهور هذي قالوا لي الفترة عشان يصدر قبول جامعتي في السعودية انهم وافقوا وماعندهم مانع لإبتعاثي, لكن التقديم على الجامعات الأمريكية للأجانب في الغالب في الخريف يعني على أوغست يعني هذا كله ياخذ وقت.
الله يجزاك خير breaker
في جامعات ماتطلب جي ار اي , والجامعات الامريكية القديم فيها بالغالب على شهر 1 , او 3(نادر) , او 6 ..
اسألي اذا بالامكان تطلعي قبول لغة ..
رد: مهمومة , يالله يارب افرجها
جاء في لوائح الابتعاث الصادرة من وزارة التعليم العالي:
المادة الخامسة:
يشترط لابتعاث المعيد أو المحاضر في الداخل والخارج ما يأتي:
- ألا يتجاوز عمر المبتعث ( ٣٠ ) عاماً للمعيد و ( ٣٥ ) عاماً للمحاضر ولمجلس الجامعة
الاستثناء من هذا الشرط
.
لا تخافي و لاتحزني, أعرف معيد تجاوز الثلاثين, و أموره تمام.
و الجامعات مايتشددون بالمواضيع هذي.
انتي قدمي ولو ما جاكِ القبول إلا بعد الثلاثين فالأمر هين.
و بعدين قبول الماجستير سهل, خلال شهرين وقبولك عندك.
يسّر الله أمركِ, و أصلح أحوالنا.
رد: مهمومة , يالله يارب افرجها
اقتباس:
المشاركة الأصلية كتبت بواسطة الشهاب العابر
جاء في لوائح الابتعاث الصادرة من وزارة التعليم العالي:
المادة الخامسة:
يشترط لابتعاث المعيد أو المحاضر في الداخل والخارج ما يأتي:
- ألا يتجاوز عمر المبتعث ( ٣٠ ) عاماً للمعيد و ( ٣٥ ) عاماً للمحاضر ولمجلس الجامعة
الاستثناء من هذا الشرط
.
لا تخافي و لاتحزني, أعرف معيد تجاوز الثلاثين, و أموره تمام.
و الجامعات مايتشددون بالمواضيع هذي.
انتي قدمي ولو ما جاكِ القبول إلا بعد الثلاثين فالأمر هين.
و بعدين قبول الماجستير سهل, خلال شهرين وقبولك عندك.
يسّر الله أمركِ, و أصلح أحوالنا.
الحمدلله الحمدلله الحمدلله
يالله فرحتني كثيييير ياشهاب لما شفت ردك...كذا لو قالوا لي شئ وتفلسفوا علي أعرف حقوقي وأقوللهم عن هالشرط وانه موجود في اللوائح....شكرا لك والله يجزاك خير , فرجت همي,
أنا خوفوني وقالوا على 28 آخر فرصة للمعيدة للإبتعاث للماستر وكانت ضايقة فيني الدنيا, الحمدلله...الله يفرج عليك وعلى البريكر زي ماخففتوا عني وطمنتوني .
الله ييسر أمورنا كلها :)
رد: مهمومة , يالله يارب افرجها
لا تشيلي هم ولا شيء
أنا عمري تجاوز الــ 30 بكم سنة ولي طولة العمر إن شاء الله:fireman:
وترشحت للإعادة
وأزيدك من الشعر بيت على الأسبوع القادم إن شاء الله أباشر :1eye:
للعلم معي بكالوريوس
رد: مهمومة , يالله يارب افرجها
:) الحمدالله على كل حال إختي
و شكرا أخوي شهاب على الإفاده
والله يوفقكم ,,
رد: مهمومة , يالله يارب افرجها
دع الامور تجري في اعنتها ... ولا تبيتن الا خالي البال
ما بين غمضه عين وانتباهتها ... يبدل الله من حال الى حال
الان شايف انك مركزه على المنطقه الغلط
ليه التفكير في شي مستقبل ممكن يكون وممكن لا
ركزي الان على الحصول على قبول وبتتسهل ان شاء الله
لك الود
رد: مهمومة , يالله يارب افرجها
عادي العمر مو مشكله بس بياخذ وقت في دخوله مجلس الجامعه اذا تعديتي 30 في الماستر و35 في الدكتوراه