أبي جواب

الاعادة طبعا افضل واضمن , من ناحية الاستقرار الوظيفي بالاضافة لاجراءات الابتعاث لاحقا , من جهة , ومن جهة اخرى القبول المشروط ليس بذلك الشئ الصعب كما يقال , بالعكس تماما يمكن للشخص الحصول على اكثر من قبول مشروط ومن جامعات حكومية وخاصة وفي مدة يسيره ,,

بالتوفيق ,

واذا تأخرت سنة ؟ مالمشكلة ؟
وليش تبني قرارها بناء على زوجها .. هذه فرصتها هي وهو مستفيد منها ولا يحق له يفرض شروطه عليها
بعض الناس أمرهم غريب!!

الإعادة أفضل طبعاً بمليون مره وغير كذا فرصة دراسة زوجها وهي معيده أحسن من فرصته يدرس وزوجته مبتعثه من بعثات خادم الحرمين

لانه مرافق الموظف الحكومي له الحق الكامل بالدراسة وبشكل سريع تنتهي اجراءاته غير مبتعثي خادم الحرمين

والمعيد تحتسب خدمته خلال سنوات دراسته وغير كذا الراتب أكثر والوظيفة مضمونه بعد العودة

وبعدين احسن لها تجلس سنة وتجيب قبول جامعي من مجرد معهد فقط, لانه القبول الجامعي لازم تجيبه سواء بالسعودية او بأي دولة ثانية

الإعادة أحسن ويمشي لها شهرياً قرابة 2500 ريال في حسابها هنا ويمكن أكثر إذا أقروا بدل الندرة للمبتعث.. وزوجها يقدر يدرس لو كانت معيدة مثله مثل مرافقي برنامج بعثات الملك. ومدة دراستها تحسب لها خدمة وتقل سنوات التقاعد لو حبت تتقاعد بدري.
وبرضه مهب لازم تجلس سنة .. ممكن القسم يوافق على معهدها وتطلع له مباشرة .. يعني يمكن تتأخر 6 شهور أو حاجة زي كذا.
أعرف 6 معيدين ابتعاثهم بعد التعيين بـ 5 إلى 6 شهور وعلى قبول معهد وليس جامعة.
وممكن تقولين لها تستفسر من الكلية اللي قبلتها، وتسألهم: هل راح تبتعثها الجامعة على قبول لغة أو لازم قبول مشروط؟

انا كان وضعي نفس الشي محتاره بين الاتنين

والحمدلله استخرت واخترت الاعاده

طبعا الاعاده افضل بكثير .. سنوات الدراسه تحتسب خدمه وفرصة اكمال الماجستير والدكتوراه اكيده وغير كذا نص الراتب الاساسي ينزل لك بالاضافه الي راتب المبتعث

ونصيحه قوليلها لا تستعجل على بعثة الملك وخليها تستخير

طبعا الإعادة أفضل ولكن انا أفضل أن تقدم على الإثنين إذا جاها قبول بعثة خادم الحرمين أول لاترفض بس تأجل الدراسة الين تطمئن وتتأكد أنها قبلت في الإعادة بعد ذلك ترفض بعثة خادم الحرمين وتجيب قبولها بنفسها وما تحتاج جلوس سنة كاملة انتي بس جيبي قبول معهد أو جامعة وقدميه بس راح تتظري المجالس للموافقة على الابتعاث وتبتعثي ممكن خلال شهرين فقط لأن عصفور في اليد ولاعشرة على الشجرة

فعلا أضم صوتي للجميع الاعادة أفضل بكثير

طبعا ماراح ازيد على الي قالوه الاخوات والاخوان الإعادة أفضل ولازم تسأل القسم والكلية اللي راح تصير معيده فيها هل يبتعثوها خلال سنه أو اقل بالنسبة لي مارضيوا يبتعثوني إلا بعد سنه من الخدمة ويختلف الامر من كلية لكلية ومن قسم لقسم الله يوفقها ويوفقنا اجمعين