ابي سلم رواتب الموظفين 1432

http://www.mcs.gov.sa/McsImages/R104.pdf

هذا قديم يابو قصي والا
وبالله اشرح لي شلون يعني درجات .

أخوي عبد الله ياحبك للأسئلة عن الرواتب

وأنا أخوك خلها بعيدن لما تتعين ويصدر قرار تعيينك

بالنسبة للدرجات تعتمد على مدة دراستك الجامعية


معدل دراسته الجامعية أربع سنوات في أول درجة من رتبة معيد.
معدل دراسته الجامعية خمس سنوات في ثاني درجة من رتبة معيد.
معدل دراسته الجامعية سته سنوات في ثالث درجة من رتبة معيد.
معدل دراسته الجامعية سبعة سنوات في رابع درجة من رتبة معيد.

هههههههه عاد والله اني منب مادي

هل فيه مصدر توجد فيه كل هالمعلومات عن المراتب والدرجات والى اخره

لا هذا هو المطبق حالياً من موقع الخدمة المدنية

و المراتب والدرجات تلقاها في موقع الخدمة المدنية ايضاً

أول مربوط للدرجة الأولى 5780 ريال

أضف 600 ريال بدل نقل
15% بدل غلاء

وهناك بدلات تصرف لمن يستحقها

20%بدل حاسب ... وتستحقه إذا أثبت استخدامك للحاسب. لا تفرط فيه
25% بدل تعليم ... بعض الجامعات تتساهل وتصرفه للجميع وبعضها تصرفه فقط لمن يقوم بالتدريس ونصابه كامل أو مكمل بعمل إداري..
20% بدل ندرة تخصص .. يصرف حسب التخصص ..

واخصم 9% تقاعد


وبالتوفيق

يالشيخ مابي اصدمك مثل صدمتي فعلا رواتب المعلمين افضل من رواتب المعيدين والمحاضرين بنت خالتي تعينت بعدي بسنتين معلمة وراتبها ماشاء الله اعلى من راتبي وانا معيدة الحمد لله على كل حال

ياليت ينتبهون لنا حنا المعيدبن والمعيدات وبعد حى المحاضرين وربي منسييين وكل المميزات والحوافز للدكتور ومافوووق وربي حرام مفروض تكوون الحوافز لنا اكبر

ابو قصي
شكرا ما قصرت

حزيران
شكرا جزاك الله خير

معيدة مبتعثة
ايه والله شيء غريب ، أمس واحد يقول لي خويه توه متعين معلم راتبه الرسمي يبدا من 8000 ريال

فيه شيء غلط
المفروض المعيد راتبه اعلى لان مجهوده اكبر ويدرس دراسات عليا

والغريب ان صديقي مهندس
يقول اول مربوط للمهندس اقل من المعلم

ايه هين بس هههههههه

لا حول منتب مصدقني

شف هذا سلم الرواتب تبع (وزارة الخدمة المدنية )
اختر قائمة أعضاء هيئة التدريس والمحاضرين والمعيدين بالجامعات بس شوي شوي لا تتحطم هههههههههههه

http://www.mcs.gov.sa/Detail.asp?InSectionID=1738&InNewsItemID=132614&In TemplateKey=Normal2

وبالنسبة للدرجات تلاقيها بالائحة الخاصة بشؤون أعضاء هيئة التدريس ومثل الدرجات اللي كتبتها بالرد الأول


وبالنسبة للمهندسين رواتبهم من 8 إلى 12 وين أقل من المعلم ياابن الحلال