استفسارات معيد جديد

لا عادي اخوي وحاضرين وتحت الطلب


تحياتي

بسم الله الرحمن الرحيم
السلام عليكم ورحمته الله وبركاته ....... وبعد
وعليكم السلام والرحمة يا باش مهندس
لدي العديد من الاستفسارات والتساؤلات وأتمنى من الله العزيز الكريم أن أجد من يوجهنى و يرشدني
إبشر بسعدك ما طلبت شيء
أنا مرشح معيد بجامعة الملك سعود لدي العديد من الاستفسارات :إن شاء الله تثبت وتتوظف وفالك الدكتوراة
1- لقد طلب منا أحضار قبول من جامعة أمريكيه ماجستير هندسه .
ماهي مدة لازمه للحصول على القبول
تختلف المدة من جامعة إلى أخرى , وحسب نوع القبول إذا كان قبول معهد لغة أو قبول جامعة(قبول أكاديمي) أو الاثنين معاً , ولكن حسب خبرتي قبول معهد اللغة مايطول بالكثير اسبوعين ونص إلى ثلاثة , أما القبول للجامعة فلأنك طالب ماجستير أول خطوة لازم تلقى مشرف في الجامعة التي بتدرس , فإذا لقيت واحد واتواصلت معاه بالإيميل او غيره وبينت ان معاك منحة من الجامعة, وقالك انه ما عنده مانع , كذا ان شاء الله امورك تمام, وفي الغالب يأخذ القبول الاكاديمي في حدود ثلاثة إلى اربعة شهور
. وباى ولايه راح أحصل على القبول
حسب رغبتك , أنت شف الولاية اللي تعجبك من ناحية ظروف العيش والامان وغيره , وبعدين شف الجامعة المناسبة من ناحية الشروط المطلوبة و انواع برامج الماجستير اللي عندهم و اعضاء هيئة التدريس وتخصصاتهم و وش التخصص اللي يناسبك وغيره.
.هل القبول يشمل معهد أم يكون المعهد تابع للجامعة
كل شيء فيه , فيه كل الأنواع ولكن لانك مرشح اتوقع يطلبون منك فقط قبول معهد لغة في جامعة انت ودك تدرس فيها و بعدين اذا ثبتوك وتوظفت يمديك تفكر طلع قبول اكاديمي أو حتى تطلع على طول البعثة للمعهد وانت تدرس اللغة في امريكا تروح تطلع قبول اكاديمي , يعني الامور كلها سهالات وكل الطرق تؤدي إلى روما ..ها ها.
. ماذا يعني القبول المشروط .
كل برنامج سواء بكالوريوس او ماجستير او دكتوراة له متطلبات وشروط عشان يقبلون الواحد , وبما انك انت تبغى ماجستير في الهندسة , تدور برنامج ماجستير يعجبك في احد الجامعات الامريكية وتشوف شروط القبول , طبعا اغلب الطلاب السعوديون ما تنطبق عليهم الشروط ولكنهم يبغون قبول , فتعطيهم الجامعة الامريكية ورقة مكتوب فيها اننا نقبل فلان بن فلان في البرنامج الماجستير اذا وفر الشروط التالية..1 و 2.. و3..إلخ. هذا هو القبول المشروط يعني اذا وفرت الشروط هذي نقبلك. فيوجد نوعان من القبول: القبول المباشر والقبول المشروط. وغالباً الشروط هي(اختبار التوفل للغة , و اختبارات اخرى حسب تخصص الواحد مثل GRE او GAMT او غيره من الاختبارات والشروط.
ماهي أفضل الجامعات في أمريكا
ما فيه شيء اسمه افضل , لأن كل واحد له معاييره وتفكيره , فأنت اجلس مع نفسك وشف الولاية اللي تحب و الجامعة التي تفضل والتخصص اللي ودك تكمل فيه في الهندسة وابحث واستشير وناقش غيرك من المهندسين
ماذا يعني شهادة المصرفيه ومن أين أستطيع الحصول عليها .
يوجد ثلاثة اشياء فرق بينها:
1- كشف حساب : وهو كشف يبين وش الصادر و الوارد في حسابك البنكي لمدة محددة ثلاثة شهور او ستة او غيره.
2- ضمان بنكي : وهو ورقة من البنك يكتب فيها ان البنك بيحجز مبلغ معين من حسابك انت اللي تحدده , وهذا المبلغ يكون مخصص للمعهد او جامعة اوغيره ولاتقدر تسحبه.
3- الشهادة البنكية : هذه شهادة يشهد فيها البنك ان فلان من الناس عنده في حسابه المبلغ الفلاني فقط لاغير.
وفي الغالب اللي يطلب في الفيزا او غيره كشف حساب فقط.
2- كم الفتره المسموح لى بالتعلم باللغة
اذا كنت معيد في الجامعة يعطونك في البداية سنة كاملة واذا حسيت قبل ما تنتهي السنة انها ما تكفي تطلب تمديد ومددون سنة اخرى , يعني نظاماً لك سنتين ولكن يفضلون الجامعة انك تأخذها سنة واحدة
. هل تعتمد على فتره تعلم اللغة أم على موعد الدارسه بالجامعه .
حسب الجامعة اللي بتدرس فيها , بعض الجامعات تنسق مع المعهد اللغة حقها ان تكون فترة انتهاء اللغة تتناسب مع بداية الفصل , يعني تخلص اللغة ويبدأ الفصل الدراسي مثلاً بعد اسبوع او اثنين, وبعض الجامعات لا.
3- أذا بيكون معى مرافق هل يصرف له أم ماذا . فتره أقامته ملازمه لى هناك .
ما فهمت معنى مرافق , لأن المرافق يكون مع المبتعثة فقط , أما المبتعث فلا يوجد شيء اسمه مرافق , ولكن إذا كنت متزوج , فإنه يحق لزوجتك اجازة من عملها لتذهب معاك ولها راتب وتقدر تدرس اذا بغت.
4- أذا أنتهت فتره الماجستير هل لابد من العوده إلى الجامعه الملك سعود أم ماذا .أذا أردت الاستمرار ماهي الخطوات .
على كيفك , ولكن يفضل إنك ترجع لمدة سنة تباشر علشان تسوي معاملة ترقية إلى محاضر وبعدين تطلع مرة ثانية فتستفيد من ناحية فرق الراتب ومن ناحية احتساب سنوات الخدمة وغيره.
5- ماحجم ماتصرفه لى الدوله هنالك . وهل هو كافى أم ماذا . هل يصرف لى المرافق .
لك مصروف و لزوجتك مصروف.
ويصرف لك من الملحقية الثقافية في امريكا مبلغ , انا ما ني متأكد كم يأخذون مبتعثي امريكا , لأنني في كندا + ينزل نصف راتبك الاساسي فقط من الجامعة بدون بدلات يعني.
6- متى تبدا فترة الابتعاث من الجامعه هل تكون قبل قبول من الجامعة المراد الابتعاث فيها بشهر ؟
يصدر ((قرار ابتعاثك)) قبل الموعد المحدد في قبولك اللي انت جبته بشهر واحد , يعني لو دراستك في شهر خمسة في المعهد , راح يصدر قرار الابتعاث في شهر اربعة , وتأخذ اخلاء طرف وامر اركاب وفيزتك تكون جاهزة .. ومع الف سلامة.
8- هل الافضل أنا أجيب القبول بنفسى أم يكون تبع مكتب .
أنا أفضل انك تسوي كل شيء بنفسك , أولاً لأن الشغلة سهلة , ثاني شيء المكاتب راح يقولون لك اعمل كذا وكذا وتعال لنا , وبعدين يأخذون الورق والشغل اللي انت سويته ويرسلونه بالبريد, خلاص عطنا دراهم. يعني كلام فاضي
9- أتمنى أن تفيدوني من تجاربكم لان والله أنا ماعرف شي بالمراه . ولدي الرغبه بالاستناره منكم .
أتمنى أن لاأكون أزعجتكم بهذا الاستفسارات
ابداً لم تزعجنا يا طويل العمر واذا احتجت شيء ثاني راسلني .. أنا بالخدمة... أخوك الحربي

الله يبشركم بالجنه من أوسع أبوابها و يغفر لكم دنيا وأخره . ومشكور كثيرا . لان والله كان عندى الكثير من التساؤلات والله يجزاكم الجنه .

أخوي إذا مستعجل تبغى الابتعاث مباشرة فأنصحك تجيب قبول لغة فقط لأنو أسرع وأسهل لك هناك حتى لاترتبط بجامعة معينة فعندما تنتهي من مرحلة اللغة هناك يكون القبول المشروط أسهل لأنو يستغرق وقت طويل هذا إذا كانت الجامعة تعطي قبول مشروط أصلاً

أنا تأخر ابتعاثي أكثر من سنة بسبب انتظار القبول المشروط نصيحتي خل ابتعاثك على قبول لغة تمهيدا لدراسة الماجستير والدكتوراة وهو الآن مطبق في الجامعات السعودية جميعها فهو أسرع من ناحية إجراءات الابتعاث, ويعطيك الحرية هناك في بلد الابتعاث في اختيار الولاية والجامعة التي تناسبك خصوصا وأنك في فترة اللغة ستتغير أمور كثيرة بالنسبة لك بالإضافة إلى إطلاعك على جامعات وأمور أخرى قد تخفى عليك قبل الابتعاث.

هذا ما أردت توضيحه لك أخي الفاضل



تحياتي