استفسار ياليت الي يعرف يقولي...

وينكم يا جماعه..مافيه احد ممكن يفيدني برأي او اي شي...

وعليكم السلام ورحمة الله وبركاته

من وجهة نظري إنك تسألي عن المدة اللي يستغرقها تأجيل القبول (أتوقع أسبوع أو أسبوعين بالكثير) فإذا كان فعلا في هذي الحدود البسيطة فالانتظار ماراح يضر كثير عشان تكون أوراقك كاملة

ولكن استغلالا للوقت ممكن تقدمي طلب التأجيل وفي نفس الوقت ترفعي أوراق الابتعاث....وفي حالة إنهم دققو في التواريخ وكان لهم استفسار بتكوني جاهزة إما بخطاب القبول الجديد أو بالإفادة بأنك طلبتي التأجيل

مع العلم بأن الجامعة مايعنيها التواريخ.....من وقت صدور قرار الابتعاث عندك 3أشهر ويتلغي تلقائيا أو انك تعملي إخلاء طرف وسيتم ايقاف الصرف......يعني ماراح يسألوكي إنتي قبولك في شهر5...ليش ماسافرتي أو متى بتسافري؟

هذي المعلومات اللي أعرفها في جامعتي ولا أدري لوكان عندكم نظام مختلف.....فكما تعلمين أختي الكريمة جامعاتنا كأنها ولايات مستقلة كل لديه قوانينه وأنظمته

أستشيري من حولك من الثقات في القسم ثم استخيري وكوني اسما على مسمى متوكله على الله

الله يوفقك وييسر أمورك....ومن قرأ وكل مبتعث

جزاك الله الف خير اخي على التوضيح ...اسأل الله ان يوفقك ويسهل امورك ...وانا باذن الله بقدم الاوراق واشوف موضوع التاجيل لما يقرب موعد الدراسه..

اذا ما عليك امر..بغيت اسألك انا مكتوب في اوراق المعهد انه المده لدراسة اللغه 7 شهور من شهر 6 الى شهر 12..

.طيب هي مو سنة يعني سنه كامله ولا بس 7شهور تعتبر هذا معنى( سنة اللغه)..ابغى اتاكد لان لغتي مش ولا بد فاحتاج ادرس لغه عدل الله يستر..

والف شكر لك اخي على الرد ..

الله يوفق الجميع دوم يارب

حسب النظام وقرار الابتعاث الذي سيصدرلك بإذن الله: دراسة اللغة لمدة سنة تبدأ من مباشرتك للدراسة في المعهد

(أنا كان قبولي للغة 6أشهر والماستر سنة ونص.....بس الجامعة ماتهمها هذي الأمور فأعطتني قرار الابتعاث النظامي ...سنة لغة وسنتين ماستر)

طبعا للمبتعث طلب التمديد لمدة ستة أشهر كحدأقصى ويتم تقديم الطلب قبل انتهاء السنة بمدة كافية يعني 3أشهر على الأقل لأنه سيتم إرسال الطلب لمرجعك (جامعتك)......وأتمنى هذا مايكون دافع للتكاسل من بعضنا بعدم اتمام اللغة في أقرب فرصة لأن التمديد ليس إلا فرصة لمن اجتهد ولم يوفق ويحتاج لمحاولات أخرى

بالنسبة لقبول المعهد: أتوقع والله العالم أنهم يعطون كل الطلاب قبول لنهاية السنة من باب التنظيم وفي بعض الأحيان تكون زيادة في رسوم السنة التالية.......وهذه كلها أمور لاتخصنا أبدا

لاتشيلين هم أختي المعهد بيدرسك الين تتمكني من اللغة بإذن الله وتحصلي على الدرجة المطلوبة في التوفل أو تنهي المستويات الطلوبة لدخول الجامعة

وشدي حيلك في اللغة والله إنها طريق مهم للتفوق في المراحل المقبلة

وبالتوفيق وعقبال مانسمع أخبار سفرك بإذن الله

الف شكر اخي الفاضل على ردودك الوافيه وعلى رحابة صدرك في الاجابه على استفساراتي ..جزاك الله الجنه يارب..

طيب افهم من كلامك ان المده الطبيعيه الي المعاهد تحددها للدراسه هي 6 او 7 اشهر وليس 12 شهر كامله...لاني لما شفتها 7 شهور توقعت اني اخطئت في التسجيل او تحديد المده الي ارغبها في الدراسه....وممكن لو احتجت اني امدد المده اثناء الدراسه ممكن امدد؟؟



وبالفعل زي ما ذكرت اخي ان النجاح في اللغه راح يسهل النجاح في الجامعه باذن الله...يااارب سهل يارب..

طلب اخير ...ممكن نصيحه من ناحية كيف اتعلم اللغه بشكل سريع وسهل لانه كما هو معروف 80% من اتقان اللغه يتوقف على المتعلم نفسه.وفيه الي قالو لي اخذ كورس لغه الحين قبل ما اروح ...


واعذرني ان ثقلت عليك...ولك كل الشكر والتقدير...