القبول والضمان المالي؟؟؟؟

اختي تقدرين تروحين لشؤون الابتعاث بجامعتك وتطلبين ضمان مالي للمعهد الي حابه تدرسين فيه وترسلين الضمان مع كامل اوراقك للمعهد ولما يوصلك القبول تقدمينه للجامعه عشان تصدر قرار ابتعاثك.
وبعد وصولك واشنطن تعطيك الملحقية ضمان مالي ثاني فيه تفاصيل اكثر (رقم ملفك ومشرفك ووو..) وتعطينه المعهد اول ماتوصلين لهم.

هذا الي انا سويته وكل شي ماشي تمام الحمدلله.

بالتوفيق.

أولا كنصيحة، ابحثي عن جامعة فيها التخصص اللي يناسبك قبل التفكير بالمعهد، لأن المعهد أمره بسيط مقارنه بالحصول على جامعه مميزه او جيده

اذا حصلتي على قبول مبدئي من الجامعه وكان مشروط، بعدها ابحث عن معهد لغه مناسب و احصل منه على قبول مبدئي وتقدمي بالطلبين لإدارة الدراسات العليا و اطلبي منهم ضمان مالي حتى ترسلينه وتحصلين على قبول نهائي

والمهم قبل لا تطلبين ضمان ان تكون قمت بتعبئة نموذج اختيار بلد الابتعاث وتمت الموافقه عليه من وزارة التعليم العالي، لأنه بدون هذه الموافقه لن يصدر لك أي ضمان مالي و حتى لو اجتمع القسم و وافق فالقرار الآخير لمجلس الجامعه و بإشراف من إدارة الدراسات العليا، وملفك لن يدخل المجلس مالم تحصلين على موافقة التعليم العالي على بلد الابتعاث ومن ثم موافقة القسم على التخصص المبتعثه له والجامعه المبتعثه لها وفي الاخير حصولك على قبول نهائي من الجامعه قبل المعهد سواءً مشروط او غير مشروط

أمل ان اكون وفقت في توضيحي

وتمنياتي لك بالتوفيق

نصيحة

لا تهتمي بالماجستير الان

ركزي على قبول المعهد

ويكون معهد ممتاز وله سمعة كبيرة

اللغة ، عليك باللغة

يا اخت نوره .. هل برأيك انها تحصل معهد لغه ممتاز اهم من جامعه يكون فيها التخصص اللي ترغب فيه ويكون مواده كويسه؟

مسألة ان الشخص يخطط ويقول اذا وصلت للبلد اشوف لي جامعه هذا كلام فاصي غير ان بعض الجامعات لها معاهد ماتقبل بغيرها

فعلى هالاساس الاهتمام الاولي يكون للجامعه بعدها المعهد

ومهما كان المعهد سيء الطالب بيكتسب اللغه ولا يتوقع الشخص انه يتخرج من المعهد ويكون بلبل خطير في اللغه .. ماهو شيء مستحيل لكن صعب .. لان الانجليزيه ممارسه مستمره

أشكركم على الردود جزاكم الله كل خيروأنا الجامعة اخترتها الحمد لله وإن شاء الله يكون اختياري موفق (جامعة كنت في بريطانيا)بس المهم أيضا المعهد وقوته

ربي يوفقك ويسهل امورك
بس انا اللي اعرفه انه مجلس الجامعه مستحيل يوافق على ابتعاثك الا اذا اخترتي التخصص اللي بتكملين فيه الماستر وتجيبين الخطه الدراسيه من الجامعه للي ناويه تدرسين فيها
انا هذا اللي صار معاي لما كلمت العميد قالي مانقدر نفرغك على قبول معهد لازم تقولين لنا التخصص ونشوف هالقسم بحاجته والا لا وبنفس الوقت تجيبين لنا خطه دراسيه من الجامعه اللي راح تكملي فيها

اتمنى فدتك وربي يسهل علي وعليك ان شاء الله

مشكورة يا قلبي موونالله يوفقك و ييسر أمورنا وأموركالتخصص أنا مختارته هو نفس التخصص اللي تعينت عليه وطبعت الخطة الدراسية بعد

مشكووورة يا مووون الله يوفقك وييسر أمورك وأمورنا إن شاء الله
أنا التخصص اللي اخترته نفس التخصص اللي تعينت عليه وطبعت الخطة الدراسية بعد
والجامعة أكيد ماراح يبتعثون عشان لغة بس

أكرر شكري لك وجزاك الله كل خير