الأعضاء الإشتراك و التسجيل

الملتقيات
ADs

الوظيفة او الاستقالة

الوظيفة او الاستقالة


NOTICE

تنبيه: هذا الموضوع قديم. تم طرحه قبل 4725 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية ماتي
    ماتي

    مبتعث جديد New Member

    ماتي الولايات المتحدة الأمريكية

    ماتي , أنثى. مبتعث جديد New Member. من السعودية , مبتعث فى الولايات المتحدة الأمريكية , تخصصى ايرث , بجامعة لاااااااااااا توجد
    • لاااااااااااا توجد
    • ايرث
    • أنثى
    • الرياض, بيت زوجي
    • السعودية
    • Sep 2010
    المزيدl

    April 23rd, 2011, 01:14 AM

    السلام عليكم ورحمة الله
    اخواني المبتعثين والله انني أعاني الأمرين وصرت في حيرة وهم ما يعلمه الا الله تعالى وانا وزوجي على شفا حفرة من النار...
    انا معلمة وانتهيت والحمدلله من دراستي الماستر وزوجي يشتغل بالرياض وانا بالجنوب قدمت عالنقل وما جا وقدمت على جامعة الملك سعود وما فيه احتياج وكثيييييييييير انتظرنا صار زوجي يردد لين متى انتظر يعني تعبت..
    استقيل مستحيل ....... قدمت على جامعات كثير من ضمنها ابها ......خفت يروح العمر المحدد للماستر 35سنة ولا نقلت ولا استفدت من الشهادة المشكلة الجامعات رفضت الموظفة الحكومية وانا الان ودي استقيل بس ودي اضمن وظيفة بالجامعة لأجل ما اخسر الشهادة (وزوجي زي اللي يقول انانية ما تفكرين الا بنفسك صار لزواجنا اكثر من 6سنوات)
    ابي مشورتكم عن جد تعبت كثيييييييييييييييييييييييييييييييييييييييييييييييي ير
    يارب تفرج همنا
    مالنا حل الا الاقي وظيفة بجامعة الملك سعود او نورة لكن ما لقيت ..........
  2. أختي تدرين ليش يقولون لك أنتي موظفة حكومية ومالك حق بوظائف جامعة الملك سعود أو نورة لأنهم ماهم بحاجة لتخصصك وأسمعي نصيحة أختك لا تستقيلين , لا تستقيلين, لا تستقيلين , لا تستقيلين والله والله والله ما ينفعك الا الله ثم وظيفتك لا زوج ولا عيال والله أن بعض عيال المدرسات ما يحترمون أمهاتهم الا عشان رواتبهم ولا والله أن يضربونهم بس هم عاطلين ورانب أمهم مئكلهم فما بالك بالأزواج وأنا ما أقول لا تطلبين نقل لللرياض الا الا أطلبي بس صعب الرياض بس لو طلبتي الخرج سنه ولا مثلها الا وأنتي هناك....
    7 "
  3. ايه والله
    الا الوظيفه
    وزوجك اذا قال انتي انانيه معليش هو ينعت باللي المفروض ينعت فيه نفسه
    انتي تخيلي لاسمح الله اي سبب
    لو زوجك صار له شئ بتعيشين فقيره والا على الضمان وعيالك بيضيعون قولي لزوجك كذا قولي انت رجال انا لو اموت ماراح يفرق لكن لو العكس انا وش يصير حالي ووش يصير حال عيالنا تبيهم يطرون بالبيوت ؟؟
    وترى الواحد مايضمن روحه فلازم يأمن مستقبله ومسقبل عياله
    وافرضي اكثر من فرض
    لو تركتي وظيفتك ماراح تلقين لأن الكل يبحث ومالقى
    ناس جت من برا يعني دارسين ماستر برا ولا حصلو وظيفه فما بالك انتي
    وافرضي تركتي وظيفتك
    وصارت لك مشاكل مع زوجك وتركك ؟؟ وش بيبقى لك
    تصيرين خسرتي الاثنين
    والله من خوفي عليك قلت لك الفرضيات اللي فوق عشان تكون الفرضيات قدامك واضحه
    والله وحده من زميلاتي زوجها قالها الا تترك وظيفتها مع انها بنفس المدينه ورفضت قالت تبيني وانا متوظفه والا بكيفك والله انه تمسك فيها اكثر
    والرجال يختلفون
    حاولي تقدمين عالقرى اللي جنب الرياض
    عندك قرى كثييييره وهجر كثيييره جنب الرياض ومثل ماقالت وحده هنا قدمي عالخرج
    والله يكتب لك اللي فيه الخير
    7 "
  4. المشاركة الأصلية كتبت بواسطة زوجة حريصة
    أختي تدرين ليش يقولون لك أنتي موظفة حكومية ومالك حق بوظائف جامعة الملك سعود أو نورة لأنهم ماهم بحاجة لتخصصك وأسمعي نصيحة أختك لا تستقيلين , لا تستقيلين, لا تستقيلين , لا تستقيلين والله والله والله ما ينفعك الا الله ثم وظيفتك لا زوج ولا عيال والله أن بعض عيال المدرسات ما يحترمون أمهاتهم الا عشان رواتبهم ولا والله أن يضربونهم بس هم عاطلين ورانب أمهم مئكلهم فما بالك بالأزواج وأنا ما أقول لا تطلبين نقل لللرياض الا الا أطلبي بس صعب الرياض بس لو طلبتي الخرج سنه ولا مثلها الا وأنتي هناك....


    الله يسامحك على التعميم........هؤلاء رجال بلا مروءة ولايعرفون من إسلامنا وقدوتنا صلى الله عليه وسلم إلا الإسم

    والأبناء الذين لايحترمون آباءهم وأمهاتهم إلا لأجل المال فوالله لباطن الأرض خير لهم من ظاهرها وأخشى أن يكونو نتيجة تربية آبائهم

    أنا آسف جدا يا صاحبة الموضوع...........ولكن يعلم الله أني غضبت من قراءة هذه الكلمات فلم أتمالك نفسي.....ولا ألوم كاتبته فقد تكون خاضت تجربة قاسية ولكن أعتب عليها أن عممت


    أسأل الكريم المنان أن يفرج كربك ويختارلك الخير حيث كان

    من معلوماتي البسيطة أعرف أن هناك كثير من الجامعات الناشئة القريبة من الرياض كالمجمعة وشقراء (لاأعرف تحديدا كم تبعد ولكن الأكيد أنها أقرب من الجنوب) ولا أعرف مدى احتياجهم لتخصصك


    الله يسخرلك من يخدمك ويرزقك خيرا مما تطلبين

    وأعتذر مرة أخرى على مداخلتي الغير مفيدة لموضوعك الحساس


    والله ولي التوفيق
    7 "
  5. شوفي اختي ..اذا توفر عندك مشروع ..مثلا كوفيره ولا اي مشروع تجاري ..او عماره وتستخدميها عقار ..او كوفي شوب ..

    فانا اقولك استقيلي ثم اسقيلي ثم استقيلي ...

    اما اذا للاسف ماحيلتك الا زوجك ..خلك بوظيفتك ازين ..محد فايدك ..

    لك ودي
    7 "
  6. اختي ..بالبداية لاتتخذين اي قرار قبل الاستخااااااااارة ..
    و اهم حاجة الراحة النفسية ,, عشان كذا نصيحتي لك تدورين لك بقرى الرياض ولو تبعد ساعتين او 3 مو مشكلة اهم شي انك تنقلين لمديرية الرياض
    وبعدها دوري لك واسطة او ارفعي برقية للملك واطلبي نقل او انتداب
    واذا مانفع هذا الحل او تاخر خلاص خوذي اجازة من غير راتب لمدة سنة وادرسي فيها الموضوع من جميع النواحي يعني هل عدم وجود راتبك بيؤثر على دخلكم اولا فاذا كان وضعكم المادي مستقر و عندكم بيت ملك وزوجك راتبه كويس وقادر يوفر حياة كريمة لك وللاطفال بعدين من مدارس كويسة والشغلات هذي ,,
    راح تقدرين تتخذين القرار بعد السنة هذي وضميرك مرتاح
    وطبعا قبل لاتستقيلين وفري لك مبلغ زين وافتحي لك مشغل او اي حاجة تتسلين فيها لان الفرااااغ جدا ممل وبتفرق معاك كثير بعدين
    والله يكتب لك اللي فيه الخيرر
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.