استفسار بالنسبة للحجز قبل الحصول على أمر الإركاب

ياليت الرد ياشباب حتى انا ابي احجز وامر الاركاب ممكن يجيني ومحتار ودراستي قريب ياليت الافاده

والله انا انتظرت إلى ان حصلت على امر الاركاب ، ثم حجزت . لكن كل الرحلات طارت
ما بقى الا القطرية ، والله يعين

وعليكم السلام ورحمة الله وبركاته

لوكان الحجز بالخطوط السعودية فلا يوجد أمل حصولك على المبلغ.......ولكن تعتبر لك كشيكات يعني مثلا تقدر تحول التذكرة الى تذاكر داخلية أودولية بنفس القيمة (أحيانا تصل القيمة الى 12ألف ريال سعودي)وستضطر الى دفع قيمة تحويل التذاكر (20ريال لكل تذكرة الداخلية و50 ريال لكل تذكرة دولية)

أما ان كان الحجز عن طريق الطيار.....فلا توجد لدي خبرة عملية ولكن أعتقد أنك تستطيع عمل استرداد لمبلغ تذكرتك التي حصلت على أمر الاركاب الخاص بها وستفقد 30%تقريبا من قيمة التذكرة

اقتراحي هو:

السعي جاهدا للحصول على أمر الاركاب.....وبعض الجامعات تتعاون في هذا أي أن ادارة البعثات تعطيك خطاب لشؤون الموظفين يفيد بأنك حصلت على موافقة وكالة الجامعة وأنه يمكنك الحصول على أمر الاركاب

فإن كان ولابد....

اذهب لمكتب الطيار واسألهم عن الحلول المطروحة للخروج من هذا الموقف بدون خسائر


ربنا ييسر أمورنا وأموركم ويختار لنا الخير حيث كان

اللي اعرفه نظام الطيار في امريكا لو عندك حجز ما ينفعك ابد ابد، اذا بتاخذ على حسابك الخاص شئ، واذا بتستخدم امر الاركاب شئ ثاني

بالنسبة لوضعكم بالسعودية، حاولوا تتواصلوا مع ادارة الموارد البشرية انه المعاملة في اجراءاتها الاخيرة ويقعونكم تعهد انه لو ما تم الموضوع تتحمل قيمة أمر الإركاب

وموفقين

خذ الخبر اليقين مني لأني حجزت قبل أمر الإركاب لقريبتي المبتعثة من الوزارة..

اشترينا التذاكر من مكتب الطيار.. وكانت عبارة عن تذكرتين للشخص الواحد:
١- الخطوط السعودية: الرياض - واشنطون
٢- يونايد إيرلاينز : واشنطون - دنفر

دفعت قيمة الحجز ٤٠٠٠ ريال تقريباً.. وهذا قبل شهرين من السفر تقريباً..

وأمر الإركاب صدر " طال عمره " قبل موعد السفر بأسبوع ! ولما رحنا للطيار استرديت ٦٠ ٪ من المبلغ تقريباً.. لأنه على كلامهم ما يرجعون قيمة الطيران الداخلي " اليونايتد إيرلاينز "..


وبالمناسبة.. بعض الجامعات تعطي أمر الإركاب قبل قرار الإبتعاث.. فتأكد من جامعتك.. لأنه مرة ممتاز لو تاخذ أمر الإركاب الآن وما تخسر ولا شي..

بالنسبة لي حصلت على أمر الإركاب قبل قرار الابتعاث..

بالتوفيق

بالتالي عندك خيارين:

١- الحصول على أمر الإركاب قبل قرار الابتعاث ... وهذا هو الأفضل .. إن كان مسموح في جامعتك..

٢- الحجز عبر مكتب الطيار، واسترداد ما يقارب ٦٠٪ من قيمة التذاكر بعد صدور أمر الإركاب..

بالتوفيق

الافضل انك تحجز بدري عشان التذكره تكون أرخص . وبعدين تاخذ امر الاركاب من الجامعه وتروح للطيار وتسترجع المبلغ وراح ياخذون 27% من قيمة التذكره
ويطلع لك مبلغ حلو جدا . لكن الاهم ان الماليه اللي بالجامعه يعملوا حجز على المدينة اللي بيتروح لها عشان الطيار يرسم لك خط السير وتكون اغلى . لان بعضهم يحجز على واشنطن بس . ولايحجز على مدينته اللي هو رايح لها
وانا سويت نفس الشئ والحمدلله طلعت بشئ مره ممتاز . العام الماضي الطيار كان ياخذ 15% بس