تجمع معيدين ومعيدات جامعة حائل

الف مبروك افتتاح موضوع لجامعة حائل ديرة اهلي مسقط رأس اجدادي

والشكر موصول للصميل الزهري هههههههههههههههههههه ( انتبهي يعلقونك بالشمس تغبرين )


<<< قصيركم من جامعة الجوف


تقديري

أختي صميل فوشي ..
يعطيك العافيه ..وفعلا محتاجين مثل هالموضوع ..

ابد انا معكم لووول

يسعدني اكون من اوائل المنضمين لمعيدين ومعيدات جامعه حايل وانشاء الله نفيد ونستفيد .

ومشكوره يا صميل فوشي ع الموضوع وانشاء الله العدد بازدياد ..

شمري حايل : مبتعث باستراليا .

السلام عليكم

عندي اختبار ومقابلة بجامعتكم يوم الثلاثاء القادم

كيف اجراءات القبول بجامعتكم معقدة وطويلة - ولا الدعوة سهالة
المرشحات 8
ومعدلي يكاد يكون الاعلى

كم يكون الاحتياج غالبا بالاقسام
وتنصحوني اعزم واروح ولا أهون

تستاهل حايل بعد حيي العنا ولا ؟

اخوي حلم بعيد ..

اذا تبي نصيحتي توكل على الله وشد الرحال

والواحد ما يدري وين رزقه .. قدم وسو اللي عليك وسو المقابله وربك يوفق

بالنسبه للاحتياج يختلف من قسسم لقسسم .. كل قسسم يحدد الاحتياج وبناء عليه يرفع لمجلس الجامعه ويتم التعيين .

وبالنسبه لسوالك حايل تستحق العنا؟ والله اتوقع اي مدينه بالمملكه العربيه السعوديه تستاهل العناء .. لان بالنهايه يا توظفت سهل تنقل للديره اللي تبيها .. بس انت اضمن وظيفه الحين وربك يوفق ويسهل بعدين

مع تمنياتي لك بالتوفيق والسداد

هل يوجد في حائل سكن خاص للمعيدين ؟

واذا احد عنده فكرة متى تبدأ إجراءات التعيين ؟

السلام عليكم ورحمة الله وبركاته
أخواني وأخواتي المبتعثين والغير مبتعثين ( منتظري الأبتعاث) جامعة حائل
حبيت نسوي موضوع في هذا المنتدى الشامخ لتبادل الأفكار ومساعدة بعضنا البعض في أمور الأبتعاث و القبول في الجامعات الأجنبية
فـــــــ مرحباً بكم ( يا بعد حيي ) في ملتقى التشاور وتبادل الآراء بقصد المنفعة والخير بيننا كــــ أخوان

أخوكم / طارق الشمري

هلا وغلا بطارق

فيه موضوع ثاني لجامعة حائل وصاحبة الموضوع اسمها صميل فوشي

وعلى شان مايصير لخبطه ادمجوا الموضوعين



تحياتي

هلاااا وغلاااا فيك أخوي جمعت الشوق
نورت الصفحة بمرورك الأكثر من رائع
لكن الموضوع اللي تقول عنه شكله قديم ولا فيه تفاعل لأن أكثر وقتي في المنتدى ولا حصلت موضوع لجامعة حائل
فحبيت اسوي موضوع جديد واذا حبيتوا ندمج الموضوعين ندمجهم ما عندك مشكله يالغلااااا
مررررره أخرى أشكر لك تواجدك ,, وأتمنى التفاعل من أخواني ...