قررت واتمنى منكم المساعدة

ليه ليه يا اختي هالاستسلام
ماشاء الله مشيتي في الماستر وخلصتي اول سنة والحين تكتبي خطة الرسالة وبتستسلمي ؟؟؟
اسمحيلي أقول هذا جنووووون
والله ظروفي أصعب من ظروفك لكن ما أفكر أستسلم مثلك
هذا وأنا لسع ما بديت في الماستر وانتي ماشاءالله بديتي ومشيتي نصه
يا بنتي حاربي حاربي لين تنالي مرادك
إذا بقيتي بهالنفس الضيق وما طولتي بالك كيف بتكملي دكتوراة
لا تخلي أي أحد يوقف بطريقك أنا عارفه كيف نظامنا هنا معقد وخصوصاً في الماستر اللي يآخذ اربع سنوات
بس حطي في بالك التحدي والاصرار
واللي يعطل مسيرتك برفض أو غيره سوي المستحيل عشان تثبتي وجودك قدامه وتحققي اللي تبغيه
والله لو كلنا فكرنا تفكيرك كان ماحصلتي ولا دكتورة سعودية بالجامعات
فكري بجامعاتنا تري محتاجتنا بدل هالأجانب اللي فيها
ليه ما تحطي في بالك أنه لازم تخدمي وطنك وتحصلي على الدكتوراة
تري مافيه أحد أخذ الدكتوراة بالراحة
أكيد الكل تعب وكافح لحد ما وصل للقمة
عن نفسي تخصصي صعب ومافكرت مثل تفكيرك ليش؟؟؟
لأني حاطه في بالي أنه لازم أكمل واللي أخذ الدكتوراة مو أحسن مني والله
وعلى فكره الوظيفة الادارية تقتلي فيها علمك وطموحك
وربي راح تندمين إذا حولتي إدارية
أسألي عن شغل الادارية أول بعدين فكري إنك تحولي
اختي بما إنك صرتي معيده لا تنزلي وتجمدي عقلك
اختي فكري إن مهنتك هي عطاء منك لبنات بلدك .. لازم تساهمي في تغييرهم للأفضل بالعلم اللي تعلمتيه
والله نفسي أقعد أتكلم واتكلم بس شوفيني اكتب لك على عجاله لأني مريت في موضوعك وما هان علي أخرج منه من غير ما أنصحك
ربي يوفقك وتخلصي الماستر وتبشرينا بحصولك على الدكتوراة عن قريب ..

معقولة يا أختي تتركي الوظيفة الحلوة وتروحي للوظيفة التعبانة!!!
بصراحة أشك إنك في كامل وعيك يوم كتبتي هالكلام!!!
الله يخليك لا تستسلمي للضغوط والتعقيد .
فكري في المستقبل بارك الله فيك.

اختي الكريمة ليه الاستسلام
حاولي وحاولي وخلي املك بالله كبير
كل انسان معرض للفشل لكن فيه حكمة جميلة تقول:
""ليس سقوط المرء فشلا ... انما الفشل ان يبقى حيث سقط""
صدقيني انتي راح تقدري بس اعطي لنفسك فرص اكثر وحاولي اكثر واكثر
ولا تستسلمي بسهولة للاحباطات اللي تواجهيها
تمنياتي لك بالتوفيق

سنه !!!!!
اعرف دكتورة أخذت سنتين تبحث عن موضوع رساله وكل مرة يرفض في النهايه حصلت موضوع لرسالتها.
وبعدين الاداريات دوامهم اصعب و ما في اجازات و مميزات مثل اعضاء هيئه التدريس و انتي بعد ما تحولي راح تشوفين الفرق و تندمين.

أتمنى الا تستلمي وثابري ومافي شي يجي بالساهل ..


فكري في طموحاتك وفي مستقبلك واضغطي على نفسك وتعوذي من ابليس ..

لا اعلم ماهي ظروفك لكن مهما كانت الظروف سيريها من صالحك الى ان تصلي لمرادك طبعا الدكتوراه ..

أتمنى لك التوفيق والنجاح ..

شكرا لدعمكم ومساندتكم

وفقكم الله

نوكيا

رصيف الشمس

الأرجوان


new_light

ربي زدني علما

ما قصرتوا وربي يجزآكم الف خير وربي ييسر لنا جميعا هالمشوار وقبل كذا نخلص النية لله عزوجل لتسهيل امورنا وحاجتنا

تحياتي لكم /ن

الله يوفقك ويكتب لك الخير

لا لا انتبهي والله بتندمين