نقل الخدمات من وظيفتي للجامعة ؟؟

السلام عليكم ورحمة الله وبركاته ,,

انا معيد في كلية تقنية (مدرب أ يسموها ) وقدمت على جامعة كمعيد
وقالوا لي في وحدة المعيدين اني مرشح ان شاء الله ,,,,لذلك ابغى استبق الاحداث
واسأل كم سؤال مهم :


ايش احتاج اعمل عشان انقل خدماتي ؟؟
احدهم يقول لي لازم تجيب موافقة على نقل الخدمات
هل هده لموافقة كافية للمباشرة وضمان الوظيفة بإذن الله ؟؟

انا كل اهتمامي اني اخاف يماطلوا في اعطائي موافقة او ايش يسموها
وتروح الوظيفة لاحد الاحتياطيين ( حاطين اربعة احتياط في حال عدم مباشرتي
صراحة شي يربششششش جدااااااااا)


سؤالي التاني والاقل اهمية :
تعديل الراتب - انا موظف من سنتين وماشي في التالتة
هل يبقى راتبي زي ما هوه ؟؟ ولا يتغير كثير ؟؟


اي احد عنده اي اضافة تخص الموضوع
يا ريت تقولوها لاني بصراحة تايه شوية

شكرا لكم مسبقا احبائي وجزاكم الله خير