ردو علي الله يجزاكم خير بخصوص رفض الابتعاث للمعيده؟؟

مرررره شكرا الله يسمع منك و يصير كيذا
بس المشكلة ان جامعة الاميرة نوره اكثر جامعة مشددة على موضوع الابتعاث
الله يسهل

اذا على النفسية اسال الله ان يدخل السعادة والتيسير في حياتك كلنا مرينا بهذي الحالة
وراح تمري فيها كثير لذا خليك اكثر توكلا على الله سبحانه وتعالى

عندك اكثر من حل في حال موافقة جامعة نورة على اكمال دراستك داخليا ويارب مايقولون شيء وتتسهل من عند ربك
- اما طلب تفرغ كامل لاكمال الدراسة وبعد ما تنتهين ترجعين لهم ، يعني تكونين موظفة مبتعثة داخليا بدون اي مهام اكاديمية وادارية
بجامعة العمل ولا اعرف اذا هذا يصير او لا لانه يصير مع حديثي التعيين لكن ابتعاث خارجي
- او طلب تفرغ جزئي لحد ما تتخرجين ، يعني تداومين بجامعة العمل والدراسة مثلا محاضراتك تكون لمدة 3 ايام اليومين الباقية تداومينهم بجامعتك
وغالبا اذا مايحتاجونك بالتدريس تكون مهامك ادارية واذا احتاجوك الله يعينك تدريس + اداري.
- الحل الاخير تقدمين تاجيل بجامعة الدراسة لمدة فصل او سنة وتبدأين عمل في جامعة نورة ، وطبعا التأجيل لا يحسب من ضمن سنوات الدراسة
فلحقي اذا كان هذا الحل يناسبك لان التاجيل غالبا يكون في اول اسبوعين دراسة فقط . غالبا ماراح تلجأين لهذا الحل الا في حال رفض اعطاء قسمك تفرغ سواء كان كامل او جزئي

ضروري تبلغين القسم بحالتك وهم راح يختارون لك الحل اللي يناسبهم ويناسبك لان لكل قسم ظروفه ممكن يكونون مررة محتاجينك
وابداي بعدها بالاجراءات المناسبة ووضحي لهم عدم تمكنك من الابتعاث خارجا مع ذكر الاسباب وان شاء الله يتفهمون

الله يكتب لك ولي اللي فيه الخير

الله يوفقك وييسر أمرك

اختي اجمل جميله
الله يسعدك خبريني وش صار عليك باسرع وقت ممكن
عندي حالة نفس حالتك وابي اشووووف وش الحل
النفسية دمااار مرره وابي مساعدتك .. تكفين

الله يعينك حاسة فيكي والله الهم ذابحني خصوصا الإبتعاث للخارج مافيه احد يروح معي

وانا موقعه اني اروح بس ربي يحلها بعد سنة يمكن يتغير شي

الله يفرجها عليكي وعلى كل مكروب

ااااه ياربي وانا مثلكم


وقعت على التعهد على انه في امل اروووح ويمكن ظروفي تزين وتتغير



ياااارب لاتحرمني من هالمنصب اللي انا فيه

وربي نفسي اكمل ماستر ودكتوراااه
يااارب اكمل يارب فرج همي وهم اخواتي اللي مثل حالي

يعني جنا ممتازات وشاطرات نتحول اداريات ليه
ليه الابتعاث الخارجي. المفروض فيه حرية بحيث اننا نكمل داخلي



يااارب املي الوحيد بك يالله