الأعضاء الإشتراك و التسجيل

الملتقيات
ADs

المعيدات المبتعثات لاستراليا .... الضمان المالي والمرافق

المعيدات المبتعثات لاستراليا .... الضمان المالي والمرافق


NOTICE

تنبيه: هذا الموضوع قديم. تم طرحه قبل 4404 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية يا رب بعثة
    يا رب بعثة

    مبتعث مجتهد Senior Member

    يا رب بعثة كندا

    يا رب بعثة , أنثى. مبتعث مجتهد Senior Member. من السعودية , مبتعث فى كندا , تخصصى Behavioral disorders and autism , بجامعة Life University
    • Life University
    • Behavioral disorders and autism
    • أنثى
    • فانكوفر, :)
    • السعودية
    • Jun 2010
    المزيدl

    February 27th, 2012, 09:03 PM

    بنات حبايبي
    ياليت تفيدوني

    الجامعة ما اعطتني ضمان مالي لمرافقي ورفضت حتى تضيفه بضماني

    المكتب اللي بيجيب لي قبول قال لي انه جامعات استراليا ماتقبل الشهادة البنكية ( ضمان مالي شخصي ) فقط تقبل الضمان من جهة حكومية ..
    واعطاني حل وحيد غبي

    اللي هو ان مرافقي يروح معي بفيزة سائح ومن هناك لما ياخذ الضمان من الملحقية يحول الفيزا لدارس
    وانا انسانه توترني ابسط الاشياء
    وما بحب امشي غير على بينه .. كيف يروح معايه بفيزا سائح لنفترض تعرقلت امور الضمان من الملحقية ساعتها بيرجع وطبعا انا ماحجلس بدون مرافق وارجع ابدا من الصفر

    فياليت المعيدات اللي باستراليا يقولو لي كيف اوضاع مرافقيهم وعلى فيزة ايش طلعو
  2. أعتذر عن التداخل أختي الفاضلة/
    يبدو أن الموظفة المتواجدة في إدارة التدريب والابتعاث أو المسؤولة عن الضمانات المالية لا تفقه أبجديات العمل.
    ارفعي خطاب إلى وكيلة الجامعة حول موضوع الرفض ، وستنتهي الإشكالية بكل سهولة.
    أخيراً: كلام المكتب صحيح لكن الموضوع يحتاج إلى وقت.
    ربنا يوفقك
    7 "
  3. شوفي ياطويلة العمر والسلامة مقدر شعورك بالتوتر لكن موضوعك بسيط وبسهولة ينحل.

    بالنسبة للضمان المالي من الجامعة (أو أي جهة حكومية عموما في السعودية) مخصص فقط للموظف اللي بيبتعث من عندهم وماعليهم من أي مرافقين أو محارم واللي يصرفونه رواتبك وتكاليف دراستك والتأمين الطبي فقط وكل مايتعلق بمرافقين المبتعث (من مكافآت وتأمين وضمانات مالية وتذاكر وغيرها) هذي شغلة الملحقية فاأول ماتوصلين بالسلامة راح تفتحين ملف مبتعث والمرافق اللي معك فراح يصرفون المخصص الشهري لك ولمرافقك (طبعا غير راتبك من الجامعة) والتأمين الطبي لكلاكم وتعريف الراتب في بوابة الملحقية راح يكون المرافق فيه مشمول معاك والتذاكر طبعا.

    وبالنسبة للضمان المالي للمرافق إذا حب يدرس اللغة أو الجامعة فهذي من صلاحيات وزارة التعليم العالي والملحقيات فهو يجيب قبول ويقدم على البوابة ويعطونه ضمان مالي ويخلونه يدرس بكل بساطة وكل المرافقين اللي يجون يجدون سهولة في إجراءات الملحقية في دراستهم للغة أو الجامعة.

    بالنسبة لتأشيرة للمحرم اللي معاك وإقتراح إنها تكون فيزا سياحية من مكتب القبول (وأشك أنه له خبرة في التأشيرات الأسترالية من هالكلام) فهو حل غير منطقي وغير سليم ومافي أحد من المبتعثين يسويه عندنا ولا أنصحك حتى سماع نصيحته وإعطاءه من وقتك لأنك راح تطيحين في معاملة تغيير فيزا من سائح لطالب في إدارة الهجرة وتاخذ وقت طويل إضافة إلى إنه مدتها محدودة وتبلغ 3 شهور وبعدها لازم يطلع المرافق من أستراليا.

    وأحد الحلول وأفضلها وأسلمها لك ولمرافقك هو اللي يسوونه جميع المبتعثين عندنا ومريحهم على الآخر (ومنهم محدثك) هو فيزا المرافق Dependent Visa ويكون مشمول معك في الفيزا من أول يوم في أستراليا حتى آخر يوم وإذا حب يدرس يحول فيزته بكل بساطة من مرافق لطالب ومعاملتها أسهل من معاملة تغيير فيزا السائح لمرافق.

    لذلك أختي مثل ماقلتلك لاتقلقين وموضوعك سهل جدا لكن لم تجدي إجابات لما يحيرك ومكتب القبول اللي تعتمدي عليه ماينفع بالمره ولاعنده سالفة فغيريه لمكتب آخر أو جيبي القبول بنفسك وهو أسهل وأضمن لك وإذا بغيتي أي شئ في أستراليا حنا حاضرين وبالخدمة بالتوفيق.
    7 "
  4. المشاركة الأصلية كتبت بواسطة رصيف الشمس
    أعتذر عن التداخل أختي الفاضلة/
    يبدو أن الموظفة المتواجدة في إدارة التدريب والابتعاث أو المسؤولة عن الضمانات المالية لا تفقه أبجديات العمل.
    ارفعي خطاب إلى وكيلة الجامعة حول موضوع الرفض ، وستنتهي الإشكالية بكل سهولة.
    أخيراً: كلام المكتب صحيح لكن الموضوع يحتاج إلى وقت.
    ربنا يوفقك
    الله يجزاك خير رصيف
    ماعندنا موظفات بادارة الابتعاث كل تعاملاتنا لازم رفع ونصب وجر للقسم الذكوري
    بالنسبة لكلام المكتب انا خايفة من تغيير الفيزا بعدين اذا وصلت بلد الابتعاث تنتهي المدة وهو لا قدر الله ماجددها كذا بتضيع الامور كلها

    المشاركة الأصلية كتبت بواسطة فروسـ
    الحل الي اعطاك اياه المكتب ماهو حل غبي هذا الحل الي يسوونه المرافقين
    لا والله حل غبي وستين غبي كمان

    المشاركة الأصلية كتبت بواسطة saleh_1991
    شوفي ياطويلة العمر والسلامة مقدر شعورك بالتوتر لكن موضوعك بسيط وبسهولة ينحل.

    بالنسبة للضمان المالي من الجامعة (أو أي جهة حكومية عموما في السعودية) مخصص فقط للموظف اللي بيبتعث من عندهم وماعليهم من أي مرافقين أو محارم واللي يصرفونه رواتبك وتكاليف دراستك والتأمين الطبي فقط وكل مايتعلق بمرافقين المبتعث (من مكافآت وتأمين وضمانات مالية وتذاكر وغيرها) هذي شغلة الملحقية فاأول ماتوصلين بالسلامة راح تفتحين ملف مبتعث والمرافق اللي معك فراح يصرفون المخصص الشهري لك ولمرافقك (طبعا غير راتبك من الجامعة) والتأمين الطبي لكلاكم وتعريف الراتب في بوابة الملحقية راح يكون المرافق فيه مشمول معاك والتذاكر طبعا.

    وبالنسبة للضمان المالي للمرافق إذا حب يدرس اللغة أو الجامعة فهذي من صلاحيات وزارة التعليم العالي والملحقيات فهو يجيب قبول ويقدم على البوابة ويعطونه ضمان مالي ويخلونه يدرس بكل بساطة وكل المرافقين اللي يجون يجدون سهولة في إجراءات الملحقية في دراستهم للغة أو الجامعة.

    بالنسبة لتأشيرة للمحرم اللي معاك وإقتراح إنها تكون فيزا سياحية من مكتب القبول (وأشك أنه له خبرة في التأشيرات الأسترالية من هالكلام) فهو حل غير منطقي وغير سليم ومافي أحد من المبتعثين يسويه عندنا ولا أنصحك حتى سماع نصيحته وإعطاءه من وقتك لأنك راح تطيحين في معاملة تغيير فيزا من سائح لطالب في إدارة الهجرة وتاخذ وقت طويل إضافة إلى إنه مدتها محدودة وتبلغ 3 شهور وبعدها لازم يطلع المرافق من أستراليا.

    وأحد الحلول وأفضلها وأسلمها لك ولمرافقك هو اللي يسوونه جميع المبتعثين عندنا ومريحهم على الآخر (ومنهم محدثك) هو فيزا المرافق Dependent Visa ويكون مشمول معك في الفيزا من أول يوم في أستراليا حتى آخر يوم وإذا حب يدرس يحول فيزته بكل بساطة من مرافق لطالب ومعاملتها أسهل من معاملة تغيير فيزا السائح لمرافق.

    لذلك أختي مثل ماقلتلك لاتقلقين وموضوعك سهل جدا لكن لم تجدي إجابات لما يحيرك ومكتب القبول اللي تعتمدي عليه ماينفع بالمره ولاعنده سالفة فغيريه لمكتب آخر أو جيبي القبول بنفسك وهو أسهل وأضمن لك وإذا بغيتي أي شئ في أستراليا حنا حاضرين وبالخدمة بالتوفيق.
    ياجعلك الجنة قل آمين

    اللي فهمته ان الفيزا الحين امرها محلول ان شاء الله
    طيب لا هنت بالنسبة للقبول !!
    هل اقدر اجيب له قبول مشروط قبل لا نطلع بدون ضمان مالي ؟
    7 "
  5. المشاركة الأصلية كتبت بواسطة يا رب بعثة

    ياجعلك الجنة قل آمين

    اللي فهمته ان الفيزا الحين امرها محلول ان شاء الله
    طيب لا هنت بالنسبة للقبول !!
    هل اقدر اجيب له قبول مشروط قبل لا نطلع بدون ضمان مالي ؟
    بالنسبة لمكتب القبول أقولك أياها بصراحة أشطفيه لأنه ماعنده سالفة وحله غير منطقي ويظهر أنه دقه قديمة بعد, أنا في أستراليا من 2008 وماتوا مرافقين المبتعثين اللي يجون عندنا بفيز سياحية من أكثر من 3 سنوات وكل اللي صاروا يجون يا بفيز مرافقين أو طلاب يعني موضوعك بالعربي محلول وسهل جدا والكلام هذا على مسؤوليتي.

    بالنسبة لك بما إنك المبتعث الأساسي حتى تصدر الفيزا لك ولمرافقك لازم تحصلين على قبول نهائي من جامعة (قبول مشروط أو غير مشروط مايهم) وأنتي في السعودية وبعدها الجامعة حقتك في أستراليا يرسلون لك الموافقة على الدراسة Confirmation Of Enrollment وبعدها تقدمين الفيزا للسفارة الأسترالية ويصدر لكم الفيزا وتسافرون بالسلامة.

    أما المرافق وهذا ماتقصدينه أنتي فاأمره سهل تبين قبول مبدئي (مشروط) للمرافق يجيك بكل سهولة وبدون ضمان مالي وأنتي في السعودية وخلوه معكم وإذا وصلتي لأستراليا تقدمين قبوله للملحقية ويصدرون له ضمان مالي إذا كان بيدرس لغة وبعدها المعهد يصدرون له القبول النهائي COE بعد إستلام الضمان المالي من الملحقية وإضافة إلى أنه المرافق مسموح له يدرس بحد أقصى مدة شهرين (هذا نظام إدارة الهجرة الأسترالية) وأكثر من ذلك يحتاج يغير الفيزا حقته من مرافق لفيزة طالب.

    وإذا خلص اللغة ويبي يدرس في جامعة يجيب قبول مبدئي غير مشروط ويقدمه على الملحقية ويفصلون بعثته عن بعثتك ويصير له ملف خاص ويكون مبتعث مستقل عنك وبعدها يصدرون له الضمان المالي للجامعة ويقدمه لهم ويعطونه القبول النهائي ويدرس وفاله الشهادة.

    وعلى العموم ترى أستراليا وملحقيتها والحكومة الأسترالية بالإدارات المرتبطة بالطالب الدولي مرتبين ومنظمين لأبعد حد مما يجعل دراسة الطالب سلسة ومريحة على عكس بعض الدول الأخرى وهالشئ راح تشوفينه بعينك وتتأكدين منه إن شاء الله.

    بالتوفيق.
    7 "
  6. ^ ^
    الله يجزاك خير
    ابي توضح لي شغلتين

    * الحين وشو نوع الفيزا اللي حيطلع عليها ؟ وهل فيه بعد كذا تغيير لنوعها اذا وصلنا استراليا ؟

    * هل كل الجامعات الاسترالية تقبل التقديم بدون ضمان ؟؟ ( قبول مشروط طبعا )
    7 "
  7. المشاركة الأصلية كتبت بواسطة يا رب بعثة
    ^ ^
    الله يجزاك خير
    ابي توضح لي شغلتين

    * الحين وشو نوع الفيزا اللي حيطلع عليها ؟ وهل فيه بعد كذا تغيير لنوعها اذا وصلنا استراليا ؟

    * هل كل الجامعات الاسترالية تقبل التقديم بدون ضمان ؟؟ ( قبول مشروط طبعا )

    1- الفيزا اللي حيطلع عليها فيزا مرافق Dependent Visa وأكدي هالشئ للي يبي يجيب لك الفيزا.

    2- طبعا لا فيه بعض الجامعات تشترط وجود مستندات تثبت كلامك وفيه بعضها عارف وضع السعوديين وأنهم أغلبهم مبتعثين فبصورة آلية يرسلون لهم قبولات من دون ضمان مالي وأما اللغة وهي الأهم من الجامعة حاليا (إذا كان مرافقك مامعاه لغة) فقبولها أسهل من قبول الجامعة والمهم أنتي إطلعي الحين هناك وقدمي على راحتك وهالموضوع لا تشيلين همه وممكن أساعدكم فيه لا وصلتوا بالسلامة.
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.