سؤال يتعلق بالراتب + أمر الاركاب

اتمنى اكون افدتك

وعليكم السلام ، من ناحية خصم الراتب فيبدأ الخصم من تاريخ الصرف عليك من الملحقية ، اما الجزئية الثانية ترى يمديك تطلعين امر الاركاب قبل قرار الابتعاث يعني ما يحتاج تحجزين من حسابك لما يسمح لك باصدار قرار الابتعاث والله يوفقك .

صاحب الهمه وابي ادرس برا الله يجزاكم خير

بس كلامكم متناقض

الاول يقول يبدأ الخصم من يصدر القرار
والثاني يقول لما تبدأ الملحقيه تصرف عليك

طيب بيصدر قراري مثلا وباقي على دراستي شهر ؟
يعني بينخصم شهر والملحقيه باقي ماتصرف علي الا بعد شهر
شلون ؟


وابي ادرس برا .. شلون اطلع امر الاركاب قبل القرار ؟ كيف الطريقه ؟


شكرا لكم

شوفي يا استاذة ، كلامي صح وكلامه صح في نفس الوقت واكيد انك بتنلحسين هههههههههه ، طيب انا بأفهمك في حال صدور قرار الابتعاث يبدأ يخصم من راتبك الى النصف وأول ما توصلين لمقر البعثة وتفتحين ملف في الملحقية بتقوم الملحقية بمراسله ادارة الموارد البشرية في الجامعه عشان تأخذ الموافقة وتبدأ تصرف عليك وفي نفس الوقت ستقوم ادارة الموارد البشرية باعطائك الفروقات بين ما خصم من تاريخ اصدار قرار الابتعاث وتاريخ وصولك الى مقر البعثة ( يعني زبدة الموضوع انه يتم الخصم عليك من تاريخ الصرف عليك من الملحقية ) ، اما النقطه الثانية اللي تتعلق بأمر الاركاب ( وبالذات لمعيدين جامعه الملك سعود ) : اذا وافقو على قبولك مجلس القسم والكلية وادارة تنمية الموارد البشرية وطلعتي الفيزة تقدرين تطلعين أمر الاركاب حتى لو باقي على دراستك شهرين وما يبقى عليك الا قرار الابتعاث اللي ما تقدرين تطلعينه الا قبل الدراسة بشهر وان شاء الله ان المعلومه وصلت ، وتراني تعبت وانا اكتب يعني ادعيلي

الله يوفقك وييسر امرك

طيب عندي كم سؤال الله لا يهينك ..

امر الاركاب اطلعه من الجامعه والا الوزاره ؟
بالنسبة لرسوم الفيزا تعوضني عنها الجامعه والا الملحقية زي طلاب البرنامج ؟


شكرا لك والله يوفقك يارب

امر الاركاب تطلعينه من ادارة تنمية الموارد البشرية اللي في الجامعة، اما من ناحية تعويض الفيزا فعندك طريقتين : الاولى انك تحتفظين بورقة السيفس وورقة السامبا واذا وصلتي لبلد الابتعاث تسوين لها سكان وترسلينها للملحقية وبتعوضك ، والطريقة الثانية انك تصورينها وتعطينها رئيسة قسمك ثم توقعه وترسله لعميد الكلية ويعتمده ثم تقدمينها لتنمية الموارد البشرية ويعوضونك ولكن خلي نقطه في بالك ان جميع التعويضات تكون بعد ما تصدرين قرار الابتعاث ، ولا تنسين التعويض عن المراسلات ارفقيها معها ، والله يوفقك

يا رب اصير معيد في جامعة الملك سعود

بالتوفيق لكم لا تنسوني من دعواتكم

ابي ادرس برا
الله يوفقك يارب ويحقق لك ما تتمنى


المتصدر
الله يزرقك الاعاده اذا فيها خير لك يارب

بعد صدور قرار الابتعاث ياتي اصدار امر الاركاب, وبعد صدرو امر الاركاب فيه شي اسمه قرار الابتعاث التنفيذي, وبعده اخلاء الطرف يعني ما رح يخصم راتبك الا بعد اخلاء طرفك من الجامعة وبالتوفيق ... دعواتك