استفسار هل في اشكال من رجوعي لبلدي ومكوثي لشهرين !!

من الأفضل عزيزي إنك تأجل الدراسة لين ما تخلص من أشغالك وتسافر لأمريكا
لان الطالب ما يستحق إجازة الا بعد مضي عام كامل والاستثناءات عشان تسافر تكون للضروره القصوى ... وانت حجتك بانك نازل لزوجتك و موولودك بتكون غير مقنعه لانهم بيقولون انك عارف زوجتك راح توضع فليه ما أجلت دراستك لبعد الوضع وراح تخش في عبط المشرف الاكاديمي والبيروقراطية في المعاملات وفوق هذا لا تنسى الفائده من الشهرين بأمريكا راح تروح هباءً منثوراً لو رجعت السعوديه ...
والله يوفقك ..

الله يجزاكم خير ، بس من ناحية الفائدة انا بس تكفيني ثلاث اشهر لغه باذن الله لان تخصصي لغة انجليزية وفقط احتاج فترة اللغه كتمهيد للماجستير
انا حصلت بالايلتس ٦. وباقيلي نص عشان اخذ قبول نهائي .
ولا ابي ابدا البعثة بعد الولاده لاني بتاخر عن التسجيل لانهم تخبرون عندهم (ديدلاين )مبكر للتقديم للماستر

طيب لو رحت ورتبت مع المعهد ورجعت بدون علم الملحقيه ، وش ممكن يصير ؟

عادي انا رجعت السعودية مرتين مادروا عني الملحقية لاني بحسابي نزلت
واسوأ شي ممكن يصير كما سمعت من بعض المبتعثين انهم يوقفون الراتب في حال خرجت من امريكا لمدة أكثر من شهرين
وهذي بسيطة بعد ماترجع امريكا سوي طلب في البوابة الالكترونية (طلب اعادة صرف)
وممكن خلال الشهرين هذي تستفيد وتجيب في الايلتس 6,5 وتكون رجعتك السعودية على اساس انك خلصت اللغه

بس خارج الموضوع نصيحة عن تجربة اذا تبغى تختبر الايلتس اختبر في السعودية في الفترة اللي حتجيها لأهلك
هناك التوفل سهل الحجز وفي كل مكان تقدر تختبر, بس صعب تحصل موعد ايلتس لازم تحجز لاختبار الايلتس قبلها بشهرين ثلاثة ,وايضا غير موجود في كل المدن تقريبا مدينتين او 3 في كل ولاية يعقد فيها اختبار ايلتس

المشكلة انه لو فيزتك فيزا طالب .. المعهد حيرسلوا للاميجريشن انك ما بتحضر و حيرسلوا للملحقية كمان
اذا رتبت مع المعهد دي النقطة وفهمتهم كل شي فلا تقلق طالما على حسابك محد داري عنك