أسعفوني ! المعهد غير معترف والسفر بعد 28 يوم وقرار الابتعاث صدر وانتهى

الله يكون بعونك اختي .. أن شاء الله الأعضاء يفيدونك

كيف مسافرة بعد 28 يوم ولسه ماقدمتي على الفيزا

والمشكلة الثانية هي اذا غيرتي المعهد لازم تقدميين على فيزا جديدة اذا هذه اول مرة تروحين فيها امريكا بالفيزا الي معك

اختي الكريمة

كيف عرفت ان المعهد غير معترف من الوزارة !! والشي الثاني لو صدر قرار ابتعاثك لمعهد غير معترف فيمكنك الدراسة فيه والملحقية ملزمة بدفع الرسوم وتنفيذ القرار . يعني كنبي إجرائتك وتوكل علي الله

!!

من جدك لازم اطلع فيزا جديدة .!!!!!!

بليز تأكد لي من هالمعلومة لأنها مصيرية بالنسبه لي

أخوي انا تأكدت ان المعهد مو معترف فيه من قائمة المعاهد المعترف فيها من موقع الملحقية .. ودلني عليها أحد الموظفين في الوزارة بالرياض ..



أرجوك انت متأكد انه عادي وانهم ملزومين ؟؟
جربت هالشي أو تعرف احد كذا ؟!


أخاف اروح امريكا وتتعسر اموري هناك ويرفضون ضمي للملحقية بما ان المعهد مو معترف فيه ..
ووقتها بتصير لي مشاكل حتى مع جامعتي هنا لاني سافرت ولاباشرت دراسة ..


فرّج لي الله يفرج همك ..

إذا الجامعة موافقة على المعهد وقرار الابتعاث صدر ما فيه أي مشكلة بإذن الله والملحقية جهة تنفيذية هناك فقط تنفذ ما توافق عليه الجامعة ..

لمصداقية الرد أنا ما جربت ولا أعرف أحد جرب خصوصاً أنه غير معترف فيه!

فحتى تطمئنين أكثر ربما تراسلين الملحقية وتستفسرين!

نصيحة ربما ليس وقتها ولكن في حال استقرار الأمور بإذن الله ..

هل المعهد موقوف أم غير معترف فيه أساساً؟! إن كان غير معترف فيه فغالباً أنه معهد تجاري وغالباً المعاهد التجارية لن تستفيدين كثيراً منها في اللغة فلو حصل تحولي فيما بعد لمعهد تابع لجامعة فهذه نصيحتي!

يارب يكون كلامك هو المطبق ولايكونون غيروا سياساتهم كالعادة ..

صح فكرتك والله انا ناوية احول معهد جتمعة اذا رحت .. بس الان مااقدر لان ماابي يتأثر قرار الابتعاث من جامعتي ..


تعبت والله من الوزارة والملحقية ..
الوزارة كل موظف يعطيني فتوى غير ..
والملحقية محد يرد ..
وانا بينهم من جد ضعت ..



طيب اخوي هل تعرف اذا اللي يسري علي يسري على مرافقي ؟؟
اقصد لو مامانعوا الملحقية ع المعهد , وهالمعهد مرافقي يدرس معي فيه ..
هل بيوافقون لي ويرفضون لمرافقي والا كيف ..؟



الله يوفقك ..

والله ما عندي علم أكيد لكن بإذن الله الملحقية تتفهم وضعكم (وخصوصاً إذا صارو قدام الأمر الواقع فلم الشمل يوضع بالاعتبار وهو شيء ما أحب أراهن عليه صراحة)

اختي وسعي صدرك لامصيبة ولاشي
اللي انا اعرفه انه بعد ماتوافق الجامعة على ابتعاثك وترفع اوراقك لوزارة التعليم العالي عشان يدققون في قبولك من جميع النواحي قبل يعطون الموافقه للجامعة عشان تصدر قرار الابتعاث يعني مستحيل يصدر قرار الابتعاث على معهد مش معترف فيه وهذا الشي اللي حصل معي
لما اتصل علي موظف عندنا بعمادة الدراسات العليا قالي بالحرف الواحد جات الموافقة على ابتعاثك من وزارة التعليم العالي ماعندك مشكلة في المعهد وماعندك مشكلة في تاريخ الدراسة وماعندك مشكلة في التخصص .. معناتها ان الموافقه ماتصدر من وزارة التعليم العالي الا بعد تدقيق ولايمكن يصدر لك قرار ابتعاث والمعهد مش معترف فيه .. انتي توكلي على الله وسافري والملحقيه لو شافت ان المعهد مش معترف فيه راح يبلغونك وتعطيك فرصة معينة وتجيبين من خلالها قبول في اي معهد ثاني معترف فيه ..

ربي يوفقك