استفسار ارجو مساعدتي بخصوص الفيزا وقرار الابتعاث

حرام عليك من جد


طيب هل عملوا المجلس تبع الكليه والا لسى ؟ واذا ماعملوه متى راح يعملوه ؟

شوفي اوراقك تروح لمججلس الكليه واذا وافقوا يرسلونها للعماده عماده الدراسات العليا يعملون مجلس ويرفعونها لمدير الجامعه ويصدر قرار ابتعاثك من مدير الجامعه وتحصلي قرار ابتعاثك عند عماده الدراسات العليا قسم الابتعاث .

اذا خلصت من مجلس الكليه يبي لها تقريبا كم اسبوع يعني اسبوعين ثلاثه وتروح للدراسات العليا اذا خلصت من الدراسات العليا يصدر قرارك من المدير بثلاث ايام .

فنصيحتي لك اسمعي الاتي . اذا ماعملوا مجلس كليه روحي للعميده خليها تعمل لك مجلس بالتمرير قولي لها بالتمرير وهي تفهمها وااذا خلصتها اعطيها اخوك وروحي فيها للعماده الدراسات العليا اقرب جلسه يدخلون اوراقك فيها . ومن الان اسئلي متى اقرب مجلس لعماده الدراسات العليا ؟؟

الفيزا مالها اي علاقه باصدار قرار الابتعاث والجامعه مالها اي دخل بالفيزا . انتي بلشي باجراءات الفيزا من الحين بس خوذي معك الضمان المالي والقبول والسجل الاكاديمي اثناء المقابله . والفيزا اذا اخذتيها خليها معك مالهم علاقه الجامعه .

ااذا صدر قرار ابتعاثك ووقتها معك الفيزا على طول روحي خوذي ورقه اخلاء طرف تاخذين هالورقه من عماده الدراسات العليا وتروحي فيها للكليه تبعك وتعملي اخلاء طرف وترجعي بورقه اخلاء الطرف للدراسات العليا يعطونك قرار ابتعاثك تعطينه اخوك يروح فيه لمكتب الطيار يسعر قيمه التذكره ويروح يوديها لشؤون الموظفين ويوقعها هو واداره الميزانيه وترجعي بالورقه لمكتب الطيار ويحجز لك ويعطيك التذاكر . لاتخافي من ناحية الحجز بتلاقي كل يوم طياره ماعندك اي مشاكل وبالنسبه للورقه تبع اخلاء الطرف الين الحجز تخلصيها بيوم واحد اذا شديتي حيلك بسرعه وخليتي اخوك يركض فيها .

بالتوفيق

اتوقع يختلف عن جامعتك،، وليش تتاخر

كيف يختلف احنا مو بامريكا كل الجامعات نظامها واحد صادره القرارات من التعليم العالي

هي الاجراءات كذا تتاخر مجالس الكليه ماتعقد الا مره كل شهر ومجالس العماده كل ثلاث اسابيع

سوري اني دخلت الموضوع اصلا سلام

؟؟؟؟؟؟ شكرا على الرد

عزيزتي اذا ما جريتي ورا مصلحتك جري والله ما حولك أحد
أنا اشتغلت إدارية بالجامعة قبل أحول أكاديمي والله أني شفت بلاوي وملفات عالم منسية بالأدراج وإهمال ما يعلم فيه الا ربنا

حاولي كل ما تقدري تنطي لهم يوم بعد يوم
عالاقل لما يملوا منك بيخلصوا معاملتك بسرعة عشان يبون الفكة منك و انتي المستفيدة
<<<< أسألي مجرب

وفقك الله