أفيدوني الله يسعدكمـ

[QUOTE=احساس طموحة;1062251092]السلامـ عليكمـ
كيفكم أخواني وأخواتي إن شاء الله بخير؟

وعليكم السلام ورحمه الله وبركاته ..
الحمد لله بخير ..

أنا طالبة أدرس بجآمعة أم القرى تخصصي لغة عربية والآن أنا مستوى سادس والحمد لله معدلي 3.76 ،من 4 وإن شاء الله أقدر أرفعه أكثر عندي كذا سؤال وسامحوني على الإطالة ، الترم اللي فات كان معدلي 3.73 وطلعت النتائج وكلها الحمد لله أ+ استغربت أن معدلي ما ارتفع كثثير يعني صار 3.76؟؟ ، وصحباتي متعثرات ودرجاتهم عاديه وارتفع 15 نقطه!!!. ياليت تفهموني هالشي.

اختي بالعاده المعدلات العاليه ما ترتفع كثير حتى لو كنتي جايبه أ+ كل المواد .. يعني ترتفع 4 الى 5 نقاط بالكثير ... يعني الامر طبيعي فلا تعتقدين ان هناك خطأ في حساب معدلك ..

ثانياً مكتوب لي بالموقع لغةعربية مع إعداد تربوي ولكن لايوجد بخطتي ولم أدرس مواد تربوي ولازم سنه خامس، وأنا متغربه عن أهلي ممكن يكون صعب أخذها .

والله هالجزئيه ما عندي خلفيه عنها .. ولكن أنصحك نستفسرين عن الأمر من وكيله قسمك .. روحي لها وقولي وش معنى هالكلام ؟ وهي بتوضح لك الأمر ..

ثالثاً ، كيف أصير معيده ؟؟ وتتوقعون تخصصي هذا عليه طلب وكيف اقدم والاقي احد يساعدني أهلي شوي يصعبون الأمور يعني ماراح يودوني اذا فيه اختبار او مقابله بحكم بعد المسافه وبعد. صعب أخذ بعثه أهلي رافضين أبد أبد يعني لو ماصرت معيده بجلس بالبيت وانا حلمي أكمل ماستر ودكتوراه وش اسوي؟؟

بعد ما تتخرجي ان شالله .. تابعي اخبار الجامعات .. وشيكي على مواقعهم .. لأنهم ينزلون اعلان في موقعهم مثل جامعه طيبه وجامعه نوره وغيره .. وكذلك في موقع اسمه ( وظيفه . كوم ) ينزل اعلانات الوظايف .. تابعيه بإستمرار .
وهذا رابط الموقع ... وظيفة.كوم | وظائف حكومية و توظيف مباشر
لكن للمعلوميه المعيده بأغلب الجامعات ان لم تكن جميعا تشترط عليها الابتعاث ... لذا لازم تكون عند اهلك فكره عن هالشي .. وماتدري وش الله كاتب لك .. يمكن تتسهل امر ابتعاثك بعكس ما تتوقعي انتي ..

تكفون انصحوني محتارهـ كثيرر ومشكوريين..[/QUOTE

انصحك تتفائلي .. وتدعي ربك ييسر لك امورك ويرزقك من واسع فضله ..

انا كمان امور تعييني متعسره شوي وكذلك امر ابتعاثي صعب جدا والاهل رافضين .. ومع ذلك لن أيأس وببذل مجهود وبسعى والله كريم ..
وفي مثل مشهور عند الأولين وهو معروف ( اسع ياعبدي وأنا معك ) << يعني لا تجلسي تحطي رجل على رجل وتنتظري الرزق ينزل لك من السما بدون تعب ،، بل اسعي واجتهدي والله بيكون معاك ويسهل أمرك ..

أسفه على الاطاله ...
ودعواتك لي بتعجيل امر تعييني وتيسيره ..

أعلق على جزئيه من كلام الأخت
مساله الابتعاث كل التخصصات العربية والإسلامية وبعض التخصصات الأدبية كلها دراستها داخل المملكة
وشدي حيلك وعليك بربك
والله يوفقك ويوفق باقي المسلمين