الي معيد/هـ في كندا

و عليكم السلام و رحمة الله و بركاته ..

حياك الله .. نعم شبه منعدم .. لكن حسب التخصص و مؤهلاتك ..

بالنسبة للي انقبلوا جاهم قبول مباشر غير مشروط أو ما يسمى بــ regular admission ..

شكرا ميمونة ،
يعني القبول المباشر هو استوفى كل الشروط

وحسب كلامك ايضا يعتمد ع التخصص
طيب اذا عندك معلومه ع ماستر فيزياء هل ممكن تحصل قبول مشروط أو لا

طيب كم الدرجه المطلوبه في الايلتس انا عندي 5.5

​5.5 في الماستر ما توكل عيش, في الغالب يطلبون 6.5 الى 7

أهلا أختي أملي كبير ..

صديقتي تخصصها فيزياء طبية << أتوقع كذا اسم التخصص .. المراد إنها ما لقت إلى الآن قبول نهائي كيف عاد القبول المشروط ..

5.5 درجة مرة نازلة يا أختي حتى برامج البكالوريوس هناك ما تقبل بخمسة و نص .. أغلب برامج الماجستير 7 و فيه بعض التخصصات

تقبل بــ 6.5 لكن قليلة ..



أتكلم عن الماجستير لكن الدكتوراه القبول المشروط متوفر لكن بعد مهوب بكثرة ..

ياخوان انا عندي ٥.٥ وقدامي سنه ونصف تقريبا لغه
يعني أبد ما ينفع ادرس بمعد الجامعه وأنهي كل مستوياته

شاكره لكم

إلا يا عسل ينفع .. أنتي سائلة عن قبول الماجستير و ردينا عليك على أساس هالشيء .. لكن الدراسة بالمعهد
حتى لو ما تعرفين الحروف عادي تدرسين بأي معهد ما فيه أي مشكلة ..

ههههههه
ميمونه حبيبتي افهميني

اعرف بنات انهو مستويات اللغه في معهد الجامعه ودخلو الجامعه لدراسه ماجستير رياضيات من غير مايختبرو ايلتس او حتى توغل

يعني انا أبي قبول مشروط بإنهاء مستويات معهد الجامعه وبعدها ادخل الجامعه هذا الي اقصده

جاوبتك الله يسلمك و قلت لك شبه منعدم .. البنات اللي دخلوا الجامعة بدون اختبار آيلتس هذولا تواصلوا مع دكاترة
بحيث الدكتور نفسه "تزهّل" و قال أبد قبولك عندي لكن ماجستير قبول مشروط يجيك و أنتي في السعودية هذي
نادرة النوادر و تكاد تكون منعدمة لصعوبة اجراءات القبول.. اللي يبون قبول نهائي و مستوفين كل الشروط يقدمون
و يحطون يدينهم على قلوبهم و يدعون ربي عسى ينقبلون ..

صح نسيت شي .. فيه بنت أعرفها شخصيا انقبلت نهائي ماجستير في جامعة اوتاوا تخصصها رياضيات
و جايبة خمسة و نص بالايلتس (ما شاء الله تبارك الرحمن , الله يرزقها التوفيق و السداد) .. لكن هذي توافيق و أنا أختك ..
يعني فيه حالات قبول تدل على قدرة الله و عظمته و إنه إذا قال للشي كن فيكون .. لكن الوضع الطبيعي مثل ما قلت لك ..