مساعدة الي يقدر يقدم لي نصيحه من معيدي ومعيدات المنتدى يدخل

حبيبتي ..

أنا معيده وما أقدر اطلع بعثه أيضا .. ولا فكرت بمثل تفكيرك في الاستقاله أو التعليم العالم او حتى القبول بالعمل الاداري ..

لا تقولين لي أن مديري يختلف عن مديرك ... ومن هالكلام .. لأن النظام واحد ويمشي على الكل .. فالنظام الي يحكم موضوع الابتعاث ينطبق على جامعتي وجامعتك ..

لذا انصحك .. تذكرين ربك .. وتشيلين فكره الاستقاله من راسك وأيضا فكره التعليم العام شيليها من راسك .. وخليك على ما أنتي عليه إلى أن يحدث الله امرا ..

ما تدرين وش يصير ؟ وايش يتغير من امور ... وممكن يسمحون بالابتعاث الداخلي قريب .. خصوصا بعد تصريحات وزير التعليم العالي الأخيره بهذا الخصوص ..

ولا يهمك أو تهابين من مديرك مهما كان شديد وغير مرن ...

اختي اناودي بالبعثه والدراسه بالخارج من اجل ايجاده اللغه لانه اهم شي والتعليم الخارجي افضل بكثير ناهيك عن متطلبات القبول الداخلي الصعبه

طيب يا عزيزتي ...

انا أيضا أرغب بالبعثه تماما مثلك .. ولذات الأسباب الي ذكرتيها ... لذا قلت لك شيلي فكره الاستقاله من راسك .. وإلا كيف ترغبين بالبعثه وأنتي تبين تستقيلين !!

انا أشوف كوننا معيدات هذا بداية طريقنا للإبتعاث أن شاء الله .. لذا خلي عنك الاستقاله .. وواصلي في عملك .. لما تتسهل لنا بإذن الله تعالى ..

أعرف وحده من زميلاتي أكبر مني سنا .. وتعينت قبلي .. بقى لها تقريبا 3 شهور وتكمل 3 سنوات وهي معيده !! ولا قالت بأستقيل أو بقبل بالعمل الاداري أو شيء من هذا القبيل .. بل أجتهدت وواصلت عملها لما تسهل أمر أبتعاثها .. والحين هي في اجراءات البعثه .. مشاء الله ..

عليك بالدعاء .. وان شاء الله تتحقق طموحاتنا في القريب العاجل ..

تحياتي .. وأعتذر منك في الإطاله ..

جزاك الله عني كل خيييير

أختي "يارب الماستر" أنصحك لاتفكري بأمور استقالة ولاشي .... خلي الأمور تأخذ مجراها الطبيعي وحاولي بالابتعاث الداخلي لأني سمعت انه في لجنة خاصة بكل جامعة تدرس حالة من لا يستطيعون الابتعاث الخارجي... أنا قبل ماتوظف كنت افكر انه الابتعاث الخارجي مشكلتي الوحيدة.... لكن اكتشفت أنها مشكلة يعانوا منها كل المعيداات .... الي ما يقدر محرمها يأخذ إجازة استثنائية أكثر من سنة .... والي أطفالها ماتقدر تأخذهم .... والي هي الوحيدة القائمة على رعاية أمها وأبوها ... وظروف كثيرة ... بس الي لمسته انه في تعاون يعني كل وحدة تقدم ظروفها ويدرسوا حالتها... طبعا هذه الظروف الخاصة لكل الأقسام إلا قسم اللغة الانجليزية الي مشددين عليهم في حكاية الابتعاث الخارجي لانه هناك لازم تأخذي اللغة من أهلها صح.....
طبعا حطي ببالك انه مدير الجامعة أكيد حيضغط عليكي.... ويطالبوكي بالابتعاث بأسرع وقت....وهذه أصلا سياستهم مع كل المعيداات ...
وعموما شيلي من بالك فكرة الاستقالة "لاتدري لعل الله يحدث بعد ذلك أمرا" ومثل ماقالت لك الأخت قبلي عليك بالدعاء وربي ييسر أمورنا جميعا...