رفضو ابتعاثي رغم صدور الموافقه تعالو ساعدوني

لازلت انتظر خبرتكم يا اعضاء هيئة التدريس
اعطوني صيغه اطلب فيها سبب رفض توقيع اخلاء طرفي

غريبه ترفض ابتعاثك معن المفروض تشجعك كنت اتمنى افيدك بس ان شاء الله مايقصرون معك اهل الخبره

هذي راعية مشاكل ومش أول مره تكتبين عنها.

لا فائده من تأجيل الابتعاث لأنها راح تخرب عليك مستقبلا. ويجب وضع حد لها.


عموما, لازم تصعدين الموضوع بأسرع وقت ممكن, المشكله انك بالرياض. أعرف ناس صارت لهم مشاكل مع بعض المسؤولين ودخلوا على الحاكم الإداري (المحافظ أو أمير المنطقه) وتم حل الموضوع.


تحديدا في أحد المحافظات بدون ذكر اسم. مدير تعليم البنات ذاك الوقت كان مسبب مشاكل للكثيرين, وتوجهوا المتضررين للمحافظ وبدوره استدعاه للإماره وقاله كلمه مشهوره لا أحد ينساها لليوم


(شفت هالمنديل ؟؟ أنا أشيلك من مكانك مثل ما أشيل المنديل) وفعلا شاله من منصبه والناس إلى اليوم تشكر المحافظ على هذا التصرف.


فأنا أقول لا تضيعين حقك, الموضوع مب موضوع جامعه ولا تعليم عالي وهذا عن تجربه, أي مشكله تصير في احد الدوائر الحكوميه الرجاء التوجه للحاكم الإداري, واللي أعرفه ان اميركم الجديد متعاون جدا, صدقوني لن تجدون الا كل خير. وأكرر مره أخرى عن أكثر من تجربه, الحاكم الإداري عنده كل الصلاحيات بخصوص المسؤولين الحكوميين.


أما انك تأجلين البعثه فلا تضيعين وقتك

عليك بالالتزام في قيام الليل ان الله يسخر لك العون في أمرك
واعيدي الطلب حتى تتم الموافقة

كان الله في عونك لو كنت مكانك بدون اي توقف رفع خطاب لمدير الجامعه وشرح مفصل
اذا لم اجد استجابة خطاب لمعالي الوزير فورا

وفقك الله


( تمت المشاركة باستخدام تطبيق مبتعث )

السلام عليكم
اكتب خطاب موجه لمدير الجامعه توضح فيه النقاط المهمة وأنك باقي علي صدور قرار الابتعاث فقط إخلاء الطرف فكيف يوافق القسم ثم مجلس الكليه بقيادة العميدة ثم في النهايه ترفض
نصيحه صعيد الموضوع لعميد الكليه وهذي حجرة لكي ولبقيه زملائك أنصحك باستبعادها
لا تأجلي دراستك وتوكلي ع الله وصعيد الموضوع الحق معك الحق معك



لا تأجلي نصيحه لك من محب

أخوك / معيد في احدي محافظات الرياض

وممكن تستقعد لها هالعميده
الى ان تفصلها لو اشتكت عليها

اختي الجئي لرب العباد وادعيه يسخرها لك وارفعي اوراقك لمدير الجامعه كااعتراض او التماس وليس شكوى

( تمت المشاركة باستخدام تطبيق مبتعث )

اذا صارت الجامعه أملاك خاصه للعميده يصير خير. أصعب شئ ان تفصل موظف حكومي, بالكثير نقل تاديبي وان شاء الله ما يصير. عموما ما يخلي هالخمه في مناصبهم الا الخوف

مدير جامعة الملك خالد انشال في يوم ليله بسبب احتجاجات الطلاب ولو خافوا انه يضرهم او يستقعد لهم كان تلقونه متكي في مكتبه الآن

ولا يحق لمدير الجامعة الفصل
يالربع الدنيا ترا مهيب فوضى فصل نقل تأديبي
ترا فيه ديوان مظالم ترا فيه تظلم ترا فيه،،،،،