استفسار حول الاعاده و الماجستير !!

1) أغلب الجامعات كجامعة الإمام لا تعلن عن وظائفها، يعني للأسف يجون يسحبون المعيد من القاعة ويقولون له حنا عندنا وظيفة ونبغاك تصير معيد بدون ما احد يدري ولا شيء.
أحد الزملاء يقول: كنت في القاعة في المستوى الأخير، وفجأة جاني دكتور ناداني، ورحت معه لين عند رئيس القسم، وقال له: هذا الرجال، قال خلاص سووا له لجنة
ويقول: أنا ماني فاهم وش السالفة، وأخذوه في غرفة جانبية مع اثنين دكاترة، وقالوا له: نبيك تصير زميلنا، وكم سؤال وقالوا له: خلاص انقبلت
وأعجبني أنه رفض الوظيفة، وجلس يقدّم على جامعة ثانية لين انقبل فيها.

فالحل: تروحين القسم وتحطين ملفك عندهم وتحاولين تتابعين كل مرة معهم.


2) الصحيح أنك إذا تم ابتعاثك للخارج ورجعت بشهادة لا بد أن تخدم الجامعة مدة تضاهي مدة ابتعاثك
أما النقل في حين عدم ابتعاثك فهو ممكن، لكن يبي لها شوي شغلة ومبررات قوية.

3) نصيحة خليك على تخصصك مهما كان تخصصك؛ لأن تغيير التخصص غير متقبل في السعودية
الجامعات لا توظفك، والشركات لا تثق فيك كثير وتطلب منك خبرة.

بالتوفيق،،،

شكرا لك ولردك
يعني هل من الممكن اكون معيده في جامعه الملك فيصل او الحدود الشماليه كم سنه
وبعد كذا يكون لي نقل لجامعات الرياض الامام او نوره او سعود !

لا يشترط على المبتعث أن يقضي عدد سنوات ابتعاثه في جهة عمله التي اُبتعث منها.
وإنما يُشترط عليه أن يقضى عدد سنوات ابتعاثه في الوظائف الحكومية.
فعلى سبيل المثال؛ لو تم ابتعاثك عن طريق جامعة الحدود الشمالية لمدة ستة سنوات ، وبعد العودة خدمة سنة في جامعة الحدود الشمالية. ثم وجدت وظيفة في أي جهة حكومية ؛ فإنه يحق لك النقل.
أعرف مجموعة من الزملاء نقلوا بهذه الطريقة.
لكن إذا أردت النقل للقطاع الخاص ؛ فإنك ملزم بسداد تكاليف فترة ابتعاثك.
تحياتي


( تمت المشاركة باستخدام تطبيق مبتعث )