أحذف و إلا ما أحذف ؟

تحديثات على الموضوع :

تواصلت مع السوبرفايزر حقي و قلت له بكل صراحة "أنا بوادي و هم بآخر لأن ما عندي خلفية عن المادة أبد أبد ".. رد علي بإنه لازم أكلم دكتور المادة و أقول له عن اللي أواجهه و بعدها بيتفاهم معي. و قال كذلك إنه قد أشرف على طلاب من قبل ما عندهم خلفية و نجحوا بالمادة و الآداء كان كويس. و قال إنه It will wrok itself out .. أنا ما أعرف كذا يا أما أصير ماشية صح و إلا ما أحب البربسة و أخليها على التساهيل



متأكدة إن دكتور المادة الآن عنده خبر لأن أعرف حركات الدكاترة يتساسرون مع بعض :| معليش أبكثر حكي بس لأن ما أبي أجيب العيد هالسمستر و تضيع علي دراستي الترم اللي فات طالبة معنا واجهتها مشكلة في مادة السنتاكس و كلمت السوبرفايزر حقتها على إنها تبي تحذف المادة و قالت لها إنه روحي كلمي دكتور المادة و اشرحي له مخاوفك و على نهاية ديسمبر احذفي إذا ما ضبطت الأمور.. راحت للدكتور و الدكتور كان متعاون معها جدا ما شاء الله و يعطيها فرص للاسايمنتس و البحث يعني الديدلاين تبعها غير عنا الله يوفقها و يسهل أمرها .. المهم نهاية الموضوع البنية ما عدت المادة و هذي هي بترجع لدولتها …… الخلاصة من هالسالفة أنا ما أبي أكلم دكتور المادة و يقول لي إنه بيعطيني فرص و مدري وش, لأن أنا مشكلتي ما أدري وش سالفة المادة لو يعطي فرص ثم يعطي ما أدري وش يقولون أصلا يعني ما أبي أعيد مأساة صديقتي الله يخلف عليها و ييسر أمرها و يرزقها من واسع فضله و يجعل ما صار لها خيرة.

السلام عليكم
الاحصاء ماده مهمه لاي برنامج دكتوراه وكثير برامج فيها مواد احصاء .. لو انتي حاسه انك محتاجه الماده وراح تستفيدي منها في الماده هاذي وغيرها يعني مستقبلا اتوكلي ع الله وسجلي فيها ...
الشي الثاني تقدري تدوري مواقع فيها دروس احصاء او اليوتيوب
في موقع اسمه خان اكاديمي Khan Academy فيه دروس رياضيات بس مو متاكدة اذا فيه احصاء..

بالتوفيق

وعليكم السلام

ميمونة المفروض قبل تسوين جدول موادك كل ترم
تروحين لتعريف بسيط للمادة تقرأين عنه وهذا موجود في ملف PDF في كل قسم بتقولين ليه
لمن تقرأين تعريف المادة بتجدين كاتبين انه على ماسبق من دراسة الطالب ورقم مادة الأساسيات الي لازم أخذوها من درسوا بكالوريس او ماستر
تقومين وش تسوين تروحين تأخرينها للترم القادم وتاخذين هالمادة أساسيات مع الماستر او بكالوريس
دائم اقرائي جدول تعريف موادك في شي كثير له متطلبات سابقة من مواد مثل الإحصاء مثل مواد التخصص في مواد أساسيه تعتمد عليها مواد بعدها
أتذكر ايام البكالوريوس يوم كنا نختار المواد ونسوي الجدول بالنت المواد الي لازم قبلها تاخذين مواد يحطون نجمه او علامه وتطلع عبارة لها متطلب سابق
شوفي لو في مثل كذا بجامعات الخارج أنصحك وبقوة كوني صداقات لتخصصك ماستر وبكالوريوس
احضري لهم محاضرات لموادهم وتعرفي خذي الاسكايب تراسلي تستفيدين كثير من نصائحهم ودروسهم حاولي تتعرفين على جاليات عربية فيهم خير .
الله يوفقك وييسر أمورك


( تمت المشاركة باستخدام تطبيق مبتعث )

محاسبة المستقبل جزاك الله خير حبيبتي .. أنا عادي أبدرس نفسي و أحاول لكن عندي مواد ثانية غير هالمادة و الله ما فيه وقت أبد!


غيمة قلبي شاكرة لك ردك .. تقصدين الـ course description.. للأسف ما فيه أي شي يقول إنه الطالب لازم يكون عنده خلفية في الستاتسكس,, أصلا
ما فيه متطلبات سابقة و هنا المشكلة.. و المادة مهيب مادة احصاء و أنا اختك.. مادة بحث و ما بحث و أنا تخصصي نظري بحت خبري بالأرقام أيام ثالث ثانوي

يارب يكون بعونك
والله حاسه فيك ومريت بموقفك باامور مشابهه ان شاء الله في احد يعطيك نصائح مفيدة من المبتعثين والمبتعثات ميمونه نحن هنا أخوة وأخوات اسألي في كل شيء تحتاجينه وبإذن الله ادعي الله لك بتيسير أمورك يارب


( تمت المشاركة باستخدام تطبيق مبتعث )

أعتذر لانشغالي الشديد عن المنتدى بحكم ظروفي الحالية في السعودية، لكن ببساطة يا أختي:
ما فيه شيء في الأخير بيكون مستحيل، وتكاد تكون قاعدة أن (الواحد في بداية كل فصل يتخوف من المواد، ويكاد يتكرر كل بداية فصل)
مثلك حنا، أنا آخر عهدي بالأرقام مو في الثانوي بل في المتوسط بحكم أني دارس في معهد تابع لجامعة الإمام
ولما جيت لاختبار الجي آر إي عانيت في التحضير له لأن أبجديات الرياضيات كانت عندي مفقودة لدرجة أن المدرب يستغرب ثقافتي السطحية فيه
بعد ذلك أخذت مادة في اللسانيات كانت تعتمد على الـ Experiment وكان لا بد من معرفة جوانب من الإحصاء والمتغيرات
تعبت، ودرست بنفسي، وفي الأخير، أصبحت أستمتع بأي بحث فيه أرقام وتحليلات كمية.

أما بالنسبة لتخصصك هل هو نظري أو لا، الإحصاء ضروري لكل التخصصات إلا ربما تخصص "الأدب"ّ!
لا تقولي تخصصي ما يحتاج له إحصاء، فأنت في تخصصك (لعلمي به) تحتاجي للإحصاء كثير لكن ليس بذلك العمق.

راح أبحث عن كتاب مر علي في الإحصاء في شيء قريب من تخصصك وإذا وجدته أرسلت لك اسمه
قصدي اسمه مثلاً: اللإحصاء لمتخصصي كذا.

أما بالنسبة لكونك تقومي بتسجيل مادة إحصاء
فهذي فكرة جميلة والملحقية غالبا توافق عليها

لكن إذا رغبت في طلب دروس خصوصية في الإحصاء والاستمرار في دراسة المادة
فالملحقية أيضا تدفع التكاليف، وسبق وسألت الملحقية عن هذي النقطة لما واجهت نفس المشكلة لكني في الأخير اعتمدت على نفسي
الملحقية قالت: يمكنك إما تسجيل مادة إحصاء أو أخذ دروس خصوصية.

تحياتي،،،

الله يجزاك خير أختي ما قصرتي …..

اختبار الجي آر اي يا أخوي الفرص متاحة إنك تاخذه مرة و اثنين و ثلاث .. لكن مادة الماجستير مرة وحدة يا تجيب فيها كويس , يا تجيب فيها العيد و تنطرد من البرنامج, يا تجيب فيها تقدير مش حالك
و ينخسف المعدل …. ما أحب اخطو في شي إلا أنا متاكدة بنسبة ٦٠ بالمية إني أبعديه بسلام, ما أعرف أغامر خصوصا بهالوقت. الأمر الآخر عندي مادة ثانية يبي لها جهد مضاعف لأن يدرسونها
بشكل متقدم جدا! يعني يبي لي أدرس نفسي الكثير من الأساسيات

و أقصد بإن تخصصي نظري .. كنت أقصدها حرفيا .. بالجامعة ما درست و لا نص مادة عن البحوث و لا عن الاحصاء و علاقته بقسمنا! و تفاجأت بأن كل الطلاب عندهم خلفية و يتعاملون مع المادة
بطريقة الاستذكار و يراجعون معلوماتهم. الله يزيدهم من فضله


حتى لو درست الاحصاء ,,في الكورس هذا أنا مطالبة باسايمنت اسبوعي , غير البحث و العرض و short papers بالإضافة إلى القراءة في مواضيع كلها علامات استفهام بالنسبة لي


شكرا لك أخ ابن بيت آل هليلة انتظر اسم الكتاب .. و الكتاب المقرر علينا Essential Statistics for Applied Linguistics

نصيحتي لك دامك تبين نضمنين درجة كويسة في المادة وتبين تفهمينها اكثر بأن تحذفين المادة وتاخذين احصاء عشان ما تجلسين قلقانة طول الوقت خصوصا ان فيه واجبات اسبوعية وعليها جزء من الدرجة النهائية للكورس . سجلي مادة احصاء وتوكلي على الله وروحي للادفايزر وقولي له بحذف المادة واخذها ترم ثاني . حاولي تحسمين الموضوع من لحظتها... بالتوفيق..