مساعدة كيف اكتب خطاب اعاده😢

37 مشاهده وما فيه اي رد 😢😢😢

وعليكم السلام ورحمة الله وبركاته..
الامر سهل اختي ترفعي خطاب لوكيلة الكلية و بما انو انتي لسى ما تخرجتي فلازم ترفقين كشف الدرجات الخاص بيكي مختوم من كليتك .
طبعا لازم تذكري انو انتي لسى في مرحلة التدريب و على وشك التخرج. و عادي لو قالوا راح ننزل اعلان و تابعي الموقع ....الخ
وخذي معاكي ملف في السيرة الذاتية لك و لو عندك دورات او خطابات شكر من قسمك.
ولا تنسي تاخذي رقم الخطاب و تعرفي لمين راح و التواريخ علشان تكوني معاهم خطوة خطوة.
و تكتبي اسمك في اخر الخطاب و توقيعه مع التاريخ و اسفله تكتبي ارقام الاتصال الخاصة لك.
و الي اسفل ممكن يساعدك و طبعا انتي كمان ضيفي عليه
واتمنالك التوفيق.

سعادة و كيلة ( تذكري القسم )،
السلام عليكم ورحمة الله و بركاته و بعد،،
اود ان ارفع لسعادتكم خطابي هذا بخصوص التقديم على وظيفة معيدة في القسم ..... . انا طالبة في القسم .... في السنة ..... ، الان في فترة التدريب.

شكرا جزيلا علي ردك الله يوفقك ويرزقك
بس عندي استفسارات
1-ارفع الخطاب لوكليه الكليه او القسم لان كليتي فيها اقسام كثيره
2-ايش هو رقم الخطاب ؟ هل هو شئ لازم اخذه منهم
علما باني لقيت فيه موقع ترشيح المعيدين والمحاضرين في رابط مواعيد التقديم انو تخصصي فيه تقديم بس ما فيه علان معيد
هل فتح باب التقديم يعني وجود شاغر
3_المعلومات التواصل ايش اكتب رقم جوال وايميل فقط ووين بالضبط تحت التوقيع ؟
4_تخصصي لغه التدريس فيه بالانجليزي حتي لما قدمنا تدريب طلبوا سيره ذاتيه بالانجليزي
فهل اكتب سيره ذاتيه بالعربي او اعطيهم الانجليزيه ؟
اعتذر علي كثره استفساراتي

هلا اختي حياكي،
ترفعي الخطاب الى رئيسة القسم الدراسات الاروبية اي الي انتي تدرسي فيها ، و هيا ترفع الخطاب الى وكيلة كلية الاداب و العلوم الانسانية.
بالنسبة لرقم الخطاب لما يتحول خطابك لمعاملة راح تصدر على حسب الاجراء المطلوب، ولما تتصدر اطلبي من السكرتيرة رقم المعاملة و التاريخ الي خرجت بيه ، مثلا خ/ ٥٨٥٨٦ ، خ معناها خارجي و د داخل القسم. و لمين توجه الخطاب.
معلومات التواصل رقمك جوالك و البيت و رقم الوالد على اساس في اكثر من رقم ممكن يتواصلوا معاكي.و راح تكتبي الارقام في السيرة الذانيةكمان الي تكون بالانجليزي.
وكمان قدمي في معهد اللغة الانجليزية لو انتي في جامعة الملك عبد العزيز او جامعتك فيها معهد لغة.
المعلومات التالية تكون في الركن الايسر من الخطاب.

مقدمة الطلب
توقيعك
اسمك الرباعي
تاريخ التوقيع
ارقام الاتصال ( الجوال و تحته الايميل)
بالنسبة للاعلان عن وظائف، الكثير يقدموا حتى لو ما في اعلان و لما تنزل وظائف هما ييتصلوا و يحددوا يوم للمقابلة بس اهم شيئ يكون عندك ملف و تابعي الموقع و اتصلي عليهم من فترة لفترة
و بالتوفيق اختي.

شكرا جزيلا ...الله يوفقك

سوي خطاب على ورقة A4 موجه لرئيسة القسم انك على وشك التخرج وابي اقدم على وظيفة معيده وكلمتين من عندك وتختمين الخطاب بأسمك وتوقيعك ورقم جوالك وارفقي معها صورة لاخر سجل اكايمي لك وعطيها لرئيسة القسم والخطاب غرضه انو تعطين خبر للقسم ان درجاتك تنفع تكونين معيده ، لان بعد التخرج لو صار نصيب ملزومه انك ترفقين وثيقة التخرج والاحوال المدنية والسجل الاكاديمي والدورات والشهادات ان كانت عندك ودامك في فترة تدريب كلميهم يعطونك شهادة تدريب مهمه جداً ، والخطاب ما يحتاجله لرقم اداري لان مراح تطلع لوكيلة الكلية الا بعد صدور اعلان واجراء مقابلة وموافقة مجلس القسم هنا راح يصدر لك خطاب اداري بالموافقة المبدئية من قبل القسم وعادة اذا اوراقك بالكلية ما يحتاج تاخذين رقم خطاب لان الاوراق بتطلع من القسم على مكتب الوكيله ، هنا اسألي السكرتيره اذا وصلت او لا وهي بتعطيك الخبر ، تاخذين رقم الخطاب في حالة اذا الكلية وافقت عليك و راحت لعمادة اعضاء هيئة التدريس عشان تتابعين سير المعامله ، والله يوفقك .

شكرا فيصل جزاك الله خير