استفسار لمعيدين ومعيدات جامعة الامام( محاسبة )

وعليكم السلام ورحمة الله وبركاته ..
أهلا بك أختي , أنا أجريت أختبار قبل سنة ونص تقريباً , كان قسمي المحاسبة , وكان الاختبار شامل لجميع المواد تقريباً , من كل مادة جايبين شوي , بس أشياء مش متعمقة مرة .. وكل الأسئلة اختيار من متعدد .
وسؤال واحد في الأخير عام ماله دخل بالمادة , سؤال مقالي الغرض منه قياس التفكير ومعرفة الشخصية ..
أنا ما أدري صراحة كيف راح يكون اختباركم هل بيكون مثله أو لا .. بس هذا اللي عندي .
وبصراحة ما كنت قريت قبلها شيء ولا حضرت ..
وبالتوفيق لك ..


طبعاً مواعيد التقديم راجعي فيها الكلية لأن الزبدة عندهم كل قسم يفرز المعيدين ويقابلهم متى ما تيسر ما فيه موعد يقدر أحد يفيدك فيه غير حقين الكلية .. رئيسة القسم مثلاً ..

قدمنا وقعدنا شهرين .. ثم جتنا رسائل بموعد الاختبار التحريري اللي كتبت لك عنه فوق ..
كنا قرابة الـ 40 مختبر , وبعد الاختبار أرسلوا لـ 12 شخص عشان المقابلات الشخصية ..
قابلونا على يومين , كل 6 بيوم ..
المقابلة استمرت معي قرابة الـ 50 دقيقة .. بس لا تخافي أدخلي واثقة ..
المقابلة اشتملت على اسئلة تقيس الفهم المحاسبي وكمان الثقافة العامة ويشوفوا حماسك ورغبتك للإعادة وليش تبغى تصير معيد واسئلة بعضها استفزازي وفكري يشوفوا إيش ردة فعلك .. يعني مثلاً سألوني :
1 - اختر أي موضوع في المحاسبة واشرحه لنا .
2 - إيش أحب أقسام المحاسة لك ؟
3 - كان عندي حذف ترمين وسألوني ليش حذفت .
4 - سألوني تعرف كم الراتب وتعرف كم راح تدرس برا من سنة .
5 - سألوني وين قد سافرت .
6 - إيش الفرق بين التفسير بالمأثور والتفسير بالرأي .
7 - إيش رأيك لو قلنا لك تدرس بنات .
8 - إيش رأيك بالربيع العربي .
9 - إيش رأيك في قيادة المرأة .
10 - قد سافرت أفريقيا ؟
وغيرها ..

اللي يقابلوني كانوا 4 دكاترة من ضمنهم رئيس القسم ..

بعدها بشهر تقريباً كلمونا من جديد قالوا مقابلة مع مجلس الكلية حنا 5 طلاب ..
المقابلة كانت مع العميد والوكيل ورؤساء الأقسام مجرد 5 دقائق عشان يشوفونا ويتعرفوا علينا أكثر ..
في نفس يومها بلغونا أنه قبلنا احنا الخمسة وأنهم راح يرفعوا المعاملة لإدارة الجامعة ..
بعد شهر ونص تقريباً نزل قرار التعيين ..

هذا باختصار , إذا تبغي شيء أذكره لك بالتفصيل بلغيني أختي ..
ودعواتي لك بالتوفييق ..

المهم أختي لا تخافي من شيء ..
ودايم ادعي ربك يكتب لك الخيرة في كل أمورك ..

واخلي الاختبار أو المقابلة أو غيرها وأنتي مليانة اطمئنان وثقة أنه إذا هالأمر فيه الخيرة لك فربي راح يكتبه لك ويتيسر لك ..
وإن كان مو الخيرة لك فربي راح يصرفه عنك ..
فما فيه أي داعي للارتباك .. لما تحطي هالتصور في عقلك وبين عينيك .. راح تكوني مرة مرتاحة ومطمئنة ..

اشكرك اخوي جزيل الشكر ماتتخيل قد ايش كﻻمك ريحني وخﻻ هاجس الخوف يخف عني ...
عندي كم سؤال لك واتمنى اني ما اكون ثقلت عليك ..
1/ الاسئلة كانت نظرية وﻻ عملية؟
2/ اذا ممكن لو تذكرلي سؤالين او عالأقل سؤال من الاسئلة عشان اعرف مدى تعمقهم في الاسئلة وعلى اساسه ابدأ بالتحضير للإختبار ؟
3/ ايش تنصحني بالأشياء اللي يجب اني ابتعد عنها في المقابلة ؟ والأشياء المحببه فعلها في المقابلة ؟
4/ هل كوني موظفة حكومية قد يقلل من فرص قبولي في اﻻعاده ؟
5/ بالنسبة للأسئلة اللي سألوك إياها في المقابلة المذكور بترقيمك كالتالي : 7 - 8 - 9 ، ايش كانت اجوبتك ؟ لأني عجزت القى اجوبة لها خاصة اني مااعرف توجه الجامعة وارائهم حول المواضيع هذي ؟
واكرر شكري لك اخوي وادري اني اتعبتك معاي وكثرت اسئلة بس الله يفرجها عليك مثل مافرجت علي همي ويزيدك من واسع فضله 💜💜💜

السلام عليكم < حابه استفسر عن الاعادة في جامعة الامام > جاتني اليوم رساله إن تم قبولي والاختبار بيكون يوم الخميس علما بأن التخصص تربية خاصة ( كيف طريقة الاسئلة هل هي شفوي او ورقي ؟ )

وانا تربية خاصة وشهي الاسئلة ارجو الرد