ماذا بعد مجلس الجامعة

يختلف من جامعة لجامعة و حسب الارقام الوظيفية ،، لكن بما ان اسمك وصل لهناك فـ نقول الف مبروك مقدما ،، البعض ما اخذت معاهم اسبوعين لـ 3 و البعض لاكثر من شهرين
راجع شؤون الموظفين بالجامعة و اسأل وش صار بموضوعك ،، موفق.

الله يعطيك العافية،، بس مو ممكن يدقون على المرشحين على طول بعد مجلس الجامعة

بيتصلو ع المرشحين ع اساس ينهو اجراءات التوظيف من كشف طبي و غيره ،، و تنتظر يتصلو فيك بعدها علشان تباشر عملك ،، خلك ع تواصل مع شؤون الموظفين و هم اللي يفيدوك بكل شي ،،
و لو كنت بجامعة عزوز بعطيك رقم واحد تتابع معاه ،، موفق.

جزاك الله خير لا مو عبدالعزيز،، انتظرهم نشوف علومهم

بجامعة سعود ؟
طوللي راجع عمادة الموظفين في البهو
مبنى ١٩ الدور الرابع وفيه موظفين مسؤولين عن التوظيف يفيدونك
وخذ معك صورتين شخصية والبطاقة

جامعة الملك خالد،، ننتظرهم يقولون قريبا نشوف عسانا من المقبولين باذن الله

بعد مجلس الجامعة تقدر تقول إن شاء الله الف مبروك

راجع سكرتير لجنة تعيين المعيدين واعرف متى اجتماع اللجنة القادم،اللجنة تجتمع كل اسبوعين لذلك كل اسبوعين راجعهم يوم خميس ومعك صورتين شخصية والبطاقة
وان شالله نقول ألف مبروك

بعد مجلس الجامعة غالباً إنهاء الإجراءات والمباشرة، ويبقى فقط مجال للواسطات الكبيرة.
أحد الشباب بعد مجلس الجامعة اتصل به القسم وقال مبروك تعال نعرفك على القسم ونتعرف عليك لأنك خلاص زميل لنا، وفعلا راح القسم، وبعد فترة تفاجأ أن اسمه استبدل باسم شخص آخر من نفس القبيلة كان في الاحتياط، وتم ابتعاثه مباشرة بدون ما يباشر في القسم علشان يخفون تلاعبهم وما يدري صاحبنا، كل مرة يروح لهم يقولون والله الميزانية ما تسمح والتوظيف موقف، صك على هالحال سنتين وجميع زملائه باشروا القسم، والشخص اللي أخذ مكانه مبتعث ولا كأنه أخذ مكان زميله.

لكن بشكل عام: بعد مجلس الجامعة غالبا إنهاء إجراءات ومباشرة.