تكدست الجامعة بعد القبول!!

اعتقد ان التكدس يشمل فقط طلاب برنامج الملك، الأفضل تتأكدِ من جامعتك

شكرا لك ,, ياليت اي احد عنده خلفيه يفيدني

هلا أخت خلود
مبروك عليك التعيين ما شاء الله، أذكر أيام تقولي رحتي المقابلة من أقصى الشمال لأقصى الجنوب، هذا إذا ما كنت واهم أنه عضو ثاني.

عموما طالما وافق قسمك، وفقت الكلية، وافقت لجنة الابتعاث في جامعك، قضي الأمر ما عندك مشكلة بعدها بإذن الله لكن لاحظي الفرق:
لو كنت في بريطانيا وحبيت التغيير لجامعة متكدسة فمن حق الملحقية رفض رفع طلبك لمرجعك بحكم أن الملحقية تصبح بعد ابتعاثك هي الجهة المباشرة التي تشرف عليك.

بالتوفيق،،،

مالها دخل
طالما وافقت الكلية واللجنة فاخلاص اتطمني ونقول لك مبروك والله يوفقك
قاعدة ذهبية
"التكدس فقط خاص بمبتعثين برنامج الملك"

قاعدة جميلة لكن فيها استثناءين:

١) إذا كنت مبتعث من جامعة ورأت لجنة الابتعاث عدم الموافقة لك على جامعة متكدسة خصوصا لما يكون من جامعتك أكثر من معيد أو محاضر لنفس الجامعة، وهذا ما حصل معي قبل سنوات عندما أردت الابتعاث لجامعة نيوكاسل في بريطانيا، تمت موافقة القسم والكلية ورفضت لجنة الابتعاث بسبب تكدس الجامعة. بعدها بسنة كان عندي قبول من جامعات من ضمنها جامعة إيسكس وكنت أتكلم مع مدير شعبة الابتعاث في الجامعة وقلت له إن عندي قبولات من جامعات كثيرة في اللغويات قال لي: ما عندك مشكلة لكن جامعة إيسكس لا تجيها أوقفنا الابتعاث لقسم اللغويات نهائيا بسبب التكدس الغير طبيعي في القسم.

٢) الحالة الثانية لما تكون مبتعث من جامعة وتصبح في بلد الابتعاث ولديك قبول في جامعة غير الجامعة التي تم ابتعاثك لها وتود تغيير الجامعة إلى جامعة أخرى فالملحقية أحيانا ترفض رفع طلبك لجهة ابتعاثك بسبب تكدس الجامعة وإن كان الأمر يعتمد على مشرفك ومدى تفهمه ودعمه لموضوعك. أحد الزملاء حصلت معه ورفضت الملحقية رفع طلبه بسبب التكدس واضطر لإنهاء بعثة والعودة للسعودية ثم التقدم بطلب ابتعاث من جديد من جهة عمله على الجامعة المتكدسة.

وشكرا،،،،

الله يبارك فيكم ويسعدكم جميييعآ , نعم استاذنا انا الي كتبت موضوع قبل وقلت اني رايحة للمقابلة واستشرتكم في بعض الأمور وكنتم نعم الزملاء الله يفتح لكم اوسع ابوابه جميعآ .. هو مو تعيين الى الآن بس فرصة كويسه ونادرة شرحها طويل بس الحمدلله دائمآ و أبدآ . الي فهمته اني احط ببطني بطيخه صيفي بالنسبه للتكدس مشكوورين طمنتوني وافدتوني الله يوفقكم

ما شاء الله، أعرف النظام اللي تتحدثين عنه، وإن شاء الله بمجرد بداية اللغة في بلد الابتعاث يتم تعيينك رسميا.

لا مو التعيين المؤجل . نظام اسمه الابتعاث المساند, القائمة الي ما اجتازت اختبارات الاعادة ياخذو منهم للابتعاث وفي حالة الحاجة يتم التعيين منهم لاحقاً ان شاء الله. هذا الي فهمته.

دائماً ردودك تثريني بصفة أو بأخرى 💐