تم الوصول إلى واشنطن ...

April 22nd, 2010, 02:51 PM

السلام عليكم ورحمة الله وبركاته ..

في تمام الساعه السابعة والنصف صباحاً تم كتابت هذا الموضوع

من فندق comfort في واشنطن الحمد على سلامة أخوي وسلامتي

و سلامه لكل من كانوا معاي على الرحلة .. بس حبيت أطمنكم علي بحكم أني مهمه جداً

في هذا الصرح الشامخ ( المنتدى ) .. ماعلينا مارح أذكر أي تفاصيل لان كل شي سهل

ولله الحمد من لحظة الأقلاع من الرياض إلى الآن موظفين الملحقيه في كل مكان بالمطار

وضباط الهجره قمة في الروعه تعامل ولا أحلا .. ماعدا شي واحد اللي بأسبابه

بغى يغمى علي >>>> هذاك الكلب اللي لو يقولون وش مايقولون متأكده

انه له عرق في الديناصورات يخرب بيته مو كلب

فلم رعب وانا هينا أنتهيت حابسه الدموع بعيووني من الخووف وأخوي يضحك علي ومبسوط

وشوي ولا أبو الشباب (الكلب طبعاً ) عند ركبة أخوي يشمشم عساه يفقد حاسة الشم وأنا هينا

غمضت عيوني وقعدت أقرا آية الكرسي والفاتحه وأكررهم .. و أخوي فاطس ضحك علي

وأفتح عيوني شوي ولا القاه راح طبعاً السيد الكلب يتنقى اللي يبي ويطلب الضابط من الشخص الذي

وقع عليها الاختيار انه يوقف ويقوله بابتسامه الكلب يبي يشمك ويبدأ الكلب يشمه .. وياقلب لاتحزن

المهم أنه ماقرب لأي سعودي كل اللي شمهم أجانب .. بعد ماخلصنا الأجراءات طلعنا لقينا لوحة ذهبية

مكتوب عليها بالعربي الملحقيه الثقافيه تحتها واحد مصري شاف الجوازات ووقفنا وقال انتظروا لما يجي

الباص أجتمعنا وأخذنا الباص للفندق طبعاً خمس دقايق و أحنا واصلين قريب مررره أنا عني الصراحه

لو جلس يفرفر ساعه ماقلت لا لأن الجو خقق وأنا أدوخ مع الأجواء والطبيعه ..

هذا أهم شي بالموضوع للآن .. والحين أستودعكم الله لأني بروح الملحقيه ورح نوافيكم بأي تطورات ..

أدعوا لنا ..

• نشر عبر تويتر
• نشر عبر فيسبوك
• نشر عبر جوجل