@اماكن الترفيه في امريكــــا@

السلام عليكمـ شباب&صبايا
حبيت نتشارك بااماكن الترفيه بحيث يكون مرجع لااي شخص يبغى:plane: بااجازته ويرفه عن نفسه..
قبل اي شي راح اضع لكمـ موقع يوضح الاجازات والاعياد الرسميه في امريكا
http://www.opm.gov/Operating_Status_...dhol/Index.asp

•·.·´¯`·.·• (السياحه في أمريكــــــــــا) •·.·´¯`·.·•

http://www.mbt3th.us/vb/imgcache/96879.png

•·.·´¯`·.·• (كاليفورنـــــــــــــــــــــ ــــيا) •·.·´¯`·.·•

سان دييغو San Diego

http://www.mbt3th.us/vb/imgcache/96880.png

اشهر الاماكن

Sea World
فيه عروض مائيه للدلافين والحيتان والعاب مائيه مرره ممتع.

ZOO
اكبر حديقة حيوان بالعالم الظاهر ! تعتبر من معالم سان دييقو.

منطقه اسمها prospect
على المحيط مرتفعه شوي وفيها مطاعم مرره حلوووه وكوفي شوبز وفيه مكان تفرشون فيه سجادتكم وتتقهوون وتستمتعون بالمنظر لاتفوتونها

Fashion valley mall
محلاته حلوه وراقي ومنطقة المطاعم رايقه

الداون تاون
فيه مطعم هندي اسمه MASAL اكله لذيذ وفخم مره
**********************************

لوس انجلوس Los Angeles

http://www.mbt3th.us/vb/imgcache/96881.png

سانتا مونيكا
من ارقى مناطق لوس انجلوس.

الثيرد ستريت بسانتا مونيكا مرره حلو شارع وسيع للمشاة وعلى الجانبين محلات ومطاعم وسينما طبعا من اشهر الاماكن بلوس انجلوس.

يونيفرسال ستوديو
فيهامدينتين مدينة العاب ومدينة تصوير الافلام وكلها رووعه.

هوليوود
وفيها الجبل الشهير وشارع المشاهيراللي فيه طبعات ايدينهم على الارض.

بفرلي هيلز
اماكن سكن اشهر الممثلين والممثلات.

دزني لاند
غنيه عن التعريف وطبعا فيها فنادق تقدرين تسكنون فيهاوتدورونها كلها.

The Grove Shopping Mall
مول مرره حلو وفخم.

سبيكتروم
مول كبير وحلو موجود بـ( أرفاين)

********************************

سان فرانسسكو San Francisco

http://cache.eb.com/eb/image?id=66214&rendTypeId=4

اهم الاماكن :


الداون تاون
مرره حلوو ويوسع الصدر


يونيون سكوير
مكان التسووق في سان فرانسيسكو روعه .


جسر البوابه الذهبيه
من اشهر الاماكن في امريكا حلو منظره بالليل والنهار وتدخلونه برسوم بسيطه .


جزيرة سجن الكتراز
(من اشهر السجون بامريكا قديما بس اللحين تاركينه مزار للسياح) تروحون بقارب للجزيره اللي فيها السجن وياخذونكم بجوله هناك على السجن حلو تشوفين العنابر وغرف الطعام وغرف الحراسه .


بيير39 (رصيف):
هذا رووعه مررره خيال ومن اكثر الاماكن شهره بسان فرانسيسكو.


فيشر مان وورف :
هذا جنب رصيف 39 حلو وفيه متاحف ومطاعم ومحلات.


(التوين بيكس)
هذي زي الهضبه ترقين لها وتشوفين سان فرانسيسكو كلها من فووق مرره حلو المنظر بس حاولو تروحون لها بيوم مشمس عشان تشوفون المدينه بشكل واضح.


لمبارد ستريت
هذا شارع متعرج زي الثعبان مرره غريب .


ملاهي سكس فلاق
مدينة ملاهي ضخمه موجوده قريب من سان فرانسيسكو


سان فرانسيسكو ZOO
حديقة حيوان.


ميترويون مول
تسوق وسينما ومطاعم


غابة (ريد وود)
اذا كنتو تحبون هالاشياء فيها شجر ضخمه مرره.

********************************

يوسمتي ناشونال باركYosemite Park
http://www.mbt3th.us/vb/imgcache/96883.png

تعتبر محميه طبيعيه وتعيش فيها عدة انواع من الحيوانات اشهرها الدب الاسودالكاليفورني تتساقط عليها الثلوج في الشتاء

تبعد عن لوس انجلوس 6 ساعات وعن سان فرانسيسكو4 ساعات وتقع على الحدود الشرقيه لولالية كاليفورنيا

وفيها جميع الخدمات ومنها الفنادق والمحلات والمتاحف والمطاعم وعياده طبيه.

وتنقسم الى
منطقة المرتفعات
ومنطقة المنخفضه(الفالي )
ومنطقة شلالات وانهار
ومنطقة تخييم ورحلات
وفي الشتاء فيه منطقة تزلج.

البارك باختصار رووعه جداا

طبعا مفتوحه طوال السنه اللي يبغى الثلوج يروح لها بالشتاء
واللي يبي الطبيعه يروح لها بالربيع والصيف.




يتبــــــــــــــــــــــع.... ..............

نكمــــــــــــــــــــــــل

نيويورك New York


الحي الاشهر والاغنى في امريكا ويوجد به مكان ابراج التجاره العالمي.

تايم سكوير
اشهر مكان في نيو يورك ويتميز بالمحلات والكوفي شوبز والشاشات الالكترونيه العملاقه.

تمثال الحرية
رمز امريكا وتروحين له عن طريق سفينه بالنهر.

السنترال بارك
اكبر حديقه بالعالم رووعه تستحق الزياره.

شاينا تاون( الحي الصيني)
فيه محلات وبضايع رخيصه طبعا اغلبها تقليد.

الحي الايطالي
فيه محلات ومطاعم ايطاليه.

متحف الشمع
فيه تماثيل لشخصيات مشهوره مصنوعه من الشموع.

شارع الفيفث افنيو
وفيه اكبر ناطحة سحاب بامريكا

مبنى الامم المتحده
وتقدرين تدخلين جوى زياره له

التسوق
ميسيز على برد وي مع تقاطع 34 استريت هو محل كبير جدا وفيه كل شيى وبجانبة محل فكتوريا سكرت وهو محل روعة للملابس الداخلية والعطور ومجموعات الحمام الي عندهم روعه وامامه محل سيفورا وهذا ايضا رووعه فيه كل شيى من ماركات المكياج وايضا في محلات كثيرة تجنن
وفي على بردو وي محلات صغيره لكن يبيعون العطور العالمية با سعار رخيصة مررررررة لانها تعتبر بالجملة وفي محلات بجانبهم تبيع شناط اشكال غريبة وحلوة وفي ايضا الي يبيعون اكسسوارت روعه .
***************************************
•·.·´¯`·.·• (نيفـــــــــــــــــــــــادا ) •·.·´¯`·.·•

لاس فيغاس Les Vegas
حدها يومين او ثلاثة ايام

اشهر شارع فيها( ستريب)
ويتميز بالفنادق الفخمه والرخيصه
طبعا كل فندق على طرازمعين اندلسي وشي باريسي وشي على طراز مدينة فينيسيا الايطاليه وطراز عربي وو...الخ
ومشهوره جدا بالعروض المسرحيه والغنائيه
***************************************
•·.·´¯`·.·• (فلوريــــــــــــــــــــــدا ) •·.·´¯`·.·•
أورلاندو Orlando

ديزني لاند
و هي عباره عن 4 باركات رئيسيه و 2 فرعيه و الظاهر انه فيهم غيرهم بعد.

الداون تاون
فيه مطعم بلانت هوليوود و فيه ماكدونالدز و و محلات و شوية كوفي شوبز.
و فيه كمان قوارب تقطع البحيره علشان تنقل الناس من مكان الى الثاني في الداون تاون لأنه مره كبير

السير دوزليه
وهو اشهر سيرك في العالم عرضهم جدا ممتع .

يونيفيرسال
ينقسم الى 3 اقسام السيتي والك و نفس الشي مطاعم و فيه الهارد روك و الان بي اي و كمان فيه كافي شوبات من بينهم ستار بكس و بعيد بعد السيتي والك فيه الثيم بارك و الادفينشر بارك و عموما كل الالعاب مأخوذه فكرتها من الافلام مثل لعبة سبايدر مان و لعبة جراسيك بارك و تورنيدو و الزلزال و شريك (الغول) و طبعا مثل لعبة الزلزال يعيش الناس جو زلزال حقيقي من حرائق و فيضانات و اهتزازات شيء رائع و غيرهم لعبة التويستر الاعصار يعيش جو الاعصار بس والله شي رائع

السي وورلد
رائع وفيهعروض الحيونات المائي من فقمات و دلافين و الحوت و كيف الحوت يتعمد بنثر المويه على الناس اللي حاضرين العرض

الانترناشيونال درايف
وهو شارع وفيه عدة اماكن اولها البيت المقلوب.

متحف برنامج ريبليز بيليف ات اور نوت
اللي شافوا البرنامج بيفهمون وش اقصد.
***************************************

•·.·´¯`·.·• (تكســـــــــــــــــــــاس) •·.·´¯`·.·•

سان انتنيو San Antonio

الداون تاون
وأهم شيء وأحلى شيء (الريفر ووك) اركبوا القارب لأنه نهر وحواليه مطاعم ومحلات
ولاتنسون مروا على مطعم كأنه غابه بوابته عليها قرد حلو مره كأنك تاكلين في غابه أسمهRainforest cafe

برج سان انتنيو
تطلعون فوقه وتشوفون سان انتنيو كلها .

حديقه الحياه البريه
فيها حيوانات مفكوكه تجي عند السياره وتعطونها أكل حلوه

(البنديره )
وهذه عاصمة البدو الأمريكان فيها نهر روعه وفيه بعد محل شوي.

السي وورد حلو
ولايفوتكم عرض الحيتان اللي فيه.

ملاهي السكس فلاقز.

المنتزهات مثل الزو بارك حلوه
وحديقة الزهور


المولات
فيه أنقرا مول حلوو بس غالي
سوق سان ماركس كبير
يقع بين سان انتنيو وأوستن في منطقه صغيره أسمها بنفس السوق تشوفونه واضح على اليمين وانتم رايحين من سان انتنيو وواضح عليه برجين كأنه منارات مسجدهذا حلو مره لا يفوتك فيه أشياء روعه.

المطاعم
المطاعم الهنديه حلووه
والمطاعم الصينيه حلوه بوفيه.
**************************************
هيوستن Houston
وهذه يبغى لها رحله يومين او ثلاث ايام
أهم مافيها جزيرة قالفستون فيها أهرامات حلووووه
و الشاطىء
فيه مول كبيير أضن اسمه غاليري فيه صالة تزلج حلوه ومحلاته حلوه


يتبــــــــــــــــــــــــــع ..............

نكمـــــــــــــــــــــــــــ ل

•·.·´¯`·.·• (واشنطــــــــــــــــــــن العاصمه) •·.·´¯`·.·•

اهم الاماكن

البيت الابيض .

المسله
معلم من معالم واشنطن وحوالينها حديقه كبيره رووعه وهي قريبه من البيت الابيض.

حي جورج تاون
اشهر الاماكن في واشنطن ويمر فيه النهر اللي يفصل بين واشنطن وفرجينيا وفيها مول حلوو.

هاربر
منطقه تطل ع البحر وجنبها قهاوي حلوه ومكانها مره رايق.

الريستون
منطقة حلووه وفيها كوفي شوبز.

التايسون مول 1 و2
*************************************

•·.·´¯`·.·• (سياتـلSeattle ) •·.·´¯`·.·•
اهم الاماكن

Pike Place Market

اويسمونها Public market هوشارع كله محلات متقابلة يعني هو شوي شعبي بس مررة ونااسة
والاكل احلى واحلى في هناك محل تركي عنده بقلاوة حلوة وو محل مدري وش جنسيته بس فطايره شكلها يهوس.

Bellevue
منطقه حلوة وسكنها حلو وفيها بعد مول حلوو.

Kirkland
منطقه راايقة وتصلح فطوور فيها كوفي شوبز على البحر.

مطعم space needle
هو مطعم فوووق يطل على سياتل كلها بس لازم حجز مسبق.

Queen Anne
منطقة عندهم للرومانسيين فقط اذا عندك عيال لا تروحين وتخربين على نفسك .

*************************************

•·.·´¯`·.·• (أوريغن Oregon ) •·.·´¯`·.·•

اهم الاماكن

اوريغن ما فيها شي مرة مميز بس احلا مافيها الطبيعة.

Multnomah falls
شلالات مرره رووعه.

منطقة Columbia river
طريقها مررة حلو وفي مزارع تقطفين منها فواكه .

منطقة Lake Oswego
الداون تاون حقها صغير بس حلو و فيه مطعم فرنسي هناك عنده حلى بالبندق يهوس
احجزي فيها هوتيل لأن داون تاون بورتلاند مييت مرة هادي بس هذي المنطقة شوي فيها ناس فالليل.

•·.·´¯`·.·• (اشهر المواقع لحجز الفنادق ) •·.·´¯`·.·•
Hotels.com - Hotel rooms with reviews. Discounts and Deals on 85,000 hotels worldwide

Priceline.com | Cheap Flights, Hotels, and Rental Cars -- Discount Airfare

للأمانه منقووووووول

ما شاء الله عليك ..
وربي رووووعة ..

الله يوفقك ويوفق صاحب الموضوع الرئيسي ..


مشكوووووورة ..

أقرب مكان لي سياتل إن شاء الله في اقرب فرصه اروح له

...............يعطيكم العافيه ...............

الله نآآآآسه
يعطيك العافيه
وجزاك الله خير انتِ وصاحب الموضوع الأصلي

ربي يعافي قلبك اختي جمانه

الله يسعدك
على الموضوع الرئع
تسلمي
تحياتي

مشكووووووووووووووووووووووووووووووووووووووووووووووو ووووووووووووووووووووووووووره ع الموضوع الرائع ^_*