مساعدة تكاسي مطار جون كنيدي بنيويورك

مساء الخير

ابشركم رحت نيويورك ( محد سئل عني)

المهم اني نزلت مطار جون كنيدي المطار كبير مره فيه 10 صالات والتنقل بين الصالات بالقطار واسوق ومطاعم بس مو احسن من مطار الملك خالد نزلت في صالة رقم 8 وسئلت عن مكتب الخطوط السعودية قالولي في صالة رقم 1 المهم اخذت الترين ونزلت فيه وخلصت امور الوالدة وركبت الطيارة

وانا ما صدقت على طول رحت سألت عن مكان التكاسي وسألتهم عن قيمة المشوار لتايم سكوير شارع سياحي قالولي 50 دولار والقا ذاك الخال اللي في مكتب الخطوط وقالي رح بالترين ارخص 7 دولار بس صراحة خاطرت لاني نزلت من الترين حق المطار وركبت ترين ثاني وطبعا القطارات عندهم تحت الارض وتشوف انواع الاشكال صراحة خفت بس فيه مكاتب شرطة يوم نزلت لتايم سكوير فليتها هناك فيه كل شي اللي يبغى يتسوق او يتمشى او يصور حتى الممثلين تشوفهم هناك لقيت فندق وعنده زحمة وتصوير انتضرت ولا ذاك اللي طلع والناس تصور معه ويوقع لهم يوم مشى سالت واحد قلت هذا منهو قام يضحك علي قالي واقف هنا وتصور ولا تدري من هذا قلتله انا سائح وعلمنى اسمه اللي مثل قرانديزر بسلامته المهم اني حسيت اني في امريكا وقبل رحتلي 3 ساعات رجعت للمطار بس ضعت شوي ركبت قطار خطا بغيت اصيح وقمت اقول في نفسي وش اللي طلعني من المطار بس الحمدلله سألت ودلوني بس نيويورك متعة اللي يبغا يجي من السعودية على حساب الملحقية ينزل نيويورك يومين بعدين يروح واشنطن انا نزلت في واشنطن صراحة ما فيها شي غير البيت الابيض وانا وش ابغى فيه والا البنتاقون وجع اماكن تسد النفس

الحمد الله ع السلامه

وشكرا ع طرح تجربتك .,,.