أرغب في الابتعاث لكن لا أعلم من اين أبدأ...؟!
حاول \ي به الفتره تجهيز الاوراق التاليه :ـ
للدراسات العليا :ـ
سجل اكاديمي انقليزي (( كشف الدرجات ))ـ
ثلاث توصيات علميه (( كيف احصل عليها ؟)ـ الموضوع سهل خذ سجل الدرجات ودور المواد
اللي ما خذ فيها ممتاز او جيد جدا .. روح للدكتور اللي مدرسك وخليه يكتب لك التوصيه
طبعا لا زم التوصيه على شكل برقراف بعض الكليات ما تعطي الا بالعربي مو مشكله خذها وعلى اقرب موقع ترجمه
معتمد ترجمها كله يمشيء هنا مو مشكله
في شيء لا زم الكل ينتبه له اللي هو الاسم في الجواز لا اااااااااااازم يكون مطابق للوثيقه
اذا كان فيه اختلاف فالاسهل انك تاخذ صوره من الوثيقه وروح الجوازات وطلع جواز بنفس الاسم - الموضوع خيار شخصي بس هذا رأيي -ـ
الوثائق المطلوبه :ـ
جواز سفر ساري المفعول (( للبنات جواز سفر للمحرم ))ـ
طبعا تابعو الجرايد شوفو متى يبداء التقديم اول ما يفتحون البوابه الالكترونيه
اتبع التسلسل التالي
-1-
خطوات التقديم على الابتعاث في موقع الوزاره كامل بالصور
طبعا راح تنتضرو وقت لين تطلع النتيجه والله يا ثقلها على القلب ..
اذا طلعت النتيجه ارجعو لي ...:)
-2-
اذا انطبقت عليك الشروط تقدر تقول ان نسبة قبولك 99% بأذن الله
بعد التقديم راح يجيكم رسايل على الايميل والجوال تحدد لكم يوم التدقيق ...
طبعا الهدف من هذا اليوم انهم يرتبون المبتعثين ويشوفون الاوراق كامله ولا لا
الثانويه العامه بياخذون منهم أصل الثانوية العامة
والدراسات العليا طبعا صوره طبق الاصل للوثيقه
والتوصيات (( وهي خاصة للدراسات العليا )) لا تعطون الوزاره الاصول اكتفو بالاسكنر لانهم ما راح يجيبون لكم قبول جامعي فقط لغه
طبعا التدقيق لا يعني ابداً القبول النهائي وهو بس للتصفيه والتأكد من المعلومات
بتنتضرون حوالي الشهرين ..
وتطلع النتيجه وبعدها نقدر نقول مبرووووووك الترشيح النهائي ...
وتخصيص الدول
طبعا راح خلال هالفتره تجيكم اتصالات او بريد الكتروني من مكاتب القبولات
وتقولكم وين جاكم القبول فيه
طبعا .. الى هذي النقطه اودع كل المبتعثين اللي ما طلعو على امريكا .. لان ما عندي خلفيه الا في دولتي
لكن اي احد عنده استفسار عن كندا ممكن افيده .. بالتوفيق ...
طبعا تقدر تروح لملتقى مدينتك هنا في مبتعث وتضع استفسارك واكيد الاخوه ما راح يقصرون
-4-
اقدر اقولك انك احسنت اختيار امريكا ..
بتقولي ليه .؟
لان الشهاده الامريكه لها قوتها بين الدول
بالاضافه الى الحريه المتاحه في ممارسه الاديان من صلاه وحجاب .. الخ ...
وتنوع الجامعات وسهوله الحصول على قبولات
النقطه الرابعه راح اخصص لها موضوع منفصل
عشان تفرعاته كثيره والشرح عليه يطول ...
أطيب الامنيات لكم بالتوفيق ..
لا تحرموني من دعواتكم ...
همســهـ ..
وحابه اقولكم الموضوع اكيد صعب انك تترك اهلك وناسك ..
ونقله نوعيه لحياه مختلفه .. لكن اجعل كل همك انك بأذن الله تصل لتحقيق طموحك
وقبل هذا كله احتسب انك في سبيل الله .. فأنت تارك ارضك لطلب العلم
بالتوفيق للجميع
** أخواني اي موضوع تشوفونه يساعد الراغبين في الابتعاث ويثري الموضوع
ياريت ترسلونه لي عشان اضيفه بأول الموضوع لان الوقت ضيق بالنسبه لي ولم ابحث
واكتفيت بمواضيعي ليس اهمال لما كتب الاخرين لكن لا يوجد لدي الوقت للبحث