حيرتي مع شهادة الثانوية وتسليمها للجامعة ومطابقتها للبعثة ؟!
السلام عليكم ورحمة الله وبركاته
أتمنى الجميع يكون بصحة وعافية
ماكتبت الموضوع هنا الا من شدة حيرتي .. لدرجة انو مخي شوية وحينفجر
دحين انا طالبة متخرجة من الثانوية ..
وابى اقدم على ابتعاث للمرحلة السادسة
وبنفس الوقت مااضمن انقبل مع انو الشروط المطلوبة تنطبق عليا ..
فعشان كدا قلت اقدم في جامعة هنا .. وسجلت في عبد العزيز
لكن اللي سمعتو انه راح ياخدو الشهادة الاصلية حقت الثانوية ؟؟!!
طيب وفي البعثه برضو راح يطلبو الشهادة الاصلية عشان يطابقو الصورة
ايش الحل ولو احد مر بموقف زي دا ايش سويتو وقتها ؟؟
وهل صورة الشهادة طبق الاصل تغني عن الأصلية ؟؟
ومرة شكرا
رد: حيرتي مع شهادة الثانوية وتسليمها للجامعة ومطابقتها للبعثة ؟!
في التدقيق يحتاجوا الأصل للمطابقة , وهم أذكياء يخلوك تجيبي الأصل عشان يضمنوا انك مو في أي جامعه أو مقبوله في مكان ثاني وتاخذي مقعد على غيرك , فـ لازم يكون اختيار واحد , بعثه أم جامعه .. لو كنتي مقبوله في الجامعه واخذوا الشهادة , تقدري تستعيري الشهادة لمدة اسبوعين .. بس على حسب كل جامعه , في جامعات اذا قبلوك واخذوا الشهادة , يجبروك على الدراسه على الأقل سنه وبعدين لك الأحقيه في سحب ملفك .. وصراحة هذا الأمر يسبب حيره مره ! ..
رد: حيرتي مع شهادة الثانوية وتسليمها للجامعة ومطابقتها للبعثة ؟!
ايوه في عبد العزيز مكتوب انه مااقدر اخد اوراقي الا لو عدت 3 شهور :(
الله يعين :(
:
ع العموووم مررررررررررررررررررررررررررررررررررررة شكرا انك رديت عليا
الله يوفقك يارب
:
رد: حيرتي مع شهادة الثانوية وتسليمها للجامعة ومطابقتها للبعثة ؟!
اظن طلاب المرحلة الخامسة سجلو في الجامعات السعودية ..
ووقت ما طلبوها وزارة التعليم العالي للمطابقة عشان البعثة استعاروها من الجامعة لمدة معينة ..
والله يوفقكم ..
رد: حيرتي مع شهادة الثانوية وتسليمها للجامعة ومطابقتها للبعثة ؟!
اقتباس:
المشاركة الأصلية كتبت بواسطة لن استسلم
اظن طلاب المحة الخامسة سجلو في الجامعات السعودية ..
ووقت ما طلبوها وزارة التعليم العالي للمطابقة عشان البعثة استعاروها من الجامعة لمدة معينة
وضربو عصفورين بحجر واحد :roflmao:
تساهيل باذن الله والله يوفقكم ..
طيب مممممممم فأيت جامعة بالزبط ؟
ولا كلها تطبق نفس الشي ؟؟
ويديك العافية
:)
رد: حيرتي مع شهادة الثانوية وتسليمها للجامعة ومطابقتها للبعثة ؟!
ماعرف التفاصيل .. لكن قرات اكثر من موضوع يتكلمو فيه انهم استعارو الشهادة من الجامعة
رد: حيرتي مع شهادة الثانوية وتسليمها للجامعة ومطابقتها للبعثة ؟!
و أنا زيك تم قبولي في جامعة الملك فهد بس قالوا لازم الشهادة الأصل و المشكلة أني قدمت على سابك و ارامكو
و المرحلة السادسة
فأكيد لو قبلوني ( إن شاء الله) يبغوه الشهادة الأصلية للمطابقة
فما أعرف اش اسوي
رد: حيرتي مع شهادة الثانوية وتسليمها للجامعة ومطابقتها للبعثة ؟!
لن استسلم
^_^ اوك مو مشكلة .. تسلم
:
مقبل على الابتعاث
:( مافي غير انو نستخير وفي النهاية كل شي حيمشي زي ماربنا كاتبه
والله يوفقنا
^.^
رد: حيرتي مع شهادة الثانوية وتسليمها للجامعة ومطابقتها للبعثة ؟!
الافضل انكم تحددون بعثة ام جامعة ... ^____^
واذا تبون تقدمون على جامعة فانتبهوا لشرط السحب ... متى يحق لك تسحب الشهادة ...
بالتوفيق ...
رد: حيرتي مع شهادة الثانوية وتسليمها للجامعة ومطابقتها للبعثة ؟!
:dry: مرة محتارة .. واخاف أختار واحد ويروحو عليا الاتنين
ع العموم تسلم ويوفقك ياارب
: )